ޕީޕީއެމް އޮފީސް ކުރިމަތީން ދާދި ދެންމެ މީހެއްގެ ގަޔަށް ވަޅި ޖަހައިފި އެވެ. ވަޅި ޖަހައިފައިވަނީ ފިރިހެނެއްގެ ގަޔަށެވެ.
ވަޅި ޖެހި ސަރަހައްދުގައި ތިބި "ވަން އޮންލައިން" ގެ ނޫސްވެރީންނަށް މައުލޫމާތު ދެމުން މަންޒަރު ދުށް މީހަކު ބުނީ ވަޅި ޖެހީ ސައިކަލެއްގައި ދިޔަ މީހެއްގެ ގަޔަށް އެހެން ސައިކަލެއްގައި އައި ދެމީހުން ކަމަށެވެ.
"ވަޅި ޖެހީ މޭމައްޗަށް. ވަރަށް ބޮޑު ވަޅިއަކުން ޖެހީ. ޖެހުނީމަ އެމީހާ ސައިކަލާ އެކު ވެއްޓުނީ. ވެެއްޓުމުން ޒަޚަމްވި މީހާ ދުއްވައިގަތީ ޕީޕީއެމް އޮފީހާ ދިމާއަށް. ވަޅި ޖެހި މީހުން ފިލީ." މަންޒަރު ދުށް މީހާ ވަން ގެ ނޫސްވެރީންނަށް ކިޔައިދިނެވެ.
ޒަޚަމްވި މީހާ ގެންގޮސްފައި ވަނީ އޭޑީކޭ އަށެވެ. ދާދި ދެންމެ ހޮސްޕިޓަލުގެ އޮފިޝަލަކު ވަން އޮންލައިން އަށް ވިދާޅުވީ ޒަޚަމް ވެފައިވާ މީހާގެ ހާލު ވަރަށް ސީރިއަސް ކަމަށާއި މޭގެ އިތުރުން އެހެން ތަންތަނަށް ވެސް ވަޅި ޖަހައިފައިވާ ކަމަށެވެ.
އޭޑީކޭގެ މެނޭޖިންގް ޑައިރެކްޓަރު އަހުމަދު އައްފާލް "ވަން އޮންލައިން" އަށް ވިދާޅުވީ ވަޅި ޖަހައިގެން އޭޑީކޭ އަށް ގެންގޮސްފައި ވަނީ 28 އަހަރުގެ ފިރިހެނެއް ކަމަށެވެ. އިތުރު ތަފުސީލެއް އޭނާ ނުދެއްވި އެވެ.
އެ ސަރަހައްދުގައި ފުލުހުން މިހާރު އަންނަނީ ހަރަކާތެރިވަމުންނެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
