އޭސީސީގެ ނައިބު ރައީސްކަމަށް މިންނާ އިންތިހާބު ކޮށްފި

އެންޓިކޮރަޕްޝަން ކޮމިޝަން (އޭސީސީ)ގެ ނައިބު ރައީސްކަމަށް ކޮމިޝަނުގެ މެންބަރު އާމިނަތު މިންނާ ކޮމިޝަނުގެ މެންބަރުން އައްޔަންކޮށްފިއެވެ.

މިންނާ އެ ކޮމިޝަންގެ ނާއިބު ރައީސަކަށް އައްޔަންކުރީ، މީގެ ކުރިން އެ ކޮމިޝަންގެ ނާއިބު ރައީސްގެ މަގާމުގައި ހުންނެވި، މުއައްވިޒް ރަޝީދު ކޮމިޝަންގެ ރައީސް ކަމަށް އިންތިހާބުކުރުމާ ގުޅިގެން އެ މަގާމު ހުސްވުމުންނެވެ.

އޭސީސީގެ ރައީސްކަމުގެމަގާމަށް، މުއައްވިޒް ރަޝީދު އިންތިހާބު ކޮށްފައިވަނީ މީގެކުރިން އެ މަގާމުގައި ހުންނެވި ހަސަން ލުތުފީ އިސްތިއުފާ ދެއްވުމާ ގުޅިގެންނެވެ.

ކޮމިޝަންގެ މެންބަރުކަމުން އިސްތިއުފާ ދެއްވަން ލުތުފީއަށް ޖެހިވަޑައިގަތީ، އޮފީހަށް ނުނިކުންނަވައި މަސްއޫލިއްޔަތު އަދާކުރެއްވުމެއްނެތި، ބަރާބަރަށް މުސާރަ ނަންގަވަމުންގެންދަވާ މައްސަލައިގައި މަގާމުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކޮށް، އެ މައްސަލަ މަޖިލީހުގެ ތަޅުމަށް ފޮނުވާފައި ވަނިކޮށެވެ.

ނަމަވެސް އެ މައްސަަލަ މަޖިލީހުގެ ޖަލްސާގައި އެޖެންޑާ ކުރުމުގެ ކުރިން، ހުސްވި ޖޫން މަހު 26 ގައި ލުތުފީ އިސްތިއުފާ ހުށަހެޅުއްވިއެވެ. ނަމަވެސް އެއީ އީމެއިލަކުން ފޮނުއްވާފައިވާ ލިޔުކަމަށް ވުމުން އޭގައި، ލުތުފީގެ ސޮއި ނެތުމުން އިސްތިއުފާގެ ލިޔުން ސައްހަ ކަމާމެދު ސުވާލު އުފައްދައި ރައީސް އޮފީހުން އެ މައްސަލަ ރައްޔިތުންގެ މަޖިލީހަށް ހުށަހެޅިއެވެ.

އެ މައްސަލައިގައި ލުތުފީ އަލުން ސޮއިކުރައްވައި ރައީސް އޮފީހަށް އިއްޔެ ވަނީ އިސްތިއުފާގެ ސިޓީ ފޮނުއްވައިފައެވެ.

އޭސީސީގެ މެންބަރުކަމަށް އައްޔަން ކުރަންޖެހެނީ، މަޖިލީހުގެ ރުހުން ލިބިގެން ކަމަށް ގާނޫނުގައި ބުނެފައިވީނަމަވެސް، އޭސީސީގެ މެންބަރުކަމުން އިސްތިއުފާދޭން ހުށަހަޅަން ޖެހެނީ، ގާނޫނުގައި ބުނާގޮތުން ރައީސުލްޖުމްހޫރިއްޔާ އަށެވެ. އަދި އިސްތިއުފާގެ ލިޔުން ރައީސަށް ލިބިވަޑައިގަތުމާ އެކު އެމީހަކު މެންބަރަކަމުން ވަކިވާނެއެވެ. އެހެންކަމުން ލުތުފީ އޭސީސީގެ މެންބަރުކަމުން ވަކިވެފަިއވަނީ އިއްޔެއިން ފެށިގެންނެ