ވޯލްޑް ކަޕް: ސާބިއާ 2-3 ސްވިޒަލޭންޑް (ފުލްޓައިމް)

މެޗުގެ އުސްއަލިތައް

މި ނަތީޖާއާއެކު ސާބިއާ ކަޓައި، ސްވިޒަލޭންޑް ވަނީ ގަދަ 16 ޔަގީން ކޮށްފައި.

މެޗުގެ ކުޅުން ނިންމާލައިފި.

'90+10 - ސާބިއާގެ ރަޑޮނިޗް ޖެހި ބޯޅަ ދިޔައީ ބޭރަށް.

އިތުރު ވަގުތުގެ ހަތް މިނެޓް ދައްކައިފި.

89' - ސާބިއާ ގޯލްކީޕަރުގެ ސޭވެއް. ފަސްނަޗްޓް ބޮލުން ފޮނުވާލި ހަމަލާ ހުޝިޔާރުކަމާއެކު ނުކުމެ ޕަންޗުކޮށްލީ މިލިންކޮވިޗް-ސަވިޗް.

'83 - ސްވިޒަލޭންޑަށް ފުރުސަތެއް. ކޯނަރެއްގައި އަކާންޖީ ބޮލުން ޖެހި ބޯޅަ ދިޔައީ އަރިމަތީ ދާގަނޑަށް.

މިވަގުތު ދެޓީމުގެ ފަރާތުންވެސް ފެނިގެން ދަނީ ދާދި ހަމަހަމަ ކުޅުމެއް. މި ނަތީޖާއާއެކު ސްވިޒަލޭންޑަށް އޮތީ ގަދަ 16 އަށް ފަހި ފުރުސަތެއް.

'71 - ސާބިއާގެ ނުރައްކަލެއް. މިޓްރޮވިޗް އަރިމަތިން އޭރިއާ ތެރެއަށް ވަދެ ފޮނުވާލަން މަސައްކަތް ކުރި ބޯޅަ ބޭރަށް ދިޔައީ ބްލޮކް ވެގެން.

'63 - ސްވިޒަލޭންޑްގެ ގޯލްކީޕަރު ކޮބެލްގެ ރަނގަޅު ސޭވެއް. ކޮސްޓިކް ނަގައިދިން ބޯޅައިގައި މިޓްރޮވިޗް ފޮނުވާލި ހަމަލާ ކޮބެލް ވަނީ ހުޝިޔާރުކަމާއެކު މަތަކޮށްފައި.

'61 - ސާބިއާއަށް ފުރުސަތެއް. ޖޮވިޗް ކޮންޓްރޯލް ކޮށްލައި އޭރިއާ ތެރޭގައި ބޯޅަ ހިފަހައްޓާފައި ޓަޑިޗަށް ފަހިކޮށްދިން ފުރުސަތުގައި އޭނާ ފޮނުވާލި ބޯޅަ ދިޔައީ މަތިން ބޭރަށް.

'57 - ސްވިޒަލޭންޑަށް ހުސް ފުރުސަތެއް. ބްރީލް އެމްބޯލޯ ހުސްކޮށް ހުއްޓާ އޭނާއަށް ލިބުނު ބޯޅައިގައި ފޮނުވާލި ހަމަލާ ދިޔައީ ދަނޑިމަތިން ބޭރަށް.

ސްވިޒަލޭންޑްގެ ތިންވަނަ ގޯލަކީ ރީތި ޓީމް ގޯލެއް. އެމްބޯލޯ ބޯޅަ ހިފަހައްޓައި ޝަކީރީއަށް ދިނުމުން އޭނާ ޖައްސާލި ބޯޅައިގައި ވާގާސް ފްލިކް ކޮށްލުމު ގޯލް ޖެހީ ފްރެއުލާ.

'48 - ސްވިޒަލޭންޑުން އަނެއްކާވެސް ލީޑު ނަގައިފި. އެޓީމަށް ތިންވަނަ ގޯލެއް ޖަހައިދިނީ ފްރެއުލާ.

ދެވަނަ ހާފްގެ ކުޅުން ފަށައިފި.

ފުރަތަމަ ހާފްގެ އުސްއަލިތައް

މެޗުގެ ފުރަތަމަ ހާފްގެ ކުޅުން ނިންމާލައިފި.

'44- ހާފް ނިމެން ދަނިކޮށް ސްވިޒަލޭންޑުން ނަތީޖާ ހަމަހަމަ ކޮށްފި. އެ ގޯލް ޖެހީ ކެމަރޫން ކޮޅަށް ފުރަތަމަ މެޗުގައި ގޯލް ޖެހި ބްރީލް އެމްބޯލޯ. އެމްބޯލޯގެ ގޯލަށް ފުރުސަތު ފަހިކޮށްދިނީ ވިޑްމާ.

'38 - ސްވިޒަލޭންޑްގެ ހަމަލާއެއް. ވާގާސް ފޮނުވާލި ބާރު ހަމަލާ ވެއްޓިގެންފައި ދިފާއުކުރީ ސްޓްރަހިންޖާ ޕަވްލޮވިޗް.

'35 - ސާބިއާއިން ފަހަތުން އަރައި ލީޑް ނަގައިފި. ޓަޑިޗް މެދުތެރެއިން ކުރިއަށް ޖެހި ދުއްވާލި ބޯޅައިގައި ސާބިއާއަށް ދެވަނަ ގޯލެއް ޖަހައިދިނީ ޔުވެންޓަސްގެ ފޯވަޑް ޑޫސާން ވްލަހޮވިޗް.

'30 - ޝަކީރީގެ އިތުރު ހަމަލާއެއް. އޭނާ އަރިމަތިން ވަދެ ފޮނުވާލި ހަމަލާ ބޭރަށް ދިޔައީ ގޯލްގެ ކައިރި ދަނޑި ކަރިން.

މިޓްރޮވިޗްގެ ގޯލް އޭނާ ބޮލުން ގޯލަށް ވައްދާލީ ޑޫސަން ޓަޑިޗް ނަގައިދިން ހިތްގައިމު ހުރަހަކުން. ސާބިއާއަށް އެންމެފަހުން ކުޅުނު ހަތް މެޗުގައި މިޓްރޮވިޗް ވަނީ ހަތް ގޯލް ޖަހައިދީފައި.

'27 - ސާބިއާއިން ނަތީޖާ ހަމަހަމަ ކޮށްފި. ސްޓޭޑިއަމް 974 ގައި ކުޅެމުންދާ މެޗުގައި ސާބިއާއަށް ގޯލް ޖަހައިދިނީ މިޓްރޮވިޗް.

ސްވިޒަލޭންޑްގެ ގޯލު ޝަކީރީ ޖަހައިދިނީ ސޯ ޖައްސާލި ޕާހަކުން ގޯލް ތެރެއަށް ބޯޅަ ވައްދާލައިގެން. އެ ބޯޅަ ކީޕަރަށް އުނދަގޫވީ ޑިފެންޑަރު ޕަވްލޮވިޗްގެ ދެފައިދެތެރެއިން ބޯޅަ ދިޔުމުން.

'20 - ސްވިޒަލޭންޑުން ލީޑު ނަގައިފި. ގޯލް ޖަހައިދިނީ ޒެރްދާން ޝަކީރީ.

'15 - ސާބިއާގެ ކޮސްޓިކަށް ކުރި ފައުލަކަށް ސްވިޒަލޭންޑްގެ ވިޑްމާއަށް ރީނދޫ ކާޑު ދައްކައިފި.

'14 - ސްވިޒަލޭންޑްގެ ނުރައްކަލެއް. ވާގާސް އަރިމަތިން އަރައި ނަގައިން ބޯޅައިގައި ކުޅުންތެރިންތަކުގެ ތެރެއިން ސާބިއާގެ ޝަގީރީ ފޮނުވާލި ހަމަލާ ވީ ބްލޮކް.

'11 - ސާބިއާގެ ނުރައްކާތެރި ހަމަލާއެއް. އަރިމަތިން ޕެނަލްޓީ އޭރިއާ ކަނުން ކަހަލަ ގޮތަކަށް ޒިވްކޮވިޗް ފޮނުވާލި ބާރު ހަމަލާ އަމާޒުވީ ގޯލުގެ އަރިމަތީ ދަނޑިއަށް. ރިބައުންސަށް ދެ ކުޅުންތެރިޔަކު މަސައްކަތް ކުރި ނަމަވެސް އެބޯޅައެއް ނުލިބުނު.

'5 - ސާބިއާއަށް ފުރުސަތެއް. ޓަޑިޗްގެ ކޯނަރަކުން މިލިންކޮވިޗް ކުރިއަށް އަރައި ޖެހި ބޯޅަ ގޯލާ އަމާޒުނުވެ ދިޔައީ ކުޑަ ތަންކޮޅެއް ބޭރަށް.

'1 - ސްވިޒަލޭންޑަށް ފުލުފުލުގައި ތިން ފުރުސަތެއް. ގްރަނިޓް ޖަކާ ފޮނުވާލި ހަމަލާ ސާބިއާގެ ޑިފެންޑަރު ބްލޮކް ކުރި އިރު، ބްރީން އެމްބޯލޯއަށް ލިބުނު ފުރުސަތުގައި ފޮނުވާލި ބޯޅަ މަތަކުރީ ސާބިއާ ކީޕަރު މިލިކްކޮވިޗް ސަވިޗް. އަދި ރީބައުންސްގައި ޖަކާ ޖެހި ބޯޅަވެސް ކީޕަރު މަތަކުރި.

މެޗުގެ ކުޅުން ފަށައިފި.