މިހާރަށްވުރެ ފަސޭހަ ވިސާގެ ހިދުމަތްތަކެއް ހަމަޖައްސައިދިނުމަށް ލަންކާގައި އުޅޭ ދިވެހިން އެދޭ ކަމަށް ރައްޔިތުން މަޖިލީހުގެ ރައީސް، ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައީސުލްޖުމްހޫރިއްޔާ ފައިސަލް ނަސީމާއެކު ލަންކާއަށް މިހާރު ކުރައްވަމުން ގެންދަވާ ދަތުރުފުޅުގައި ބޭއްވި ނޫސްވެރިންގެ ބައްދަލުވުމެއްގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ނަޝީދު ވިދާޅުވީ ލަންކާގައި ދިވެހިންނަށް އެއްވެސް ނުރައްކާތެރިކަމެއް ނެތްކަމަށެވެ.
ނަޝީދު ވިދާޅުވި ގޮތުގައި އޭޕްރީލް މަހު ލަންކާއަށް ދިން ޓެރަރިސްޓު ހަމަލާއާ ގުޅިގެން ދިވެހިން ލަންކާއަށް ޒިޔާރަތް ކުރާ މިންވަރު މަދެއް ނުވެއެވެ. އަދި ކުރިއެކޭ އެއްގޮތައް މިހާރުވެސް ގިނަ އަދަދެއްގެ ދިވެހިން ލަންކާއަށް ޒިޔާރަތް ކުރާ ކަމަށާއި، ގިނަ އަދަދެއްގެ ދިވެހިންގެ ދިރިއުޅުން ލަންކާގައިވާކަމަށް ނަޝީދު ވިދާޅުވިއެވެ.
މިހާރުވެސް ލަންކާއަށްދާ ދިވެހިންނަށް ލަންކާއިން ވިސާ ލިބުމުގެ ކަންކަން އޮންނަނީ ވަރަށް ލުއި ފަސޭހަކޮށްކަމަށް ނަޝީދު ފާހަގަ ކުރެއްވި އެވެ. އަދި ލަންކާގައި އުޅޭ ދިވެހިން އެދެނީ މިހާރަށްވުރެ ވެސް ވިސާގެ ކަންކަން ލުއި ފަސޭހަވުން ކަމަށް އެމަނިކުފާނު ވިދާޅުވިއެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
