ޖުޑިޝަލް ސާވިސް ކޮމިޝަން (ޖޭއެސްސީ)ގެ ފަސްމެންބަރެއްގެ މައްސަލަ ފަނޑިޔާރު އަބްދުﷲ ދީދީ ފުލުުންނަށް ހުށަހަޅުއްވައިފިއެވެ.
ފުލުހުންވެސް ވަނީ އެކަން ޔަގީންކޮށްދީފައެވެ.
ފުލުހުން ބުނީ، ފަނޑިޔާރު ޑީޑީ ސިޓީއަކުން މިރޭ ހުށަހެޅުއްވި މައްސަލައަކީ ޖިނާއީ ތަހުގީގުކުރަން ޖެހޭ ބާވަތުގެ މައްސަލައެއްތޯ ބެލުމަށް ދިރާސާކުރަމުން އަންނަ ކަމަށެވެ.
ފުލުހުން އެ މައްސަލައާގުޅޭ އިތުރު މައުލޫމާތެއް ނުދެއްވިއެވެ. އެހެންކަމުން ފަނޑިޔާރު އެ މައްސަަލަ ހުށަހަޅުއްވާފައިވަނީ ކޮން މެންބަރުންތަކަކާބެހޭގޮތުންކަމެއް، އަދި އެއީ ކޮން މައްސަލައެއްކަން ވަނީ ސާފު ނުވެފައެވެ.
ފުލުހުންނަށް މައްސަލަ ހުށަހަޅުއްވާފައިވާއިރު، މިމަހުގެ 12 ވަނަ ދުވަހު ފަނޑިޔާރު އަބްދުﷲ ދީދީ ޖުޑިޝަލް ސާވިސް ކޮމިޝަން (ޖޭއެސްސީ)ން ސަންޕެންޑް ކުރުމުން، ސުޕްރީމް ކޯޓުން ވަނީ އެ ސަސްޕެންޝަން އުވާލައި ޖޭއެސްސީގެ ނިންމުމަށް އަމަލުނުކުރުމަށް އަމުރުކޮށްފައެވެ.
ޖޭއެސްސީގެ ނިންމުން ސުޕްރީމް ކޯޓުން ބާތިލް ކުރި މައްސަލައިގައި، ސުޕްރީމް ކޯޓުން އެގޮތަށް އަމުރު ނެރުނު ނަމަވެސް ޖޭއެސްސީގެ ނިންމުން ދެމެހެއްޓުމަށް އެ ކޮމިޝަނުން ވަނީ ނިންމައިފައެވެ.
ނަމަވެސް ޖޭއެސްސީން ސަސްޕެންޑް ކޮށްފައިވާ ފަނޑިޔާރު އަބްދުﷲ ދީދީ ރަސްމީ މަސައްތަކަށް ނިކުމެ ވަޑައިގަންނަވާ ކަމަށް ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން އިން ވަނީ ބުނެފައެވެ. އަދި ފަނޑިޔާރު އަބްދުﷲ ދީދީ ބެންޗުގައި އިންނަވައިގެން ބައްލަވާ ދެ މައްސަލައެއްވެސް މާދަމާއަށް ވަނީ ތާވަލް ކޮށްފައެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
