މާލޭގެ މަގުތަކުގައި އުޅޭ ބުޅާތައް ބަލަހައްޓަން ހުޅުމާލޭގައި ހެދި ފެސިލިޓީއާ އެނިމަލް ވެލްފެއާ މިނިސްޓްރީން ހަވާލުވެއްޖެއެވެ.
މާލެ ސަރަހައްދުގެ މަގުތަކުގައި އުޅޭ ބުޅާތައް ބަލަހައްޓަން ސިޓީ ކައުންސިލުން ހުޅުމާލެ ދެވަނަ ފިޔަވަހީގައި ހެދި ފެސިލިޓީ، "އޮޅުހިޔާ" ހުޅުވީ 2 ނޮވެމްބަރު 2024ގައެވެ. އެތަނަށް ބުޅާތައް ގެންދަން ސިޓީ ކައުންސިލުން ނިންމާފައި ވަނިކޮށް، ބުޅާ ފެސިލިޓީގެ ހިދުމަތްތައް ފުރިހަމަ ނުވާ ކަމަށް ބުނެ އެތަން މިނިސްޓްރީއާ ހަވާލުކުރަން ސިޓީ ކައުންސިލަށް އެންގިއެވެ.
ނަމަވެސް ސިޓީ ކައުންސިލުން ބުނީ، އެތަން މިނިސްޓްރީއާ ހަވާލުކުރާނީ އެތަނަށް ކައުންސިލުން ކުރި ހަރަދު ދިނުމުން ކަމަށެވެ. އެ މައްސަލަ ގަނޑުގައި ބުޅާ ފެސިލިޓީއަށް އަދިވެސް ބުޅާތައް ގެންދަން ފަށާފައެއް ނުވެއެވެ.
އެނިމަލް ވެލްފެއާ މިނިސްޓްރީން މިއަދު އެކްސްގައި ކޮށްފައިވާ ޕޯސްޓެއްގައި ބުނީ، ބުޅާ ފެސިލިޓީގެ ހުރިހާ ލިޔެކިޔުންތަކާއި ލީގަލް އެސެޓްސް ޓްރާންސްފާގެ މަސައްކަތް ނިންމުމަށްފަހު މާލެ ސިޓީ ކައުންސިލުން އެ ފެސިލިޓީ މިނިސްޓްރީއާ ރަސްމީކޮށް މިއަދު ހަވާލުކޮށްފައިވާ ކަމަށެވެ.
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
