ޖޭއެސްސީއަށް ގާނޫނީ ވަކީލަކު ހޯދުމަށް ބާއްވާ އިންތިހާބަށް ކުރިމަތިލާފައިވާ ފަރާތެއްގެ ހުށަހެޅުން ބާތިލްކޮށްފި
ޖުޑީޝަލް ސާވިސް ކޮމިޝަން (ޖޭއެސްސީ)އަށް ގާނޫނީ ވަކީލަކު ހޯދުމަށް ބާއްވާ އިންތިހާބަށް ކުރިމަތިލާފައިވާ ފަރާތެއްގެ ހުށަހެޅުން ބާތިލްކޮށްފި އެވެ.
އިލެކްޝަންސް ކޮމިޝަން (އީސީ) އިން މައުލޫމަތު ދިންގޮތުގައި މިމަހު 27 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ޖޭއެސްސީއަށް ގާނޫނީ ވަކީލަކު ހޮވުމަށް ބާއްވާ އިންތިހާބުގައި ޖޭއެސްސީގެ މެމްބަރެއްގެ ގޮތުގައި ކުރިމަތިލުމަށް އަބްދުލްހަންހާނު އަހުމަދު ހުށަހެޅި ފޯމު ބާތިލްކޮށްފައިވަނީ ޖޭއެސްސީގެ މެމްބަރުކަމަށް އިތުރު ދައުރަކަށް އޭނާ އައްޔަން ކުރުމަށް ހުރަސް އެޅޭތީއެވެ. އެގޮތުން ހަންނާން ފޯމާއެކު ހުށަހެޅި ލިޔުންތައް އިތުރަށް ބެލިބެލުމުން އެ ކޮމިޝަނަށް ގާނޫނު އަސާސީން ހަންނާނަށް ޖޭއެސްސީގެ އިތުރު ދައުރެއް އަދާނުކުރެވޭނެކަން ފާހަގަވެފައިވާ ކަމަށް އިލެކްޝަނުން ބުނެއެވެ.
ހަންނާން މި އިންތިހާބުގައި ބައިވެރިވުމަށް ހުށަހެޅި ހުށަހެޅުމުގެ އިތުރުން އެ ހުށަހެޅުން ކައުންސިލުން ބަލައިގަތުންވެސް ބާތިލްކޮށްފައިވާ ކަމަށް އިލެކްޝަނުން ބުނެއެވެ. އަދި މިކަމުގެ ސަބަބުން އިންތިހާބުގައި ބައިވެރިވާ އިތުރު ކެނޑިޑޭޓުންގެ ކެނޑިޑޭޓް ނަމްބަރަކަށް ބަދަލެއް ނާންނާނެ ކަމަށް އިލެކްޝަނުން ބުނެއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
