ފަސްޓް ނޭޝަނަލް ފައިނޭންޝަލް ކޯޕަރޭޝަންގެ (އެފްއެންއެފްސީ) ޗީފް ކޮމާޝަލް އޮފިސަރު (ސީސީއޯ) ގެ މަގާމަށް, ރަޖިސްޓް އޮފް ކޮމްޕެނީސްގެ މަގާމުން މި ފަހުން އިސްތިއުފާ ދެއްވި މަރިޔަމް ވިސާމް އައްޔަނުކޮށްފިއެވެ.
ރަޖިސްޓް އޮފް ކޮމްޕެނީސްގެ މަގާމުން ވިސާމް އިސްތިއުފާ ދެއްވީ މި މަހުގެ އެއްވަނަ ދުވަހެވެ. އޭނާ އެ މަގާމަށް އައްޔަންކުރެއްވީ ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި 2014 ވަނަ އަހަރުގެ ތެރޭގައެވެ.
އެފްއެންއެފްސީގެ ބޯޑުން އެ ކުންފުނީގެ ސީސީއޯއަކަށް ވިސާމް އައްޔަނުކުރީ މިދިޔަ އާދިއްތަ ދުވަހުއެވެ. އެއާއެކު އެ ކުންފުނީގެ ސްޓްރެޓެޖީތައް އެކުލަވާލައި ތަންފީޒުކުރުން އޭނާއަށް ވަނީ މަތިވެފައެވެ.
ވިސާމަކީ ވިޔަފާރި އަދި މާކެޓިންގެ ދާއިރާއިން މަތީ ތައުލީމު ހާސިލުކުރައްވާފައިވާ ބޭފުޅެކެވެ. ވިސާމް ވަނީ މީގެ ކުރިން ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) ޓެކްނިކަލް ކޮމިޓީގެ ޗެއާގެ މަގާމުވެސް ފުރުއްވައިފައެވެ. އަދި މޯލްޑިވްސް ޕެންޝަން އެޑްމިނިސްޓްރޭޝަން އޮފީސް (އެމްޕީއޭއޯ)ގެ ބޯޑުގައި ވެސް އޭނާ ހިދުމަތް ކުރައްވާފައިވެއެވެ.
އެފްއެންއެފްސީއަކީ ކުރީގެ އޮޑިޓާ ޖެނެރަލް ހަސަން ޒިޔަތު އިސްކޮށް ހުންނަވައި 2021 ވަނަ އަހަރު އުފެއްދެވި މާލީ ހިދުމަތްދޭ އަމިއްލަ ކުންފުންޏެކެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
