މި ހިނގާ ޖޫންމަހުގެ އަށްވަނަ ދުވަހު، އިންޑިއާގެ ބޮޑުވަޒީރު ނަރެންދްރަ މޯދީ ރައްޔިތުންގެ މަޖިލީހުގައި ތަގުރީރު ކުރައްވަން ހަމަޖެހިފައިވާ ކަމަށް ރައްޔިތުންގެ މަޖިލީހުގެ އަމީން އާންމު ފާތިމަތު ނިއުޝާ ވިދާޅުވެއްޖެއެވެ.
މިއަދު ރައްޔިތުންގެ މަޖިލީހުގެ ފަރާތުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ނިއުޝާ ވިދާޅުވީ ރައްޔިތުންގެ މަޖިލީހުގައި މޯދީ ތަގުރީރު ކުރެއްވުމަށް ހަމަޖެހިފައިވަނީ މި މަހު އަށެއްވާ ހޮނިހިރު ދުވަހުގެ އޮރުއޮއްސި 6:00ގައި ކަމަށެވެ. އަދި މި ޖަލްސާގައި ބައިވެރިވުމަށް ކެބިނެޓުގެ މިނިސްޓަރުންނާއި ރާއްޖޭގައި ގާއިމްވެ ތިބޭ ސަފީރުންނަށް ދައުވަތު ދެއްވާނެކަމަށް ނިއުޝާ ވިދާޅުވިއެވެ.
މަޖިލީހުގައި މޯދީ ތަގުރީރު ކުރެއްވުމަށް ހުއްދަ ދިނުމަށް މަޖިލީހުން ފާސްކޮށްފައި ވަނީ ހުސްވި މެއި 29ގައި ބޭއްވި ޖަލްސާގައެވެ. މޯދީ ރާއްޖެ އަށް ދަތުރުފުޅު ކުރެއްވުމަށް ހަމަޖެހިފައި ވަނީ މި މަހު ހަތް ވަނަ ދުވަހުންފެށިގެން އަށްވަނަ ދުވަހުގެ ނިޔަލަށެވެ.
މި ދަތުރުފުޅަކީ މޯދީ ދެވަނަ ދައުރަކަށް އިންތިހާބު ވުމަށް ފަހު ގައުމުން ބޭރަށް ކުރައްވާ ފުރަތަމަ ދަތުރުފުޅެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
