ރޯދަމަހު މާލޭ ސަރަހައްދުގެ ހޮސްޕިޓަލްތަކުގައި ބަލި މީހުންނަށް ޒިޔާރަތް ކުރެވޭ ވަގުތު އިތުރުކޮށްފި

މާލޭ ސަރަހައްދުގެ ހޮސްޕިޓަލްތަކުގައި ރޯދަ މަހު ބަލި މީހުންނަށް ޒިޔާރަތްކުރެވޭ ވަގުތު އިތުރުކޮށްފިއެވެ.

މާލޭގެ އޭރިއާ ހޮސްޕިޓަލްތައް ކަމަށްވާ އައިޖީއެމްއެޗް، ދަރުމަވަންތަ ހޮސްޕިޓަލް، ހުޅުމާލެ ހޮސްޕިޓަލް އަދި ވިލިމާލެ ހޮސްޕިޓަލުގެ ސީއީއޯ އިބްރާހީމް އަބްދުއްރައްޒާގު ހަލީމް އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ މަލޭ ސިޓީ ގްރޫޕް އޮފް ހޮސްޕިޓަލްތަކުގައި އެނދުމަތި ކޮށްގެން ފަރުވާދޭ ބަލި މީހުންނަށް ރޯދަމަހު ޒިޔާރަތްކުރާ ވަގުތު ހަވީރު 5:00 އިން ރޭގަނޑު 10:30 އަށް އިތުރުކޮށްފައިވާ ކަމަށެވެ.

އައިޖީއެމްއެޗުން އެފަހުން އެކްސްގައި ކުރި ޕޯސްޓެއްގައި ބުނީ މާދަމާއިން ފެށިގެން އެޕްރީލް މަހުގެ ހަތަރުވަނަ ދުވަހުގެ ނިޔަލަށް ދަރުމަވަންތަ ހޮސްޕިޓަލް އަދި އައިޖީއެމްއެޗުގެ އައިސީޔޫ އަދި ސީސީޔޫ ފިޔަވައި އެނދުމަތިކޮށް ފަރުވާދޭ ބަލިމީހުންނަށް އެ ވަގުތުތަކުގައި ޒިޔާރަތް ކުރެވޭނެ ކަމަށެވެ.

އައިޖީއެމްއެޗުގައި އެޑްމިޓްކޮށްފައިވާ ބަލި މީހުންނަށް އާންމު އުސޫލުން ޒިޔާރަތް ކުރެވޭ ވަގުތަކީ ކޮންމެ ދުވަހެއްގެ ހަވީރު 5:00އިން 8:00 އަށެވެ.