މޯލްޑިވްސް ބްރޯޑްކާސްޓިން ކޮމިޝަން (ބްރޯޑް ކޮމް) ގެ ރައީސް މުހައްމަދު ޝަހީބާއި، އެ ކޮމިޝަންގެ ނައިބް ރައީސް ފާތިމަތު ޒައިނާ ކޮމިޝަންގެ މެންބަރުކަމުން ވަކިކުރުމަށް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމެޓީން ފާސްކޮށްފިއެވެ.
މިނިވަން މުއައްސަސާތަކާބެހޭ ކޮމިޓީގެ މިއަދުގެ ބައްދަލުވުމުގައި ޝަހީބާއި ޒައިނާ ވަކިކުރަން ހުށަހެޅުއްވީ ވެލިދޫ ދާއިރާގެ މެންބަރު މުހައްމަދު އަބްދުﷲ ޝަފީގެވެ. ތާއީދު ކުރެއްވީ ބިލެތްދޫ ދާއިރާގެ މެންބަރު އަހުމަދު ހަލީމްއެވެ.
މި ހުށަހެޅުމާއެގޮތަށް އެ ދެ ބޭފުޅުން ކޮމިޝަނުން ވަކިކުރަން ކޮމިޓީން ނިންމީ މިއަދުގެ ބައްދަލުވުމުގައި ތިއްބެވި 10 މެންބަރުންގެ އިއްތިފާގުންނެވެ.
ކޮމިޓީން އެގޮތަށް ފާސްް ކުރުމަށްފަހު އެ ނިންމުން ދެން ފޮނުވާނީ ރައްޔިތުންގެ މަޖިލީހުގެ ތަޅުމަށެވެ. އެ ބޭފުޅުން ކޮމިޝަނުން ވަކިކުރާނީ މަޖިލީހުގެ ތަޅުމުން ފާސްކޮށްގެންނެވެ.
ޝަހީބާއި ޒައިނާ ކޮމިޝަނުން ވަކިިކުރަން ނިންމިއިރު، އެކޮމިޝަންގެ ނާއިބު ރައީސްކަމުގައި މީގެކުރިން ހުންނެވި، އިސްމާއީލް ސޮފްވާން ވެސް ވަކިކުރަން އޭރު ކޮމިޓީއަށް ހުށަހެޅުނެވެ. ނަމަވެސް އެގޮތަށް ކޮމިޓީީން ނިންމުމުގެކުރިން ސޮފްވާންގެ އިތުރުން އެކޮމިޝަންގެ މެންބަރު ހަސަން ނަބާހް ވަނީ އިސްތިއުފާ ދެއްވައިފަ އެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
