"12ވަނަ ފެއިލް" ގެ ކާމިޔާބީގެ ތެރެއިން އައިސް، ވިކްރަންޓް މަސީ ވަނީ ގިނަ ޕްރޮޖެކްޓްތަކެއްގައި ބައިވެރިވެފައެވެ. އެންމެ ފަހުގެ ރިޕޯޓުތަކުން ދައްކާގޮތުގައި، އޭނާ "އާންކޯން ކީ ގުސްތާކިޔާން" ގެ ޝޫޓީން ޝަނާޔާ ކަޕޫރާއެކު ވަނީ ފަށާފައެވެ.
މި ފިލްމަކީ ލިޔުންތެރިޔާ ރަސްކިން ބޮންޑްގެ ކުރު ވާހަކައެއްގެ ހިޔާލަށް އުފައްދާފައިވާ ލޯބީގެ ވާހަކައަކަށް ސަންތޯޝް ސިންގް ޑައިރެކްޓްކުރާ ފިލްމެކެވެ. މިއީ ޝަނާޔާގެ ފުރަތަމަ ބޮޑު ސްކްރީނުގެ މަސައްކަތް ވެސް މެއެވެ. ފިލްމުގެ ސްކްރިޕްޓް ލިޔެފައިވަނީ ނިރަންޖަން އިޔެންގަރު އަދި މަންސީ ބަގްލާ އެވެ. ފިލްމުގައި ތަފާތު ދެ ކެރެކްޓަރެއްގެ އިހްސާސްތަކުގެ ދަތުރު ދައްކުވައިދޭނެއެވެ.
ޕިންކްވިލާއަށް ވާހަކަ ދައްކަމުން ވިކްރާންތު ބުނީ، ލޯބިވެރިއެއްގެ ދައުރު އަދާކުރުމަކީ ފޮނި އިހުސާސެއް ކަމަށެވެ. އަދި ޕްރޮޑިއުސަރުން ގެނެސްދީފައިވާ އުފެއްދުންތެރި ވިސްނުމަށް ޝުކުރުވެރިވާކަމަށެވެ.
ޝަނާޔާ ބުނި ގޮތުގައި ފުރަތަމަ ފިލްމުގައި އޭނާގެ ކެރެކްޓާ އޭނާޔާ ވަރަށް ގާތް ގުޅުމެއް އޮތްކަމުގެ އިހުސާސްވި ކަމަށެވެ.
"ހީވަނީ އަހަރެންގެ ކެރެކްޓަރަކީ ހިތާ ވަރަށް ގާތް، ވަރުގަދަ، އިހްސާސްތަކުން ފުރިގެންވާ އަދި އަމިއްލަ ގޮތެއްގައި ދިރުންހުރި ކެރެކްޓަރެއްހެން" ޝަނާޔާ ބުންޏެވެ.
ފިލްމު ރިލީސްކުރަން ހަަމަޖައްސާފައިވަނީ އަންނަ އަހަރެވެ.
