ހަރުކަށި އަދަބުތަކާއެކު މަސްތުވާތަކެއްޗާ ބެހޭ ގާނޫނަށް އިސްލާހު ގެނައުމުގެ ބިލް މަޖިލީހަށް

އަދަބުތައް އިތުރަށް ހަރުކަށިކޮށް މަސްތުވާތަކެއްޗާ ބެހޭ ގާނޫނަށް އިސްލާހު ގެނައުމުގެ ބިލް މަޖިލީހަށް ހުށަހަޅަން ފޮނުވައިފިއެވެ.

ސަރުކާރުގެ ފަރާތުން ގަމު ދާއިރާގެ މެންބަރު ޔޫސުފް ނަޝީދު މަޖިލީހަށް ހުށަހަޅުއްވަން ހަމަޖެހިފައިވާ މި ބިލްގެ ފުރަތަމަ ކިޔުން ރައްިޔތުންގެ މަޖިލީހުގެ މިއަދުގެ ޖަލްސާގައި ވަނީ އިއްވައިފައެވެ. މި ބިލްގައި އަދަބުތައް ހަރުކަށި ކުރުމުގެ އިތުރުން ދައުލަތުގެ އިދާރާތަކަށް އިތުރު ބާރުތައް ވެސް ވަނީ ދީފައެވެ.

ބިލު ހުށަހަޅާ ސަބަބުގެ ގޮތުގައި ބިލްގައި ބުނެފައި ވަނީ، މަސްތުވާތަކެއްޗާ ގުޅޭ ކުށްތައް އިތުރުވަމުންދާތީ އެކަން ހުއްޓުވުމަށް ޓަކައި ގާނޫނު ތަންފީޒުކުރާ ފަރާތްތަކަށް އިތުރު ބާރު ދިނުމާއި މަސްތުވާތަކެއްޗަށް ދެވި ހިފާފައިވާ މީހުންނަށް ފަރުވާ ދެވޭނެ ހަރުދަނާ ނިޒާމެއް ގާއިމުކުރުމެވެ.

މި ބިލުން ހާސިލުކުރަން ބޭނުންވާ ހަތް ކަމެއް ބިލްގައި ވަނީ ފާހަގަކޮށްފައެވެ.

ބިލުން ހާސިލުކުރަން ބޭނުންވާ ކަންތައްތައް:

މި ބިލްގައި 10 އަހަރާއި 20 އަހަރުދުވަހަށް ޖަލަށްލުމަށް ވަނީ ބިލްގައި އަދަބުތައް ހިމަނައިފައެވެ. އޭގެ އިތުރުން 10،000 ރުފިޔާ އިން ފެށިގެން 100،000 ރުފިޔާއާ ހަމައަށް ޖޫރިމަނާކުރުމަށްވެސް ވަނީ ބިލްގައި ހިމަނައިފައެވެ.