ވިޔަފާރި

ޗުއްޓީއަށް ފުރުމުގެ ކުރިން ރައްކާތެރިކަން ކަށަވަރުކުރައްވާ!

ޗުއްޓީއަށް ތައްޔާރުވާން ފަށައިފިން ހެއްޔެވެ؟ ސްކޫލު ޗުއްޓީއާ ދިމާކޮށް ގިނަ ބަޔަކު އާއިލާއާ އެކުގައި ރާއްޖެއިން ބޭރަށް ދަތުރުކުރުމަށް ޕްލޭން ހަދަމުން ދާނެކަން ޔަގީނެވެ. އެކަމަކު މަޑުކޮށްބަލާށެވެ—ދަތުރަށް އެކަށީގެންވާ ޓްރެވަލް ޕްލޭނެއް ޚިޔާރުކޮށްފިން ހެއްޔެވެ؟

ހަގީގަތުގައި އިންޝުއަރަންސަކީ އަހަރެމެން ކިޔާ ގޮތުން ނަމަ "ރައްކާވެ ތިބިއްޔާ ދަތުރު"ގެ އަސާސްގެ މައްޗަށް ބިނާވެފައިވާ ކަމެކެވެ. ދަތުރަށް ފުރުން ބުއްދިވެރީ ކުއްލިއަކަށް ދަތުރުގައި ކުރިމަތިވެދާނެ ހާދިސާތަކުން ދިމާވެދާނެ މާލީ ގެއްލުންތަކަށް ރައްކާތެރިކަމުގެ ފިޔަވަޅުތަކެއް އަޅައިގެންނެވެ. ނިޔާމަ ދަތުރެއް ނުވަތަ ޗުއްޓީއެއް ފުރިހަމަކޮށްލުމަށް ފަހު ހިތްހަމަޖެހިލައިގެން އެނބުރި އާދެވޭނީ އޭރުންނެވެ.

އެލައިޑް އިންޝުއަރަންސްގެ އިސްލާމިކް ވިންޑޯ "އަޔާދީ ތަކާފުލް"އިން ފޯރުކޮށްދޭ ޓްރެވަލް ތަކާފުލްއަކީ ވަރަށް ފުޅާ ދާއިރާއެއްގައި ރައްކާތެރިކަން ފޯރުކޮށްދޭ ޓްރެވަލް ޕްލޭނެކެވެ. ދަތުރު މަތީގައި އުޅޭ އިރު ކުއްލި ޙާލަތްތަކުގައި ކުރަންޖެހޭ މެޑިކަލް ޚަރަދާއި، ދާގީނާ ނުވަތަ ދަބަހާއި އެހެނިހެން މުދާ ގެއްލުމާއި، ޕާސްޕޯޓާއި ރަސްމީ މުހިއްމު ލިޔެކިޔުންތައް ގެއްލުމާއި، ދަތުރު ކެންސަލްވުން ނުވަތަ ފްލައިޓު ލަސްވުމާއި ދަތުރުގެ ބައިވެރިޔާ ނުވަތަ ބައިވެރިވާ ފަރާތްތަކަށް ކުއްލިއަކަށް ކުރިމަތިވެދާނެ ޖިސްމާނީ އަނިޔާތަކަށް ފަރުވާކުރުން ފަދަ ކަންކަންކަމަށް ހޭދަކުރަންޖެހޭ ޚަރަދު މި ޕްލޭނުން ކަވަރުކޮށް، އެއްވެސް ހާސްކަމެއް ނެތި ޗުއްޓީ ހޭދަކުރުމުގެ ފުރުޞަތު ތަނަވަސްކޮށްދޭނެއެވެ.

ޓްރެވަލް ތަކާފުލް ނަގާނީ ކިހިނެއް؟

އަޔާދީ ތަކާފުލްގެ ޓްރެވަލް ޕްލޭނެއްގައި ބައިވެރިވުމަކީ ނުހަނު ފަސޭހަ ކަމެކެވެ. އެލައިޑްގެ "މައި އެލައިޑް" ޕޯޓަލް މެދުވެރިކޮށް މަދު ސިކުންތުކޮޅެއް ތެރޭގައި ހުރިހާ ކަމެއް ވެސް ހަމަޖައްސާލެވޭނެއެވެ.

1. މައި އެލައިޑް ޕޯޓަލްއަށް ވަނުމަށްފަހު ދަތުރުކުރާ މަންޒިލު ސިލެކްޓް ކޮށްލައްވާށެވެ.
2. ދެން ދަތުރުގެ ތަފްސީލުތައް ފުރާލާށެވެ. އޭގެ ތެރޭގައި ދަތުރަށް ފުރާ ތާރީޚާއި އެނބުރި ރާއްޖެ އަންނަ ތާރީޚާއި، ދަތުރުގެ ބައިވެރިންގެ އަދަދާއި އުމުރަކީ މުހިންމު މަޢުލޫމާތުތަކެވެ.
3. ނަންގަވާލަން ބޭނުންވާ ޕެކޭޖު ނުވަތަ ގިންތި ޚިޔާރުކުރައްވާށެވެ. ދަތުރުކުރައްވާ ޤައުމަށް އެކަށޭނަ ޕެކޭޖުތައް ފެނިވަޑައިގަންނަވާނެއެވެ. މީގައި 3 ގިންތިއެއް ހިމެނޭނެއެވެ. އެއީ އޭޝިއާ ބައްރު އެކަނި ހިމެނޭ "ކޮންޓިނެންޓަލް"، އެމެރިކާއާއި ކެނެޑާ ފިޔަވާ ހުރިހާ ޤައުމެއް ހިމެނޭ "އެލީޓް" އަދި ދުނިޔޭގެ ހުރިހާ ޤައުމެއް ހިމެނޭ "ޕްރިމިއާ"އެވެ. ކޮންމެ ޕެކޭޖަކާއެކު ކަވަރޭޖު ލިމިޓު ވެސް ބޮޑުވެއެވެ. "މައި އެލައިޑް" ޕޯޓަލް މެދުވެރިކޮށް ޕެކޭޖުތައް އަޅާކިޔާލެވޭނެއެވެ.
4. ޕެކޭޖު ޚިޔާރުކުރެއްވުމާއެކު ޕެކޭޖާއެކު ލިބޭ އޮޕްޝަނަލް ކަވަރޭޖުތައް ފެނިވަޑައިގެންނަވާނެއެވެ. އޮޕްޝަނަލް ކަވަރޭޖުތަކުގެ ތެރޭގައި ކޮވިޑް-19 ޖެހިއްޖެނަމަ ކުރަންޖެހޭ ހަރަދުތަކާއި ނަޤުދު ފައިސާ ގެއްލިއްޖެނަމަ އެކަމުގެ ބަދަލު އަދި ވިޔަފާރި ދަތުރުތަކުގެ ކަވަރޭޖު ވެސް ހިމެނެއެވެ. ބޭނުންފުޅުވާ އޮޕްޝަނަލް ކަވަރޭޖެއް ޚިޔާރުކުރައްވާށެވެ.
5. ދެން، ދަތުރުގެ ބައިވެރިންގެ ތަފްސީލުތައް ފުރުއްވާށެވެ. އެގޮތުން ނަމާއި އެޑްރެހާއި ޕާސްޕޯޓު ތަފްސީލުތަކާއި ބޭންކު އެކައުންޓާ ގުޅޭ ތަފްސީލު ފުރިހަމަ ކުރައްވާށެވެ. ބޭންކު އެކައުންޓުގެ ތަފްސީލްގެ ބޭނުމަކީ ފަހުން ސާޕްލަސް ލިބިލައްވާނަމަ، އެ ފައިސާ ޖަމާކުރުން ފަސޭހަ ކުރުމަށެވެ.

މިހާ ހިސާބުން ޓްރެވަލް ތަކާފުލްގައި ބައިވެރިވެވުނީއެވެ. މިއީ އޮންލައިންކޮށް ކުރެވޭނެ ދާދިފަސޭހަ ކަމެކެވެ. އަދި ނުހަނު މުހިންމު ކަމެކެވެ. ސަބަބަކީ ޗުއްޓީއަށް ނުވަތަ ދަތުރަށް ތިޔަ ފުރާވަޑައިގަންނަވަނީ ބޭރު ޤައުމަކަށް ކަމުގައި ވާތީއެވެ. ބޭރު ޤައުމެއްގައި އުޅޭ އިރު ދިމާވާ ދަތިތަކަކީ ކުއްލިއަކަށް ހައްލުކުރަން އުނދަގޫ ކަންކަމަށް ވެދާނެއެވެ.

ޓްރެވަލް ޕްލޭނެއްގެ ބޭނުމަކީ ދަތުރަށް ފުރާއިރު ދިމާވެދާނެ ކަމަކަށް ކުރިއާލާ ރައްކާތެރިކަމުގެ ފިޔަވަޅެއް އެޅުމެވެ. އަދި ހަޤީޤީ މާނައިގައި "ރައްކާވެތިބިއްޔާ ދަތުރު"ގެ އިހްސާސް ކޮށްދިނުމެވެ.