ސްޓެލްކޯއިން މާދަމާ އާއިލީ ހަވީރެއް ބާއްވަނީ

ސްޓެލްކޯއިން އާއިލީ ހަވީރެއް ބާއްވަން ނިންމައިފިއެވެ.

ސްޓެލްކޯއިން މިއަދު ބުނީ ވޭތުވެދިޔަ ހަ މަސް ދުވަހު އެ ކުންފުނީގެ މުވައްޒަފުން ވަރަށް ބުރަކޮށް މަސައްކަތްކޮށް، ސްޓެލްކޯ ބިޒްނަސް ސެންޓަރު އިމާރާތް ކުރުމުގެ މަސައްކަތް ވަރަށް ފުރިހަމައަށް ނިންމާފައިވާތީ، އެ މުވައްޒަފުންގެ ހިތްވަރާއި ޖޯޝާއި މަސައްކަތުގެ ނަމޫނާ އަހުލާގު ފާހަގަކޮށް، އެ މުވައްޒަފުންގެ ހުނަރުވެރިކަން އެ މުވައްޒަފުންގެ އާއިލާތަކަށް ދައްކާލުމަށް އާއިލީ ހަވީރެއް ކުރިޔަށް ގެންދަން ނިންމާފައިވާ ކަމަށެވެ.

އެ ހަވީރު ބާއްވަން ހަމަޖެހިފައިވަނީ މާދަމާގެ 16:00 އިން 18:00 އަށް އަދި 20:00 އިން 21:30 އަށް ސްޓެލްކޯ ބިޒްނަސް ސެންޓަރު އިމާރާތުގައި ކަމަށެވެ.

ސްޓެލްކޯއިން އިތުރަށް ބުނީ އެ ހަވީރުގައި ސްޓެލްކޯގެ އިތުރުން ހުރިހާ ކުޑަކުދިންނަށް ހުޅުވާލާފައިވާ ކަމަށެވެ.

ސްޓެލްކޯ ބިޒްނަސް ސެންޓަރު ވަރަށް އަވަހަށް ހުޅުވުމަށް ތައްޔާރުވެފައިވާ ކަމަށް އެ ކުންފުނީގެ އެމްޑީ ހުސެއިން ފަހުމީ ވަނީ ވިދާޅުވެފައެވެ.