ގދ. ތިނަދޫ އިންޑަސްޓްރިއަލް ޒޯން ތަރައްގީކުރުމުގެ މަޝްރޫއުގެ 88 ޕަސެންޓު މަސައްކަތް ނިންމާލައިފިއެވެ.
އެ މަޝްރޫގެ ކޮންޓްރެކްޓަރު އެމްޓީސީސީން އިއްޔެ ބުނީ އެ މަޝްރޫއުގެ ދަށުން ކުރިޔަށްގެންދާ މަސައްކަތުގެ ތެރެއިން ރިވެޓްމަންޓް ޖެހުމުގެ މަސައްކަތުގެ 77 ޕަސެންޓުގެ މަސައްކަތާއި އެއްގަމު ތޮށި ޖެހުމުގެ މަސައްކަތުގެ 96 މަސައްކަތް ނިމިފައިވާ ކަމަށެވެ.
އޭގެ އިތުރުން ވެސް ކޮންކްރީޓް ބްރިޖް ހެދުމުގެ މަސައްކަތުގެ 65 ޕަސެންޓު ނިންމާފައިވާ ކަމަށް އެކުންފުނިން ބުންޏެވެ.
ހައުސިން މިނިސްޓްރީން ތިނަދޫ ބިން ހިއްކަން އެމްޓީސީސީއަށް ހަވާލުކުރީ 2022 ޖެނުއަރީގައެވެ. ތިނަދޫ އިންޑަސްޓްރިއަލް ޒޯނުގެ ބިން ހިއްކުމާއި ގޮނޑުދޮށް ހިމާޔަތްކުރުމުގެ އަމަލީ މަސައްކަތް ފެށީ ދޭއް ނޮވެމްބަރު 2022 ގައެވެ.
ތިނަދޫ ބިން ހިއްކުމަށް އެމްޓީސީސީއާ ހަވާލުކުރީ 660 ދުވަހުގެ ތެރޭގައި މަސައްކަތް ނިންމާގޮތަށެވެ. އެ މަޝްރޫއަށް 125 މިލިއަން ރުފިޔާ ހަރަދުވާނެ ކަމަށް ހައުސިން މިނިސްޓްރީން ބުނެފައިވެއެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މަސައްކަތްތައް:
- 10.6 ހެކްޓަރުގެ ބިން ހިއްކުން
- 1521 މީޓަރުގެ ސަރަހައްދެއްގައި ރިވެޓްމަންޓް ޖެހުން
- 555 މީޓަރުގެ ސަރަޙައްދެއްގައި އެއްގަމުތޮށިލުން
- 166 މީޓަރުގެ ޝީޓް ޕައިލް މަސައްކަތް
- 4492 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުން
- ބޮލާރޑާއި ފެންޑަރާއި ބައްތި ހަރުކުރުމުގެ މަސައްކަތް ކުރުން
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
