ރާއްޖޭގައި ބާއްވާ އެންމެ ޝަރަފުވެރި ފުޓްސަލް މުބާރާތް، ކްލަބު މޯލްޑިވްސް ކަޕް މިރޭ ފެށުމަށް ތައްޔާރުވެއްޖެއެވެ.
ކްލަބު މޯލްޑިވްސް ކަޕް 2019 ފެށުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ މިރޭ 8:30ގައި ހުޅުމާލޭ ފުޓްސަލް ދަނޑުގައެވެ.
އެ މުބާރާތުގެ ފެށުމުގެ ރަސްމިއްޔާތު މިރޭ ބޭއްވުމަށް ހަމަޖެހިފައިވީ ނަމަވެސް، މެޗުތައް ކުޅުމަށް ހަމަޖެހިފައިވަނީ މާދަމާ ރޭ 8:15 އިން ފެށިގެންނެވެ. އެގޮތުން މާދަމާރޭ ހަތަރު މެޗު ކުޅުމަށް ހަމަޖެހިފައިވެއެވެ. އެއީ ފިރިހެން ދެ މެޗާއި އަންހެން ދެ މެޗެވެ.
މާދަމާ ރޭ 8:15ގައި އެންމެ ފަހުގެ ޗެމްޕިއަން ގްރޭޓާ މާލޭ އިންޑަސްޓްރިއަލް ޒޯން ލިމިޓެޑް (ޖީއެމްއައިޒެޑްއެލް)އާ ދެކޮޅަށް ސްޓެލްކޯ ނުކުންނަ އިރު، މާދަމާ ރޭ 9:30ގައި ތައުލީމީ ގުޅުމާ ދެކޮޅަށް ދިވެހި ސިފައިންގެ ކްލަބު (ޑީއެސްސީ) ނުކުންނާނެއެވެ.
މުބާރާތުގެ އަންހެން ބައި ކަމަށްވާ 18/30 ވިމެންސް ފުޓްސަލް ފިއެސްޓާގައި މާދަމާ ރޭ 8:15ގައި އެންމެ ފަހުގެ ޗެމްޕިއަން މޯލްޑިވްސް ޕޯޓްސް ލިމިޓެޑް (އެމްޕީއެލް)އާ ދެކޮޅަށް ޓީމް ފެނަކަ ނުކުންނަ އިރު، މާދަމާ ރޭ 9:30 ޕޮލިސް ކްލަބާ ދެކޮޅަށް ޓްރޭޑް ކްލަބު ނުކުންނާނެއެވެ.
މިއަހަރުގެ މުބާރާތުގެ ފިރިހެން ބައިގައި 32 ޓީމު ވާދަކުރާ އިރު، އަންހެން ބައި ކަމަށްވާ 18/30 ފުޓްސަލް ފިއެސްޓާގައި އަށް ޓީމެއް ވާދަކުރާނެއެވެ. އެ މުބާރާތުގައި ފުރަތަމަ ކުރިއަށްދާނީ ގްރޫޕު ސްޓޭޖުގެ މެޗުތަކެވެ.
ކްލަބު މޯލްޑިވްސް ކަޕްގެ ގްރޫޕުތައް:
- ގްރޫޕު އޭ - މޯލްޑިވިއަން، ކްލަބު ވެމްކޯ، ކްލަބު އާސަންދަ، އެންސީއައިޓީ.
- ގްރޫޕު ބީ - އުރީދޫ، ޕްރިޒަން އާރުސީ، ޓްރޭޑް ކްލަބު، މީޑިއާނެޓް.
- ގްރޫޕު ސީ - އެމްޕީއެލް، އެސްޓީއޯ އާރުސީ، ޓީމް ފެނަކަ، އެމްއެމްއޭ އެސްސީ.
- ގްރޫޕު ޑީ - އެލައިޑް، ޓީމް އެފްއެސްއެމް، ކްލަބު އިމިގްރޭޝަން، ކްލަބު އޭވިއޭޝަން ސެކިއުރިޓީ.
- ގްރޫޕު އީ - ޖީއެމްއައިޒެޑްއެލް، ސްޓެލްކޯ އާރުސީ، ޔޫތު މިނިސްޓްރީ (ކްލަބު އެމްވައިއެސް)، ފެހި ފަހި ކްލަބު.
- ގްރޫޕު އެފް - ކްލަބު އެމްޓީސީސީ، ކަސްޓަމްސް އާރުސީ، ތައުލީމީ ގުޅުން، ދިވެހި ސިފައިންގެ ކްލަބު.
- ގްރޫޕު ޖީ - ކްލަބު އެޗްޑީސީ، ޔުނައިޓެޑް ބީއެމްއެލް، ފެން ކްލަބު، ސިވިލް ކޯޓު.
- ގްރޫޕު އެޗް - ދިރާގު، ޕޮލިސް ކްލަބު، މިފްކޯ، ޕީއެސްއެމް.
18/30 ވިމެންސް ފުޓްސަލް ފިއެސްޓާގެ ގްރޫޕުތައް:
- ގްރޫޕު އޭ - ޓީމް ފެނަކަ، ކްލަބު ވެމްކޯ، އެމްޕީއެލް، ކްލަބު އިމިގްރޭޝަން.
- ގްރޫޕު ބީ - ޕޮލިސް ކްލަބު، ޓްރޭޑް ކްލަބު، ދިވެހި ސިފައިންގެ ކްލަބު (ޑީއެސްސީ)، ފެން ކްލަބު.
ކްލަބު މޯލްޑިވްސް ކަޕް 2019ގެ އޮންލައިން ނިއުސް ޕާޓްނަރަކީ ވަން އޮންލައިނެވެ.
ކްލަބު މޯލްޑިވްސްއިން މުއްކި ތިން އަހަރަށް ސަސްޕެންޑްކޮށް، އިތުރު ކުޅުންތެރިންނަށްވެސް ފިޔަވަޅު އަޅައިފި
މިއަހަރުގެ ކްލަބު މޯލްޑިވްސް ކަޕް މެއި މަހުގެ 27 ވަނަ ދުވަހު
ވަން ފޮޓޯ: ކްލަބް މޯލްޑިވްސް ކަޕްގެ ތަށި ފެނަކައިން ފުރަތަމަ ފަހަރަށް އުފުލާލުން
ފެނަކައަށް ތާރީހީ ތަށްޓެއް، ފުރަތަމަ ފަހަރަށް ކްލަބު މޯލްޑިވްސް ކަޕް ކާމިޔާބުކޮށްފި
