ސާފް ޗެމްޕިއަންޝިޕް ފައިނަލް ލައިވް: އިންޑިއާ 6-5 ކުވައިތު (ޕެނަލްޓީ ޝޫޓްއައުޓް)

މުބާރާތުގެ އެންމެ މޮޅު ކުޅުންތެރިޔާގެ އެވޯޑު ވެސް ހޯދީ އިންޑިއާގެ ކެޕްޓަން ސުނިލް ޗެތުރީ.

އެންމެ ގިނަ ގޯލު ޖަހައިގެން ޓޮޕް ސްކޯރާގެ އެވޯޑު ހޯދީ ސުނިލް ޗެތުރީ، އޭނާ ވަނީ މިފަހަރުގެ މުބާރާތުގައި ހަ ގޯލު ކާމިޔާބުކޮށްފައި.

މުބާރާތުގެ އެންމެ މޮޅު ގޯލްކީޕަރަކަށް ހޮވުނީ ބަންގުލަދޭޝްގެ އަނީސުރް ރަހުމާން.

ފެއާޕްލޭ ޓީމަކަށް ހޮވުނީ ނޭޕާލް.

އިންޑިއާ އިން ނުވަވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފި.

ކުވައިތު ކެޕްޓަން ޚާލިދް ހާޖިއާގެ ޕެނަލްޓީ، އިންޑިއާގެ ކީޕަރު ގުޕްރީތު ސިންހް މަަތަކޮށްފި.

އިންޑިއާގެ މަހޭޝް ސިންހް ފޮނުވާލި ޕެނަލްޓީ ކާމިޔާބުކޮށްފި.

ކުވައިތުގެ ޝަބައިބް އަލް ޚަލްދީގެ ޕެނަލްޓީ ކާމިޔާބުކޮށްފި.

އިންޑިއާގެ ސުބާޝިސް ބޯސް ފޮނުވާލި ޕެނަލްޓީ ކާމިޔާބުކޮށްފި.

ކުވައިތުގެ އަބްދުލް އަޒީޒް މަހުރާން ފޮނުވާލި ޕެނަލްޓީ ކާމިޔާބުކޮށްފި.

އިންޑިއާގެ އުދަންތާ ސިންހް ފޮނުވާލި ޕެނަލްޓީ، ހުރަސް ދަނޑިމަތިން ބޭރަށް، ޕެނަލްޓީ ނާކާމިޔާބު.

ކުވައިތުގެ އަހުމަދު އަލް ދެފީރީގެ ޕެނަލްޓީ ކާމިޔާބުކޮށްފި.

އިންޑިއާގެ ލަލިއަންޒުއާ ޗާންގްޓޭ ފޮނުވާލި ޕެނަލްޓީ ވެސް ކާމިޔާބުކޮށްފި.

ކުވައިތުގެ ފަވާޒް އަލޮތައިބީ ފޮނުވާލި ޕެނަލްޓީ ކާމިޔާބުކޮށްފި.

އިންޑިއާގެ ސަންދޭޝް ޖިންގަންގެ ޕެނަލްޓީ ކާމިޔާބުކޮށްފި.

ކުވައިތުގެ މުހައްމަދު އަބްދުﷲ ފޮނުވާލި ޕެނަލްޓީ އަމާޒުވީ ގޯލުގެ ހުރަސް ދަނޑިއަށް، ޕެނަލްޓީ ނާކާމިޔާބު.

އިންޑިއާގެ ފުރަތަމަ ޕެނަލްޓީ ފޮނުވާލަނީ ކެޕްޓަން ސުނިލް ޗެތުރީ، އޭނާގެ ޕެނަލްޓީ ކާމިޔާބުކޮށްފި. އެ ޕެނަލްޓީ ގޯލުގެ ތެރެއަށް ވެފައިވަނީ އަރިމަތީ ދަނޑީގައި ޖެހިފައި.

އިތުރު ވަގުތުގެ ދެވަނަ ހާފުގެ ކުޅުން ވެސް ނިންމާލައިފި. ނަތީޖާ ނެރުމަށް ދެން ދާން ޖެހޭނީ ޕެނަލްޓީ ޝޫޓްއައުޓްއަށް.

'119 - އިންޑިއާއަށް ފުރުސަތެއް. ޗަންދްރަޝޭކަރް ޕުޖާރީ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުސްކޮށް ހުރެ، އިންޑިއާގެ ލަލިއަންޒުއާލާ ޗާންގްޓޭ ފޮނުވާލި ހަމަލާ، ކުވައިތުގެ ގޯލާ އަމާޒުވެފައެއް ނުވޭ.

'115 - ކުވައިތުގެ އަބްދުﷲ އަލް ފަހަދްއަށް ރީނދޫ ކާޑެއް.

'113 - އިންޑިއާ އިން ބަދަލެއް. އަނިޔާއަކާ ގުޅިގެން އާކާޝް މިޝްރާގެ ބަދަލުގައި ކުޅެން ނުކުތީ ސުބާސިޝް ބޯސް.

'106 - ކުވައިތަށް ރަނގަޅު ފުރުސަތެއް. އީދް އަލް ރާޝިދީ ދިން ބޯޅައަކުން ޕެނަލްޓީ އޭރިއާ ތެރެއިން ފަވާޒް އަލޮތައިބީ ފޮނުވާލި ހަމަލާ، އިންޑިއާގެ މަހޭޝް ސިންހް ގައިގައި ޖެހި ވަނީ ބްލޮކްވެފައި.

އިތުރު ވަގުތުގެ ދެވަނަ ހާފުގެ ކުޅުން ފަށައިފި.

އިތުރު ވަގުތުގެ ފުރަތަމަ ހާފުގެ ކުޅުން ނިންމާލައިފި.

'105 - ކުވައިތުގެ ހަމަލާއެއް. ކުރިއަށް ގޮސް، ޕެނަލްޓީ އޭރިއާ ބޭރުން މުހައްމަދު އަބްދުﷲ ފޮނުވާލި ހަމަލާ އަމާޒުވީ އިންޑިއާ ކީޕަރު އަބްދުލް ރަހުމާން މަރުޒޫގާ ދިމާއަށް.

'94 - އީދް އަލް ރާޝިދީ ދިން ބޯޅައެއް ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ކުވައިތުގެ އަބްދުﷲ އަލް ފަހަދް ފޮނުވާލި ހަމަލާ، ޓެކުލްކޮށް އިންޑިއާގެ މަހޭޝް ސިންހް ވަނީ ބްލޮކްކޮށްފައި.

އިތުރު ވަގުތުގެ ފުރަތަަމަ ހާފުގެ ކުޅުން ފަށައިފި.

މެޗުގެ ދެވަނަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން. ނަތީޖާ ނެރުމަށް ދެން ކުޅެން ޖެހޭނީ އިތުރު ވަގުތުގެ ދެ ހާފު.

'90+3 - އިންޑިއާއަށް ރަނގަޅު ފުރުސަތެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން ހުސްކޮށް ހުރެ، އިންޑިއާ ކެޕްޓަން ސުނިލް ޗެތުރީ ފޮނުވާލި ހަމަލާ، ކުވައިތުގެ ގޯލާ އަމާޒުވެފައެއް ނުވޭ.

'90+2 - ކުވައިތަށް ރަނގަޅު ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު މުހައްމަދު އަބްދުﷲ ފޮނުވާލި ހަމަލާ، އިންޑިއާގެ ކީޕަރު ގުޕްރީތު ސިންހް ވަނީ މަތަކޮށްފައި.

ދެވަނަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'90 - އިންޑިއާ އިން ބަދަލެއް. ސަހަލް އަބްދުލް ސަމަދުގެ ބަދަލުގައި ކުޅެން ނުކުތީ އުދަންތާ ސިންހް ކުމާމް.

'89 - ކުވައިތުގެ ޝަބައިބް އަލް ޚަލްދީ ފޮނުވާލި ހަމަލާ، ވޯލްގައި ތިބި އިންޑިއާ ކުޅުންތެރިން ގައިގައި ޖެހި ވަނީ ބްލޮކްވެފައި.

'88 - ކުވައިތުގެ އީދް އަލް ރާޝިދީއަށް އިންޑިއާގެ މެހެތާބް ސިންހް ކުރި ފައުލަކާ ގުޅިގެން ނުރައްކާތެރި ހިސާބަކުން ކުވައިތަށް ހިލޭ ޖެހުމެއް.

'85 - ޕެނަލްޓީ އޭރިއާ ބޭރުން އަރިމަތިން މުހައްމަދު އަބްދުﷲ ފޮނުވާލި ހަމަލާ ވެސް ގޯލާ އަމާޒެއް ނުވި.

މި މެޗު ބަލަން ވަދެފައިވަނީ 26،380 މީހުން.

'80 - ކުވައިތުގެ ހަމަލާއެއް. ޕެނަލްޓީ އޭރިއާ ބޭރުން ހަމަދް އަލް ގަލަފް ފޮނުވާލި ހަމަލާ ދިޔައީ އިންޑިއާ ގޯލުގެ ހުރަސް ދަނޑިމަތިން ބޭރަށް.

'74 - ކުވައިތުގެ ސުލްތާން އަލެނޭޒީއަށް ކުރި ފައުލަކާ ގުޅިގެން އިންޑިއާގެ ރޯހިތު ކުމާރަށް ރީނދޫ ކާޑެއް.

'72 - އިންޑިއާ އިން ދެ ބަދަލެއް. އަނިރުދް ތާޕާ އާއި މުހައްމަދު ކުރުނިޔަންގެ ބަދަލުގައި ކުޅެން ނުކުތީ މަހޭޝް ސިންހް ނައޮރެމް އަދި ރޯހިތު ކުމާރު.

'69 - ކުވައިތުން ބަދަލެއް. މުބާރަކް އަލް ފަނީނީގެ ބަދަލުގައި ކުޅެން ނުކުތީ އީދް އަލް ރާޝިދީ.

'66 - އިންޑިއާ ކެޕްޓަން ސުނިލް ޗެތުރީއަށް ކުރި ފައުލަކާ ގުޅިގެން ކުވައިތުގެ މުހައްމަދު އަބްދުﷲ އަށް ރީނދޫ ކާޑެއް.

'65 - ކުވައިތުގެ މުބާރަކް އަލްފަނީނީއަށް ކުރި ފައުލަކާ ގުޅިގެން އިންޑިއާގެ މުހައްމަދު ކުރުނިޔަންއަށް ރީނދޫ ކާޑެއް.

'62 - އިންޑިއާއަށް ރަނގަޅު ފުރުސަތެއް. ސުނިލް ޗެތުރީ ދިން ބޯޅައަކުން ޕެނަލްޓީ އޭރިއާ ބޭރުން ލަލިއަންޒުއާލާ ޗާންގްޓޭ ފޮނުވާލި ހަމަލާ އަމާޒުވީ ކުވައިތު ކީޕަރު އަބްދުލް ރަހުމާން މަރްޒޫގާ ދިމާއަށް.

'60 - އިންޑިއާގެ އަނިރުދް ތާޕާއަށް ކުރި ފައުލަކާ ގުޅިގެން ކުވައިތުގެ ހަމަދް އަލް ގަލަފްއަށް ރީނދޫ ކާޑެއް.

'59 - ކުވައިތުގެ މުހައްމަދު އަބްދުﷲ ނަގައިދިން ހުރަސް، ޕެނަލްޓީ އޭރިއާ ތެރެއިން ނުރައްކާވުމުގެ ކުރިން އިންޑިއާގެ ސަންދޭޝް ޖިންގަން ދިފާއުކޮށްފި.

މެޗުގެ ފުރަތަމަ ދިހަ މިނެޓުގެ ތެރޭގައި ދެ ޓީމުގެ ފަރާތުން ވެސް ފެނިގެންދިޔައީ ދާދި ހަމަހަމަ ކުޅުމެއް. ދެ ޓީމަށް ވެސް ގޯލު ޖަހާނެ ފުރުސަތެއް ތަނަވަސްކުރެވިފައެއް ނުވޭ.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން.

'45+1 - ކުވައިތުގެ އަބްދުﷲ އަބްލޫޝީ އާއި އަހްމަދު އަލް ދެފީރީ އަދި އެޓީމުގެ އޮފިޝަލަކަށް ވެސް ރީނދޫ ކާޑެއް.

ފުރަތަމަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

'38 - އިންޑިއާ އިން ގޯލެއް ޖަހައި ނަތީޖާ ހަމަހަމަކޮށްފި. ރީތި ކުޅުމަކާއެކު ސަހަލް އަބްދުލް ސަމަދު ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ފޮނުވާލި ހަމަލާއަކުން އިންޑިއާއަށް އެ ގޯލު ކާމިޔާބުކޮށްދިނީ ލަލިއަންޒުއާލާ ޗާންގްޓޭ.

'37 - ކުވައިތުގެ ހަމަލާއެއް. ޕެނަލްޓީ އޭރިއާ ބޭރުން ލިބުނު ބޯޅައަކުން ކުވައިތުގެ އަހުމަދު އަލް ދެފީރީ ފޮނުވާލި ހަމަލާ، އިންޑިއާގެ ގޯލާ އަމާޒުވެފައެއް ނުވޭ.

'35 - އިންޑިއާ އިން ބަދަލެއް. އަނިޔާއަކާ ގުޅިގެން އަންވަރު އަލީގެ ބަދަލުގައި ކުޅެން ނުކުތީ މެހެތާބް ސިންހް.

'28 - ކުވައިތުގެ ހަމަދް އަލް ހަރްބީއަށް ކުރި ފައުލަކާ ގުޅިގެން އިންޑިއާގެ ސަންދޭޝް ޖިންގަންއަށް ރީނދޫ ކާޑެއް.

'27 - ކުވައިތުން ބަދަލެއް. އަނިޔާއަކާ ގުޅިގެން ހަސަން އަލަނޭޒީގެ ބަދަލުގައި ކުޅެން ނުކުތީ ހަަމަދު އަލް ހަރްބީ.

'17 - އިންޑިއާގެ އިތުރު ހަމަލާއެއް. ޕެނަލްޓީ އޭރިއާގެ އަރިމަތިން އިންޑިއާގެ ތާޕާ ފޮނުވާލި ހަމަލާ ވެސް ކުވައިތުގެ ކީޕަރު އަބްދުލް ރަހުމާން މަރުޒޫގު ވަނީ މަތަކޮށްފައި.

'16 - އިންޑިއާގެ ނުރައްކާތެރި ހަމަލާއެއް. ލާލިއަންޒުއާލާ ޗާންގްޓޭ ދިން ބޯޅައަކުން ޕެނަލްޓީ އޭރިއާ ބޭރުން އިންޑިއާގެ ކެޕްޓަން ސުނިލް ޗެތުރީ ފޮނުވާލި ހަމަލާ، ގޯލުގެ ތިރީ ކަނަކަށް އަމާޒުވާން ދަނިކޮށް، ކުވައިތުގެ ކީޕަރު އަބްދުލް ރަހުމާން މަރުޒޫގު ވަނީ މަތަކޮށްފައި.

'15 - ކުވައިތުން ގޯލެއް ޖަހައި ލީޑު ހޯދައިފި. އަބްދުﷲ އަބްލޫޝީ ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ފޮނުވާލި ހަމަލާއަކުން ކުވައިތަށް އެ ގޯލު ކާމިޔާބުކޮށްދިނީ ޝަބައިބް އަލް ޚަލްދީ.

'7 - މެޗުގެ ފުރަތަމަ ކޯނަރު އިންޑިއާއަށް، އަނިރުދް ތާފާ ނަގައިދިން ކޯނަރުގެ ބޭނުމެއް ނުހިފުނު.

'4 - އިންޑިއާގެ ހަމަލާއެއް. އާކާޝް މިޝްރާ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، އިންޑިއާގެ ލާލިއަންޒުއާލާ ޗާންގްޓޭ ބޮލުން ފޮނުވާލި ހަމަލާ އަމާޒުވީ ކުވައިތު ކީޕަރު އަބްދުލް ރަހުމާން މަރުޒޫގާ ދިމާއަށް، އެ ބޯޅައިގައި ބާރެއް ނެތް.

މެޗުގެ ކުޅުން ފަށައިފި. ކިކްއޯފް ކުރީ އިންޑިއާ އިން.

މި މެޗަށް ސަސްޕެންޝަނަށް ފަހު އިންޑިއާ ޑިފެންޑަރު ސަންދޭޝް ޖިންގަން ވަނީ އެނބުރި އައިސްފައި. އަދި އިންޑިއާ ކޯޗު އިގޯ ސްޓިމަކް މި މެޗަށް ވެސް ސަސްޕެންޝަންގައި ހުންނަން ޖެހުމުން ބެންޗުން ނުފެންނާނެ. ސްޓިމަކަށް ވަނީ މުބާރާތުގައި ދެ ރަތް ކާޑު ދައްކާފައި. މި މެޗު އިންޑިއާ ޑިފެންޑަރު ސުބާޝިޝް ބޯސް ފެށީ ބެންޗުން.

އިންޑިއާގެ ފުރަތަމަ 11:

ކުވައިތުގެ ފުރަތަމަ 11: