ވޯލްޑް ކަޕް: ނެދަލޭންޑްސް 3-1 އެމެރިކާ (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. މެޗު ނިމިގެންދިޔައީ 3-1 ގެ ނަތީޖާއަކުން ނެދަލެންޑްސް ކުރީގައި އޮވެގެން. ނެދަލެންޑްސް ކުއާޓާ ފައިނަލަށް.

'90+3 - ނެދަލެންޑްސް އިން ދެ ބަދަލެއް. ގަކްޕޯ އާއި އަކޭގެ ބަދަލުގައި ކުޅެން ނުކުތީ ވޫޓް ވެގްހޯސްޓާއި މެތިއަސް ޑި ލިޓް.

'90+2 - އެމެރިކާ އިން ބަދަލެއް. ރޮބިންސަންގެ ބަދަލުގައި ކުޅެން ނުކުތީ ޖޯޑަން މޮރިސް.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'87 - ނެދަލެންޑްސްގެ ޑި ޔޮންގްއަށް ރީނދޫ ކާޑެއް.

'82 - ނެދަލެންޑްސް އިން ބަދަލެއް. ޑިޕާއީގެ ބަދަލުގައި ކުޅެން ނުކުތީ ޒަވީ ސިމޮންސް.

'81 - ނެދަލެންޑްސް އިން ގޯލެއް ޖަހައި، އަލުން ލީޑު ފުޅާކޮށްފި. ބްލިންޑް ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ފޮނުވާލި ހަަމަލާއަކުން ނެދަލެންޑްސްއަށް އެ ގޯލު ކާމިޔާބުކޮށްދިނީ ޑަމްފްރީސް.

77 - އެމެރިކާގެ އިތުރު ނުރައްކަލެއް. ކައުންޓާ އެޓޭކެއްގައި ހާޖީ ރައިޓް ނުރައްކާކުރުމުގެ ކުރިން ކުރިއަށް ނުކުމެ، ނެދަލެންޑްސްގެ ކީޕަރު ނޮޕާޓް ވަނީ ބޯޅަ ދިފާއުކޮށްފައި.

'76 - އެމެރިކާ އިން ގޯލެއް ޖަހައި، ފަރަގު ކުޑަކޮށްފި. ޕުލިސިޗް ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން އެމެރިކާއަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް ހާޖީ ރައިޓް.

'75 - އެމެރިކާއަށް ރަނގަޅު ފުރުސަތެއް. ޑިޕާއީ ފަހަތަށް ދިން ޕާހެއް ހޯދައި ރައިޓް ނޮޕާޓް ނައްޓުވާލައި ހަނި އޭންގަލުން ގޯލަށް ފޮނުވާލި ނަމަވެސް އެ ހަމަލާ، ގޯލް ރޮނގުމަތިން ޑަމްފްރީސް ވަނީ ބޭރު ކޮށްލައިފައި.

'71 - ނެދަލޭންޑްސްގެ ނުރައްކާތެރި ހަމަލާއެއް. ޑި ރޫންގެ ބާރު ހަމަލާއެއް ދިފާއުކުރީ ކީޕަރު ޓާނާ، ޓާނާ އަތުގައި ޖެހިގައި ނުކުތް ބޯޅައަށް އަރައި ޑިޕާއީ ބޮލުން ބޯޅަ ފޮނުވާލުމުންވެސް މަތަކުރީ ޓާނާ.

'67 - އެމެރިކާ އިން ދެ ބަދަލު. ވެއާ އާއި މެކެނީގެ ބަދަލުގައި ކުޅެން ނުކުތީ ބްރެންޑަން އާރޮންސަން އާއި ހާޖީ ރައިޓް.

'61 - ނެދަލެންޑްސްގެ ނުރައްކަލެއް. ގަކްޕޯ ދިން ބޯޅައަކުން ޕެނަލްޓީ އޭރިއާ ބޭރުން ޑިޕާއީ ފޮނުވާލި ހަމަލާ، އެމެރިކާ ކީޕަރު މެޓް ޓާނާ ވަނީ މަތަކޮށްފައި.

'60 - ޕުލިސިޗްއަށް ކުރި ފައުލަކާ ގުޅިގެން ނެދަލެންޑްސްގެ ކޫޕްމައިނާސްއަށް ރީނދޫ ކާޑެއް.

'53 - އެމެރިކާގެ އިތުރު ހަމަލާއެއް. ޕެނަލްޓީ އޭރިއާ ބޭރުން މެކެނީ ފޮނުވާލި ހަމަލާ، މިފަހަރު ނެދަލެންޑްސްގެ ގޯލާ އަމާޒުވެފައެއް ނުވޭ.

'52 - އެމެރިކާގެ ހަމަލާއެއް. ޕެނަލްޓީ އޭރިއާ ބޭރުން ޕުލިސިޗް ފޮނުވާލި ހަމަލާ އަމާޒުވީ ނެދަލެންޑްސް ކީޕަރު ނޮޕާޓްއާ ދިމާއަށް.

'51 - ނެދަލެންޑްސްގެ ނުރައްކަލެއް. ޑަމްފްރީސް ނަގައިދިން ބޯޅަ، އެމެރިކާގެ ޖިއޮވާނީ ރޭނާގެ ފައިގައި ޖެހި ބައިކޮޅަށް ވަންނަން ދަނިކޮށް، ކީޕަރު މެޓް ޓާނާ ވަނީ މަތަކޮށްފައި.

'49 - އެމެރިކާގެ ނުރައްކަލެއް. ކޯނަރެއްގެ ތެރެއިން ލިބުނު ބޯޅައަކުން ޕެނަލްޓީ އޭރިއާ ތެރޭ ހުރެ ޓިމް ރީމް ފޮނުވާލި ހަމަލާ، ގޯލަށް ވަންނަން ދަނިކޮށް ގޯލު ލައިން މަތިން، ނެދަލެންޑްސްގެ ކޯޑީ ގަކްޕޯ ވަނީ ދިފާއުކޮށްފައި.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-0 ގެ ނަތީޖާއަކުން ނެދަލެންޑްސް ކުރީގައި އޮވެގެން.

'45+2 - ނެދަލެންޑްސް އިން އިތުރު ގޯލެއް ޖަހައި، ލީޑު ފުޅާކޮށްފި. ޑަމްފްރީސް ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ފޮނުވާލި ހަމަލާއަކުން ނެދަލެންޑްސްއަށް އެ ގޯލު ކާމިޔާބުކޮށްދިނީ ޑެލީ ބްލިންޑް.

'43 - އެމެރިކާގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ޓިމޮތީ ވެއާ ފޮނުވާލި ބާރު ހަމަލާ، ނެދަލެންޑްސްގެ ކީޕަރު ނޮޕާޓް ވަނީ މަތަކޮށްފައި.

'41 - ދެ ޓީމުގެ ފަރާތުން ވެސް މިހާރު ފެންނަނީ ދާދި ހަމަހަމަ ކުޅުމެއް. ދެ ޓީމަށް ވެސް ގޯލު ޖަހާނެ ރަނގަޅު ފުރުސަތެއް ތަނަވަސްކުރުމަށް އުނދަގޫތަކެއް ކުރިމަތިވޭ.

'30 - ޑަމްފްރީސް ދިން ބޯޅަ، ޑެލީ ބްލިންޑަށް ލިބުމުގެ ކުރިން ނެދަލެންޑްސް ޑިފެންޑަރުން ދިފާއުކޮށްފި.

'21 - ނެދަލެންޑްސްގެ ހަމަލާއެއް. ޕެނަލްޓީ އޭރިއާ ތެރެއިން ޑިޕާއީ ފޮނުވާލި ހަމަލާ، އެމެރިކާގެ ގޯލާ އަމާޒުވެފައެއް ނުވޭ.

'10 - ނެދަލެންޑްސް އިން ގޯލެއް ޖަހައި ލީޑު ހޯދައިފި. ޑެންޒެލް ޑަމްފްރީސް ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ނެދަލެންޑްސްއަށް އެ ގޯލު ކާމިޔާބުކޮށްދިނީ ޑިޕާއީ. އޭނާގެ ހަމަލާ އަމާޒުވީ އެމެރިކާ ގޯލުގެ ތިރީ ކަނަކަށް.

'3 - އެމެރިކާއަށް ހުސް ފުރުސަތެއް. ޔޫނުސް މޫސާ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ކްރިސްޓިއަން ޕުލިސިޗް ފޮނުވާލި ހަމަލާ، ނެދަލެންޑްސް ކީޕަރު އަންދްރިއޭސް ނޮޕާޓް ވަނީ މަތަކޮށްފައި.

މެޗުގެ ކުޅުން ފަށައިފި. ކިކްއޯފް ކުރީ ނެދަލެންޑެސް އިން.