މިދިޔަ އަހަރު ނިމުނުއިރު މުޅި ރާއްޖޭގެ އިންފްލޭޝަން 4.80 ޕަސެންޓަށް އަރާފައިވާ ކަމަށް ބިޔުރޯ އޮފް ސްޓެޓިކްސް އިން މިއަދު އާންމުކުރި ތަކެތީގެ އަގުތައް މައްޗަށްދާ މިންވަރު ވަޒަންކުރާ، ކޮންސިއުމާ ޕްރައިސް އިންޑެކްސް (ސީޕީއައި) އިން ދައްކައިފިއެވެ.
މިދިޔަ އަހަރުގެ ޖެނުއަރީ މަހު މުޅި ރާއްޖޭގެ އިންފްލޭޝަން 0.88 ޕަސެންޓުގައި ހުރި އިރު، އެ އަހަރު ނިމުނުއިރު އެ އަދަދު 4.80 ޕަސެންޓުގައި ހުރުމަކީ 3.9 ޕަސެންޓުގެ މަތިވުމެކެވެ.
ސީޕީއައިގެ ނަންބަރުތައް ދައްކާ ގޮތުން މިދިޔަ އަހަރުގެ ޑިސެމްބަރު މަހު އިންފްލޭޝަން ވަނީ 1.11 މައްޗަށް ޖެހިފައެވެ. އިންފްލޭޝަން އެހާ ބޮޑަށް މައްޗަށް ދިޔަ މައިގަނޑު އެއް ސަބަބަކީ ސިނގިރޭޓާއި ދުންފަތް އަދި ދުފާ ތަކެތީގެ އެކި ބާވަތްތަކުގެ އަގުތައް މައްޗަށް ދިއުމެވެ. އެކަމާއި ގުޅިގެން ރެސްޓޯރެންޓް އަދި އެކޮމޮޑޭޝަންގެ ހިދުމަތްތަކުގެ އަގުތައްވެސް މައްޗަށް ދިޔައެވެ.
ޑިސެމްބަރު މަހުގެ ތެރޭ އަގު މައްޗަށް ދިޔަ ބައިތައް:
- ރެސްޓޯރެންޓް އަދި ކެފޭތަކުން ވިއްކާ ތަކެތީގެ އަގުތައް: 9.19 ޕަސެންޓް މައްޗަށް ދިޔަ
- ދުންފަތުގެ އަގުތައް: 11.15 ޕަސެންޓް މައްޗަށް ދިޔަ
- ތަރުކާރީގެ އަގުތައް: 4.48 ޕަސެންޓް މައްޗަށް ދިޔަ
- މޭވާގެ އަގުތައް: 2.78 ޕަސެންޓް މައްޗަށް ދިޔަ
- ގޭގައި ހިފާ ގެންގުޅޭ ތަކެތީގެ އަގުތައް: 3.02 ޕަސެންޓް މައްޗަށް ދިޔަ
ޑިސެމްބަރު މަހުގެ ތެރޭ އަގުތައް ދަށަށް ދިޔަ ބައިތައް:
- މުވާސަލާތީ ހިދުމަތްތަކުން: 3.73 ޕަސެންޓް ދަށަށް ދިޔަ
- ކަރަންޓުން: 2.28 ޕަސެންޓް ދަށަށް ދިޔަ
- ފެން: 0.69 ޕަސެންޓް ދަށަށް ދިޔަ
- ތައްޔާރީ ކާބޯތަކެތި: 0.52 ޕަސެންޓް ދަށަށް ދިޔަ
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ހެޔޮ އަމަލުތައް ކުރުން މަތީ ދެމިތިބެން ޖެހޭ، ކުރެވުނު އަމަލަކުން ސުވަރުގެ ޔަގީންވީކަމަށް ދެކިގެން ނުވާނެ: ހުތުބާ
ރައީސްގެ ނިންމެވުމާ އެއްގޮތަށް މަތީ ތައުލީމަށް ދޫކުރާ ލޯނުތަކުގެ އިދާރީ ފީ ކަނޑާލައިފި
ފަގީރުންގެ ދަފްތަރުގައި ހިމެނޭ އެންމެންނަށް އެއް ހަމައަކުން ޒަކާތް ބަހަނީ، ކޮންމެ މީހަކަށް 4500 ރުފިޔާ
