ސުޕްރީމް ކޯޓުގެ ފަނޑިޔާރު އަބްދުﷲ ދީދީ ހާޒިރުކުރާ ޖުޑީޝަލް ސާވިސް ކޮމިޝަން (ޖޭއެސްސީ)ގެ ބައްދަލުވުން މިރޭ 11:30 އަށް ފަސްކޮށްފިއެވެ.
ޖޭއެސްސީން ފަނޑިޔާރު އަބްދުﷲ ދީދީ، އެ ކޮމިޝަނަށް ހާޒިރުވާން ފުރަތަމަ އަންގާފައިވަނީ މިރޭ 10:00 އަށެވެ.
"ވަން އޮންލައިން"އަށް އެނގިފައިވާ ގޮތުގައި އެ ބައްދަލުވުން ފަސްކޮށްފައިވަނީ ވަގުތު ބޭނުންފުޅުވާ ކަމަށް ފަނޑިޔާރު އަބްދުﷲ ދީދީ އެންގުވުމާ ގުޅިގެންނެވެ.
މިމަހުގެ 12 ވަނަ ދުވަހު ޖޭއެސްސީން ފަނޑިޔާރު އަބްދުﷲ ދީދީ ސަސްޕެންޑްކުރަން ނިންމިއެވެ. ޖޭއެސްސީގެ ނިންމުމަށް 24 ގަޑިއިރު ނުވަނީސް، އަބްދުﷲ ދީދީގެ ސަސްޕެންޝަން ފަސްކޮށް އެކަމާ ގުޅިގެން އެއްވެސް ފިޔަވަޅެއް ނޭޅުމަށް ސުޕްރީމް ކޯޓުން އަމުރުކުރިއެވެ. ނަމަވެސް ޖޭއެސްސީން ވަނީ އެ އަމުރު ބަލައިނުގަތުމަށް ނިންމައިފައެވެ.
މިއަދު ސުޕްރީމް ކޯޓުން ވަނީ އިތުރު އަމުރެއް ނެރެފައެވެ. އެ އަމުރުގައިވަނީ ފަނޑިޔާރު އަބްދުﷲ ދީދީގެ މައްސަލައިގައި އެއްވެސް ފިޔަވަޅެއް ނޭޅުމަށް އެކޯޓުން ކޮށްފައިވާ އަމުރާ ހިލާފަށް ކުރާ ކޮންމެ ކަމަކީ ބާތިލް ކަމެއް ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
