ކުޑަ ދެ ކުއްޖަކާމެދު ބަދުއަހުލާގީ އަމަލު ހިންގިކަމުގެ ތުހުމަތުގައި ފުލުހަކު ހައްޔަރުކޮށްފި
ކުޑަ ދެ ކުއްޖަކާމެދު ބަދުއަހުލާގީ އަމަލު ހިންގިކަމުގެ ތުހުމަތުގައި ފުލުހަކު ހައްޔަރުކޮށްފި އެވެ.
ފުލުހުން މައުލޫމާތު ދިންގޮތުގައި މި މީހާ ހައްޔަރުކޮށްފައިވަނީ މިއަދުއެވެ. އަދި މި މައްސަލައާ ގުޅިގެން އޭނާ ކޯޓަށް ހާޒިރު ކުރުމުން 15 ދުވަހުގެ ބަންދުގެ މުއްދަތެއް ދީފައިވާކަމަށް ފުލުހުން ބުންޏެވެ.
މި ފުލުސް މީހާއާ ދެކޮޅަށް، ކުޑަ ކުއްޖަކާމެދު ބަދު އަހުލާގީ އަމަލެއް ހިންގި ކަމުގެ މައްސަލަ ހުށަހަަޅާފައި ވަނީ މިއަހަރުގެ މާޗް މަހުގައެވެ.
އޭގެ ކުރިން 2018 ވަނަ އަހަރު އޮކްޓޫބަރ މަހުވެސް އެފަދަ މައްސަލަ އެއް އޭނާއާ ގުޅިގެން ހުށަހަޅާފއިވާކަމަށް މީގެ ކުރިން ފުލުހުން ބުނެފައިވެއެވެ.
ހައްޔަރު ކުރި މީހާއާބެހޭ އިތުރު ތަފްސީލެއް ފުލުހުން ދީފައިނުވި ނަމަވެސް މެއި މަހު ފުލުހުން މި މައްސަލަ ބަލަމުން އަންނަކަން އާންމުކުރި އިރު އެކި ނޫސް މީޑިއާތަކުގައި ވަނީ މި މައްސަލަގައި ތުހުމަތު ކުރެވިފައިވަނީ ފިރިހެން ފުލުސް ސާޖަންޓެއްކަމަށް ބުނެފައެވެ.
މިކަމާ ގުޅިގެން ފުލުހުން މައުލޫމާތު ދިންގޮތުގައި މި މައްސަލަ ފުލުހުންނަށް ހުށަހެޅުނު އިރު މި މީހާ ހުރީ ނޯޕޭ ލީވް އެއްގައި ރާއްޖެއިން ބޭރުގައެވެ.
މިމީހާ ހައްޔަރުކޮށްފައިވަނީ އަނބުރާ ރާއްޖެ އައުމުންނެވެ.
މި މައްސަލަ ފުލުހުންގެ ޕްރޮފެޝަނަލް ސްޓޭންޑަޑްސް ކޮމާންޑް އަދި ފެމެލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓް އިން އަންނަނީ ތަހުގީގު ކުރަމުންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
