ވިމް "ޕްރޮފެޝަނަލް އެންޑް ކެރިއާ ވިމެން އެވޯޑްސް 2024" ބާއްވައިފި

ވިމެން އިން މެނޭޖްމަންޑް މޯލްޑިވްސް އިން ''ޕްރޮފެޝަނަލް އެންޑް ކެރިއާ ވިމެން އެވޯޑްސް 2024'' ބާއްވައިފިއެވެ.

ވިމް ''ޕްރޮފެޝަނަލް އެންޑް ކެރިއާ ވިމެން އެވޯޑްސް 2024'' ގައި 50 އަށްވުރެ ގިނަ ފަރާތް ނޮމިނޭޓް ވެފައިވާއިރު ޖަޖުންގެ ގޮތުގައި މިއަހަރުގެ އެވޯޑު އިންސާފުކޮށްފައި ވަނީ ބޭންކް އޮފް މޯލްޑިވްސްގެ ޑިވެލޮޕްމަންޓް ބޭންކް ޑިރެކްޓަރު، ފާތިމަތު މަނިކެގެ އިތުރުން އެސްއެމްއީ ފެޑަރޭޝަން މޯލްޑިވްސްގެ ރައީސް އަބްދުލް ލަތީފު އަދި ލަންކާގެ ޕީއޭއެމްއެސް ހައިޑްރޯ ގްރޫޕުގެ މެނޭޖްމަންޓް ޑިރެކްޓަރު މަނޯޖް ވަޑުގޮޑަޕިޓިޔާގެ އިތުރުން މޯލްޑިވްސް ސްކައުޓް އެންޑް ގައިޑް ފެލޯޝިޕްގެ ޕާމަނަންޓް މެންބަރު މަރިޔަމް ވަހީދާއެވެ. މީގެ އިތުރުން މިއަހަރުގެ އެވޯޑްގެ މެއިން ޕާޓްނަރު، އައިއެފްސީގެ ޖެންޑާ ސްޕެޝަލިސްޓް ފޯ ސައުތު އޭޝިއާ ޕްރަމިޓާ ރޭގެ އިތުރުން ލަންކާގެ ޔުނިވަސިޓީ އޮފް ކެލާނިޔާގެ ޑިޕާޓްމަންޓް އޮފް މާކެޓިން މެނޭޖްމަންޓްގެ ޕްރޮފެސަރު، ޑރ ރަވީ ޑިސަނަޔަކަ ހިމެނެއެވެ.

މިހާތަނަށް ދިވެހިރާއްޖެއިން 170 އަށްވުރެ ގިނަ އަންހެނުންނަށް މި އެވޯޑު ލިބިފައިވާއިރު އޭގެ ތެރޭގައި ބޭންކިން އަދި ފައިނޭންސް، ހޮސްޕިޓަލިޓީ، މީޑިއާ، ގާނޫނީ، ލޮޖިސްޓިކްސް އަދި ސަޕްލައި ޗެއިން ފަދަ ތަފާތު ގިނަ ދާއިރާތަކުގައި މަސައްކަތްކުރާ އަންހެނުން ހިމެނެއެވެ. 'ޕްރޮފެޝަނަލް އެންޑް ކެރިއާ ވިމެން އެވޯޑްސް' އިން ދައްކުވައިދެނީ މުވައްޒަފުންގެ ގޮތުގައާއި، ވިޔަފާރިވެރިންގެ ގޮތުގައާއި، އަދި ވިޔަފާރީގެ ލީޑަރުންގެ ގޮތުގައި އަންހެނުން އަދާކުރާ މުހިންމު ދައުރާއި، އެމީހުން ގެންނަ ބޮޑެތި ބަދަލުތަކެވެ.

މި އަހަރުގެ އެވޯޑުގައިވެސް ހަތަރު ކެޓަގަރީއެއް ހިމެނެއެވެ. އެއީ ކެރިއާ އިނާމު ކެޓަގަރީ، ވިޔަފާރި އިނާމު ކެޓަގަރީ، ޕްރޮފެޝަނަލް ކެޓަގަރީ، އަދި ހާއްސަ އިނާމު ކެޓަގަރީއެވެ.

މިއަހަރު ޕްރޮފެޝަނަލް އެންޑް ކެރިއާ ވިމެން އެވޯޑްސް ލިބުނު ފަރާތްތައް:

ވިމެން އިން މެނޭޖްމަންޓް މޯލްޑިވްސް (ވިމްއެމްވީ)ގެ މިއަހަރުގެ 'ޕްރޮފެޝަނަލް އެންޑް ކެރިއާ ވިމެން އެވޯޑްސް 2024' ގެ މެއިން ޕާޓްނަރަކީ އިންޓަނޭޝަނަލް ފައިނޭންސް ކޯޕަރޭޝަން (އައިއެފްސީ) އެވެ.