ވޯލްޑް ކަޕް: ޖަޕާން 1-1 ކްރޮއޭޝިއާ (1-3)

ކްރޮއޭޝިއާ ކުއާޓާ ފައިނަލަށް.

ކްރޮއޭޝިއާގެ ޕަސަލިޗްގެ ޕެނަލްޓީ ކާމިޔާބުކޮށްފި.

ޖަޕާން ކެޕްޓަން ކެޕްޓަން ޔޮޝީޑާ ފޮނުވާލި ޕެނަލްޓީ ވެސް ކްރޮއޭޝިއާގެ ކީޕަރު ލިވަކޮވިޗް މަތަކޮށްފި.

ކްރޮއޭޝިއާގެ ލިވާޔާގެ ޕެނަލްޓީ އަމާޒުވީ ގޯލުގެ އަރިމަތީ ދަނޑިއަށް.

ޖަޕާނުގެ އަސާނޯގެ ޕެނަލްޓީ ކާމިޔާބުކޮށްފި.

ކްރޮއޭޝިއާގެ ބްރޮޒިވިޗްގެ ޕެނަލްޓީ ކާމިޔާބު.

ޖަޕާންގެ މިޓޮމާގެ ޕެނަލްޓީ ވެސް ކްރޮއޭޝިއާ ކީޕަރު ލިވަކޮވިޗް މަތަކޮށްފި.

ކްރޮއޭޝިއާގެ ނިކޮލާ ވްލަސިޗްގެ ޕެނަލްޓީ ކާމިޔާބުކޮށްފި.

ޖަޕާންގެ މިނަމީނޯ ފޮނުވާލި ޕެނަލްޓީ، ކްރޮއޭޝިއާގެ ކީޕަރު ލިވަކޮވިޗް މަތަކޮށްފި.

އިތުރު ވަގުތުގެ ފަހު 15 މިނެޓުގެ ކުޅުން ވެސް ނިމިގެންދިޔައީ 1-1 ގެ ނަތީޖާއަކުން ދެ ޓީމު އެއްވަރުވެގެން. ދެން ނަތީޖާ ނެރުމަށް ދާން ޖެހޭނީ ޕެނަލްޓީ ޝޫޓްއައުޓްއަށް.

'120+1 - ކްރޮއޭޝިއާގެ ނުރައްކަލެއް. ޕެނަލްޓީ އެރިއާ ބޭރުން މާޔާ ފޮނުވާލި ހަމަލާ ދިޔައީ ޖަޕާން ގޯލުގެ އަރިމަތީ ދަނޑި ކައިރިން ބޭރަށް.

'119 - ކްރޮއޭޝިއާ އިން ކުރި ޖެހި ނުރައްކާކުރުމަށް މަސައްކަތްކުރަމުންދިޔަ ނަމަވެސް، ޖަޕާންގެ ޑިފެންސް ފެންނަނީ ވަރުގަދަކޮށް.

'105 - ކްރޮއޭޝިއާ އިން ދެ ބަދަލެއް. ބުޑިމިއާގެ ބަދަލުގައި ލިވާޔާ އަދި ޕެރިސިޗްގެ ބަދަލުގައި ކުޅެން ނުކުތީ އޯސިޗް.

އިތުރު ވަގުތުގެ ފަހު 15 މިނެޓުގެ ކުޅުން ފަށައިފި.

އިތުރު ވަގުތުގެ ފުރަތަަމަ 15 މިނެޓުގެ ކުޅުން ނިންމާލައިފި. އަދިވެސް 1-1 ގެ ނަތީޖާއަކުން ދެ ޓީމު އެއްވަރު.

'115 - ޖަޕާނުގެ ނުރައްކާތެރި ހަމަލާއެއް. ޖަޕާންގެ ހާފްގެ ތެރެއިން ބޯޅަ ހިފައިގެން ގޮސް، ޕެނަލްޓީ އޭރިއާ ބޭރުން ކައޯރޫ މިޓޮމާ ފޮނުވާލި ބާރު ހަމަލާ، ކްރޮއޭޝިއާގެ ކީޕަރު ލިވަކޮވިޗް ވަނީ މަތަކޮށްފައި.

'100 - ކްރޮއޭޝިއާގެ ހަމަލާއެއް. ޕެނަލްޓީ އޭރިއާ ތެރެއިން ޕެރިސިޗް ފޮނުވާލި ހަމަލާ، އިޓޯ ވަނީ ބްލޮކްކޮށްފައި.

'98 - ކްރޮއޭޝިއާ އިން ދެ ބަދަލެއް. ކެޕްޓަން މޮޑްރިޗާއި ކޮވިސިޗްގެ ބަދަލުގައި ކުޅެން ނުކުތީ ވްލަސިޗް އަދި މާޔާ.

އިތުރު ވަގުތުގެ ފުރަތަމަ ހާފުގެ ކުޅުން ފަށައިފި.

މެޗުގެ ދެވަނަ ހާފުގެ ކުޅުން ނިންމާލައިފި. ދެވަނަ ހާފު ނިމުނު އިރު، 1-1 ގެ ނަތީޖާއަކުން އެއްވަރުފައި އޮތުމުން ދެން ކުޅޭނީ އިތުރު ވަގުތުގެ ދެ ހާފު.

'87 - ޖަޕާނުން ބަދަލެއް. ޑޮއާންގެ ބަދަލުގައި ކުޅެން ނުކުތީ ޓަކޫމީ މިނަމީނޯ.

'82 - ޔުރަނޮވިޗް ނަގައިދިން ހުރަހުން ޕެނަލްޓީ އޭރިއާ ތެރެއިން ޕެރިސިޗް ނުރައްކާކުރުމުގެ ކުރިން ކީޕަރު ގޮންޑާ ކުރިއަށް ނުކުމެ ބޯޅަ ދިފާއުކޮށްފި.

'68 - ކްރޮއޭޝިއާގެ ބަދަލެއް. ކްރަމަރިޗްގެ ބަދަލުގައި ކުޅެން ނުކުތީ މާރިއޯ ޕަސަލިޗް.

'64 - ޖަޕާނުން ދެ ބަދަލެއް. ނަގަޓޯމޯގެ ބަދަލުގައި ކައޮރޫ މިޓޯމާ، އަދި މައޭޑާގެ ބަދަލުގައި ކުޅެން ނުކުތީ ޓަކޫމާ އަސާނޯ.

'63 - ކްރޮއޭޝިއާގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ކްރޮއޭޝިއާ ކެޕްޓަން ލޫކާ މޮޑްރިޗް ފޮނުވާލި ބާރު ހަމަލާ، ގޯލުގެ ކަނަކަށް އަމާޒުވާން ދަނިކޮށް، ޖަޕާންގެ ކީޕަރު ގޮންޑޯ ވަނީ ހުޝިޔާރުކަމާއެކު މަތަކޮށްފައި.

'62 - ކްރޮއޭޝިއާ އިން ބަދަލެއް. ޕެޓްކޮވިޗްގެ ބަދަލުގައި ކުޅެން ނުކުތީ އަންޓޭ ބުޑިމިއާ.

'57 - ޖަޕާންގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން އެންޑޯ ފޮނުވާލި ބާރު ހަމަލާ، ކްރޮއޭޝިއާގެ ކީޕަރު ޑޮމިނިކް ލިވަކޮވިޗް ވަނީ މަތަކޮށްފައި.

'55 - ކްރޮއޭޝިއާ އިން ގޯލެއް ޖަހައި ނަތީޖާ ހަމަހަމަކޮށްފި. ޑެޖާން ލޮވްރެން ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ކްރޮއޭޝިއާއަށް އެ ގޯލު ކާމިޔާބުކޮށްދިނީ އިވާން ޕެރިސިޗް.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0 ގެ ނަތީޖާއަކުން ޖަޕާން ކުރީގައި އޮވެގެން.

ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.

'43 - ޖަޕާނުން ގޯލެއް ޖަހައި ލީޑު ހޯދައިފި. ރިޓްސޫ ޑޮއާން ނަގައިދިން ހުރަސް، ޕެނަލްޓީ އޭރިއާ ތެރެއިން ކްރޮއޭޝިއާއަށް ދިފާއުނުކުރެވުމާއެކު ލިބުނު ބޯޅައަކުން ޖަޕާނަށް އެ ގޯލު ކާމިޔާބުކޮށްދިނީ ޑައިޒެން މައޭޑާ.

'41 - ޖަޕާނަށް ރަނގަޅު ފުރުސަތެއް. އެންޑޯ ދިން ބޯޅައަކުން ޕެނަލްޓީ އޭރިއާ ތެރެއިން ޑައިޗީ ކަމަޑާ ފޮނުވާލި ހަމަލާ، ކްރޮއޭޝިއާގެ ގޯލާ އަމާޒުވެފައެއް ނުވޭ.

'29 - ބޯނާ ބޮރިސިޗް ނުރައްކާތެރި ހުރަހެއް ނެގި ނަމަވެސް، ޕެނަލްޓީ އޭރިއާ ތެރެއިން ކްރޮއޭޝިއާ ފޯވަޑް ކްރަމަރިޗްއަށް އެ ބޯޅަ ލިބޭ ގޮތެއް ނުވި.

'24 - ކްރޮއޭޝިއާގެ ހަމަލާއެއް. ލޫކާ މޮޑްރިޗް ފޮނުވާލި ހިލޭ ޖެހުމެއްގެ ތެރެއިން ލިބުނު ބޯޅައަކުން، ޖޮސްކޯ ގުވާޑިއޯލް ހަމަލާއެއް ފޮނުވާލި ނަމަވެސް، ޖަޕާންގެ ގޯލާ އަމާޒުވެފައެއް ނުވޭ.

'20 - ބޮޑަށް ނުރައްކާކޮށް ފެންނަނީ ޖަޕާން. އެޓީމުން އަންނަނީ ހުރަސްތަކެއް ނަގައިގެން ކްރޮއޭޝިއާގެ ޕެނަލްޓީ އޭރިއާ ތެރެއިން ނުރައްކާކުރުމަށް މަސައްކަތްކުރަމުން.

'13 - ޖަޕާންގެ ޖުންޔާ އިޓޯގެ ނުރައްކާތެރި ބޯޅައެއް. އޭނާ ދިން ބޯޅަ، ކްރޮއޭޝިއާގެ ޕެނަލްޓީ އޭރިއާ ތެރެއިން މަސައްކަތްކުރި ޑައިޒެން މައޭޑާ އަދި ޔޫޓޯ ނަގަޓޯމޯގެ ފައިގައި ވެސް ލައްވާލައިފައެއް ނުވޭ.

'8 - ކްރޮއޭޝިއާއަށް ހުސް ފުރުސަތެއް. ޖަޕާން ޑިފެންޑަރު ޓެކެހީރޯ ޓޮމިޔާސޫ އަތުން ގެއްލުނު ބޯޅައެއް ހިފައިގެން ޕެނަލްޓީ އޭރިއާ ތެރެއިން އިވާން ޕެރިސިޗް ފޮނުވާލި ހަމަލާ، ޖަޕާން ކީޕަރު ޝުއިޗީ ގޮންޑާ ވަނީ މަތަކޮށްފައި. ރީބައުންސް ބޯޅައަށް ކްރޮއޭޝިއާ ފޯވަޑް އަންދްރޭ ކްރަމަރިޗް މަސައްކަތްކުރި ނަމަވެސް، އޭނާއަށް އެ ބޯޅަ ނިންމައިލެވިފައެއް ނުވޭ.

'3 - ޖަޕާންގެ ނުރައްކަލެއް. ރިޓްސޫ ޑޮއާން ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ޝޮގޯ ޓަނީގޫޗީ ބޮލުން ފޮނުވާލި ހަމަލާ، ކްރޮއޭޝިއާގެ ގޯލާ އަމާޒުވެފައެއް ނުވޭ.

މެޗުގެ ކުޅުން ފަށައިފި. ކިކްއޯފް ކުރީ ކްރޮއޭޝިއާ އިން.