ސާފް ސުޒުކީ ކަޕްގެ ތަށްޓާއެކު ގައުމީ ޓީމު އެނބުރި ރާއްޖެ އައުމުން ހޫނު މަރުހަބާއެއް

ސާފް ސުޒުކީ ކަޕްގެ ޗެމްޕިއަންކަން ހޯދި ގައުމީ ފުޓްބޯޅަ ޓީމު، އެނބުރި ރާއްޖެ އައުމުން ހޫނު މަރުހަބާއެއް ކިޔައިފިއެވެ.

ބަންގުލަދޭޝްގެ ޑާކާގައި ކުރިއަށްދިޔަ އެ މުބާރާތުގެ ޗެމްޕިއަންކަން ހޯދި ޓީމު، އެނބުރި ރާއްޖެ އައިސްފައިވަނީ އޭ-380 ގެ މަތިންދާ ބޯޓަކުންނެވެ. އެއީ މިހާތަނަށް ރާއްޖޭގެ ވެލާނާ އިންޓަނޭޝަނަލް އެއާޕޯޓުގައި ޖެއްސި އެންމެ ބޮޑު ބޯޓެވެ. އޭގެ އިތުރުން އެ ބޯޓަކީ އާ ރަންވޭ ހުޅުވުމަށް އެ ރަންވޭގައި ޖެއްސި ފުރަތަމަ ބޯޓެވެ.

ވެލާނާ އިންޓަނޭޝަނަލް އެއާޕޯޓުގެ އާ ރަންވޭގައި ބޯޓު ޖެއްސުމާއެކު ޓީމަށް ފުރަތަމަ މަރުހަބާ ކިޔާފައިވަނީ ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޤައްޔޫމާއި އެ މަނިކުފާނުގެ އަނބިކަނބަލުން ފާތިމަތު އިބްރާހީމެވެ. އޭގެ އިތުރުން ސަރުކާރުގެ އިސްވެރިން ވެސް ޓީމަށް މަރުހަބާ ދެންނެވުމަށް ބައިވެރިވެވަޑައިގެންނެވިއެވެ.

އެއާޕޯޓުގައި ބޭއްވި ހާއްސަ ރަސްމިއްޔާތަށްފަހު، ޓީމު މާލެ ގޮސްފައިވަނީ ސިނަމާލެ ބްރިޖް މަތިންނެވެ. ލޮރީއެއްގައި ޓީމު ބްރިޖު މަތިން ދިޔައިރު، ގިނަ އަދަދެއްގެ ސަޕޯޓަރުން ޓީމަށް މަރުހަބާ ކިޔުމަށް ޖަމާވެފައިވެއެވެ.

ރާއްޖޭގެ ޓީމުން ސާފް ޗެމްޕިއަންޝިޕްގެ ތަށި ހޯދާފައިވަނީ މިމަހުގެ 15 ވަނަ ދުވަހު ކުޅުނު ފައިނަލުގައި ވާދަވެރި އިންޑިއާގެ މައްޗަށް 2-1ގެ ނަތީޖާއަކުން ކުރި ހޯދައިގެންނެވެ. މިއީ ރާއްޖެއިން މުބާރާތް ކާމިޔާބުކުރި ދެވަނަ ފަހަރެވެ.