"އައިއެމްޓީއެމް 2019"ގެ ޕާޓްނަރުންނާއެކު ސޮއިކޮށްފި

އިންޓަނޭޝަނަލް މޯލްޑިވްސް ޓްރެވަލް މާކެޓް 2019 (އައިއެމްޓީއެމް 2019)ގެ ޕާޓްނަރުންނާއެކު ސޮއިކޮށްފިއެވެ.

މާގިރި ހޮޓެލްގައި "އައިއެމްޓީއެމް 2019"ގެ ޕާޓްނަރުންނާއެކު ސޮއިކުރުމަށް ބޭއްވި ހަފްލާގައި އައިއެމްޓީއެމް 2019ގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ ހައްވާ ޝިއުނާ ހާލިދެވެ.

"އައިއެމްޓީއެމް 2019"ގެ ޕާޓްނަރުން:

މިމަހުގެ 26 އިން 27 އަށް ފަރުކޮޅުފުށީގައި ބޭއްވުމަށް ހަމަޖެހިފައިވާ "އައިއެމްޓީއެމް 2019"ގައި 50 އަށްވުރެ ގިނަ ލީޑިންގ ޓުއަރ އޮޕަރޭޓަރުން އަދި ޓްރެވަލް އެޖެންސީތަކުން ބައިވެރިވާނެއެވެ. މީގެ އިތުރުން 25 ގައުމަކުން ޓުއަރިޒަމްގެ އެކިއެކި ދާއިރާތަކުގެ ފަރާތްތައް "އައިއެމްޓީއެމް 2019" ގައި ބައިވެރިވާނެ ކަމަށް އައިއެމްޓީއެމް އިން މައުލޫމާތުދެއެވެ. މި ބައިވެރިން ރާއްޖެއިން ލިބޭނެ އާ ފުރުސަތުތައް ހޯދައި ޓުއަރިޒަމް ދާއިރާއިން ރާއްޖޭގެ ފުންނާބު އުސް ފަރާތްތަކާ ބައްދަލުކުރާނެއެވެ.

މިއީ އިންޓަނޭޝަނަލް މޯލްޑިވްސް ޓްރެވަލް މާކެޓް ބާއްވާ ދެވަނަ އަހަރެވެ. މިދިޔަ އަހަރު "އައިއެމްޓީއެމް 2018" ބާއްވާފައިވަނީ އަދާރަން ހުދުރަންފުށީގައެވެ.