އެންސީޓީސީގެ ފަރާތުން ހައްދުފަހަނަ އެޅުމާއި ޓެރަރިޒަމް ހުއްޓުވުމަށް ތަމްރީނު ޕްރޮގްރާމެއް ފަށައިފި
ނޭޝަނަލް ކައުންޓާ ޓެރަރިޒަމް ސެންޓަރ، އެންސީޓީސީގެ ފަރާތުން ހައްދުފަހަނަ އެޅުމާއި ޓެރަރިޒަމް ހުއްޓުވުމަށް ވޯކްޝޮޕެއް ފަށައިފި އެވެ.
ޖުމްލަ 62 ބައިވެރިންނާއެކު މިއަދު މި ވޯކްޝޮޕް ފަށާފައި ވަނީ އިސްލާމީ މަރުކަޒު ޖަލްސާ ކުރާ މާލަމްގައެވެ. މި ވޯކްޝޮޕަކީ ނާއިފް އަރަބް ޔުނިވާރސިޓީ ފޯ ސެކިއުރިޓީ ސާވިސްއާ ގުޅިގެން އެންސީޓީސީ އިން ކުރިއަށް ގެންދާ ވޯކްޝޮޕެކެވެ. އެމްއެންޑީއެފް އިން މައުލޫމާތު ދިން ގޮތުގައި މި ވޯކްޝޮޕަކީ އެންސީޓީސީގެ ފަރާތުން ގައުމީ ފެންވަރުގައި ރާއްޖޭގައި ފިކުރީގޮތުން ހައްދުފަހަނައަޅާ ދިއުމާއި ޓެރަރިޒަމް ހުއްޓުވުމަށް ކުރާ މަސައްކަތުގެ ތެރެއިން ހިންގާ ވޯކްޝޮޕެކެވެ.
ތިން ދުވަހުގެ މުއްދަތަކަށް ކުރިއަށް ގެންދާ މި ވޯކްޝޮޕް މިއަދު ރަސްމީކޮށް ފައްޓަވާދެއްވާފައިވަނީ އެންސީޓީސީގެ ޑިރެކްޓަރ ޖެނެރަލް ބްރިގޭޑިއަރ ޖެނަރަލް ޒަކަރިއްޔާ މަންސޫރެވެ. މި ވޯކްޝޮޕް ފެށުމުގެ ރަސްމިއްޔާތުގައި ވާހަކަ ދައްކަވަމުން މަންސޫރު ވިދާޅުވީ ހައްދުފަހަނަ އެޅުމާއި ޓެރަރިޒަމް ހުއްޓުވުމަށް އެންމެން ގުޅިގެން މަސައްކަތް ކުރުމަކީ މުހިއްމުކަމެއްކަމަށެވެ. އަދި މިފަދަ ވޯކްޝޮޕެއްގެ މުހިއްމުކަން މަންސޫރު ވަނީ ފާހަގަ ކުރައްވާފައެވެ.
މި ވޯކްޝޮޕްގައި ސަރުކާރުގެ 18 އިދާރާއަކުން އަދި މަދަނީ ޖަމިއްޔާ ޖަމާއަތްތަކުގެ ނުވަ ޖަމާއަތެއް ވަނީ ބައިވެރިވެފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
