މިޝަން އިމްޕޮސިބަލް 8 ގެ ފުރަތަމަ ޓްރެއިލާ ރިލީސްކޮށްފިއެވެ. މި ޓްރެއިލާއިން ފޭނުންނަށް ނޮސްޓެލްޖިކް އަދި ހިތާމަވެރި އިހުސާސްތަކެއް އެކުއެކީގައި ކުރިމަތިކުރުވައެވެ. ޓޮމް ކްރޫޒާގެ ސުޕާ ސްޕައި އީތަން ހަންޓް އަނެއްކާވެސް ދަތިތަކާއި ޖާޒިބިއްޔާތާ ދެކޮޅަށް ހުރަސްތައް ފަހަނައަޅައި އާ އެޑްވެންޗަރެއްގައި ފެނިގެންދެއެވެ.
މި ޓީޒާގައި މި ފްރެންޗައިޒާ މެދު ހުރި ނޮސްޓެލްޖިކް އިހުސާސްތަކަށް އަމާޒުކޮށްފައިވެއެވެ. މީގެ ތެރޭގައި ބްރަޔަން ޑީ ޕަލްމާ ޑައިރެކްޓް ކުރި، 1996 ވަނަ އަހަރުގެ މިޝަން: އިމްޕޮސިބަލް ފިލްމުގެ މަންޒަރުތައް ހިމެނެއެވެ. މިއީ މި މުޅި ސިލްސިލާ ފެށުނު ފިލްމެވެ.
އަހަރެމެންގެ ދިރިއުޅުން ކަނޑައެޅިގެން އަންނަނީ އެންމެ އަމަލަކުން ނޫނެވެ. ދިރިއުޅުމަކީ ކުރާ ހުރިހާ ކަމެއްގެ ޖުމުލައެވެ. ތިބާގެ ވުޖޫދާއި، ތިބާ ކޮށްފައިވާ ހުރިހާ ކަމެއް، މިހާރު މިވަނީ މި ހިސާބަށް އައިސް ޖެހިފައެވެ،" މިހެން ބުނާ އަޑެއް ޓްރެއިލާގައި އިވެއެވެ.
ރޯގު ނޭޝަން އިން ފެށިގެން މި ފިލްމު ސިލްސިލާގެ ކޮންމެ ފިލްމެއް ޑައިރެކްޓްކޮށްފައިވާ ކްރިސްޓޮފާ މެކްކުއަރީ، މި ފިލްމު ވެސް ޑައިރެކްޓްކުރުމަށް އަނބުރާ އައިސްފައިވެއެވެ. ފުރަތަމަ، މިޝަން: އިމްޕޮސިބަލް 7 އާއި 8 ވަނީ ޑެޑް ރެކޮނިން - ޕާޓް ވަން އަދި ޓޫގެ ގޮތުގައި ނަގާފައެވެ. ނަމަވެސް، ހަތްވަނަ ފިލްމަށްފަހު، ފިލްމުގެ ނަން ވަނީ ބަދަލުކޮށްފައެވެ.
