ގަތަރު ވޯލްޑް ކަޕް 2022

ވޯލްޑް ކަޕް: އެކުއެޑޯ 1-2 ސެނެގާލް (ފުލް ޓައިމް)

30 Nov 03:04

މެޗުގެ އުސްއަލިތައް

މެޗުގެ ރަނގަޅަށް ފެށީ ސެނެގާލުން
ކުރީކޮޅުގައި އެޓީމަށް ހުސް ދެ ފުރުސަތެއް ލިބުނު
އިދްރީސީ ގާނާ ގޭއަށް ލިބުނު ފުރުސަތު އޭނާ ނަގާލި އިރު، ބޫލޭ ޑިއާގެ ހަމަލާވެސް ދިޔައީ ބޭރަށް
އެކުއެޑޯގެ ވެލެންސިއާ ޖެހި ބޯޅައެއް ބްލޮކްވި އިރު، އެޓީމަށް އިތުރު ހަމަލާއަކަށް މާ ބޮޑު ފުރުސަތެއް ނުލިބޭ
ސެނެގާލް ފަހުންވެސް ފެނުނީ ނުރައްކާ ކޮށް، ސަބަލީގެ ހަމަލާ އަމާޒުވީ ގޯލްކީޕަރު އަތަށް
ސެނެގާލުން ލީޑު ނެގީ ޕެނަލްޓީއެއްގައި، އެ ޕެނަލްޓީ ކާމިޔާބު ކޮށްދިނީ ސާ
ދެވަނަ ހާފު ފެނުނީ ފޯރިގަދަ ހާފެއްގެ ގޮތުގައި
އެކުއެޑޯން ރަނގަޅަށް ފަށައި ނަތީޖާ ހަމަހަމަކުރި
އެ ގޯލު ޖަހައިދިނީ މޮއިސެސް ކައިސޭޑޯ، އެ ގޯލަށް ދެމިނެޓްވެސް ނުވަނީސް ސެނެގާލް އަލުން ލީޑު ނެގި
ސެނެގާލަށް އަލުން ލީޑު ނަގައިދީ ގަދަ 16 ޔަގީން ކޮށްދިނީ ކުލިބާލީ
ފަހު ކޮޅުގައި އެކުއެޑޯ ނުރައްކާކޮށް ފެނުނު ނަމަވެސް ގޯލެއް ނުފެނުނު
މިއީ 2002 ވަނަ އަހަރުގެ ފަހުން ސެނެގާލް ގަދަ 16 އަށް ދިޔަ ފުރަތަމަ ފަހަރު

30 Nov 02:59

މެޗުގެ ކުޅުން ނިންމާލައިފި. ނަތީޖާއާއެކު 2002 ވަނަ އަހަރަށްފަހު ސެނެގާލް ވަނީ ފުރަތަމަ ފަހަރަށް ވޯލްޑް ކަޕްގެ ގަދަ 16 އަށް ދަތުރު ކޮށްފައި.

30 Nov 02:58

'90+5 - ސެނެގާލްގެ ބަދަލެއް. ޑިއާގެ ބަދަލުގައި ކުޅެން ނުކުތީ ސިސޭ.

30 Nov 02:58

'90+4 - އެކުއެޑޯގެ ފުރުސަތެއް. ސާމިއެންޓޯގެ ހުރަސް، ޕޮރޯޒޯ ބޮލުން ޖެހި ނަމަވެސް ދިޔައީ ބޭރަށް. އޭރިއާ ތެރެއިން އެކުއެޑޯގެ ހިންކަޕީއަށް ސެނެގާލުން ފައުލް ކުރި ކަމަށް އޭނާ ވަނީ ޝަކުވާ ކޮށްފައި. އެހެން ނަމަވެސް ރެފްރީ އެކަމަށް ސަމާލުކަމެއް ނުދޭ.

30 Nov 02:56

'90+3 - އެކުއެޑޯގެ ކޯނަރެއް ކީޕަރު މެންޑީ ޕަންޗުކޮށްލައިފި. އެކުއެޑޯން ދަނީ ސެނެގާލްގެ ފަހަތަށް ނުރައްކާ ކުރަމުން.

30 Nov 02:53

'90+1 - މެޗުގެ އިތުރު ވަގުތުގެ ގޮތުގައި ހަ މިނެޓް ދައްކައިފި.

30 Nov 02:52

' 88 - ސެނެގާލްގެ ހަމަލާއެއް. ޕަޕޭ ގޭ ތިރިތިރީން ފޮނުވާލި ހަމަލާ މަތަކޮށް ހިފީ ކީޕަރު ގަލިންޑޭޒް.

30 Nov 02:50

'85 - ސެނެގާލުން އިތުރު ބަދަލެއް. ޕްރެސިއާޑޯ ބަދަލުގައި ކުޅެން ނުކުތީ ޕޮރޯޒޯ.

30 Nov 02:47

'82 - ސެނެގާލަށް ފުރުސަތެއް. ޑިއާ، އެކުއެޑޯ ޑިފެންޑަރު އެސްޓުޕިއަން ކައިރިން ނައްޓާލާފައި ޖެހި ބޯޅަ ދިޔައީ ބޭރަށް.

30 Nov 02:42

30 Nov 02:41

'76 - އެކުއެޑޯއަށް ފުރުސަތެއް. ސަރިމެންޓޯ ނަގައިދިން ހުރަސް، ޕްލާޓާ އޭރިއާ ތެރެއިން ގޯލަށް ފޮނުވާލި ނަމަވެސް އަމާޒުވީ ސެނެގާލް ކީޕަރު މެންޑީ އަތަށް.

30 Nov 02:40

'74 - ސެނެގާލަށް ދެބަދަލެއް. އެންޑިއާއައި ސިސްގެ ބަދަލުގައި ނުކުތީ ޑިއޭންގާއި ނެމްޕްލޭސް މެންޑީ.

30 Nov 02:34

'70 - ސެނެގާލް އަނެއްކާވެސް ލީޑު ނަގައިފި. ސެނެގާލަށް އަލުން ލީޑު ނަގައިދިނީ ކުލިބާލީ. ޑިފެންޑަރު ކުލިބާލީ އެ ގޯލު ޖެހީ އިދްރީސީ ގާނާ ގޭގެ ހިލޭ ޖެހުމަކުން ހުރަސްވެގެން ދިޔަ ބޯޅަ ބޮލުން ގޯލަށް ވައްދާލައިގެން.

30 Nov 02:32

'68 - އެކުއެޑޯން ނަތީޖާ ހަމަހަމަކޮށްފި. ކޯނަރަކުން އެ ގޯލު ޖަހައިދިނީ ކައިސޭޑޯ. އަރިމަތިން އައި ކޯނަރު، ކައިސޭޑޯ ހުސްކޮށް އޮވެ ޖެހީ، ޓޮރެސް ބޮލުގައި ޖެހިފައި އައުމުން.

30 Nov 02:29

''66 - އިދްރީސީ ގާނާ ގޭއަށް ރީނދޫ ކާޑު ދައްކައިފި.

30 Nov 02:28

30 Nov 02:27

'64 - އެކުއެޑޯއަށް ބަދަލެއް. އެސްޓްރާޑާގެ ބަދަލުގައި ކުޅެން ނުކުތީ ޖޯކައެއްފް ރިއަސްކޯ.

30 Nov 02:22

30 Nov 02:21

'58 - އެކުއެޑޯގެ ހަމަލާއެއް. އެސްޓުޕިނަން ނަގައިދިން ހުރަހަށް އަރައި، އެސްޓްރާޑާ ބޮލުން ބޯޅަ ފޮނުވާލި ނަމަވެސް ދިޔައީ އަރިމަތިން ބޭރަށް.

30 Nov 02:16

ފުރަތަމަ ހާފުގެ ފަސްވަރަކަށް މިނެޓްގެ ކުޅުން ނިމުނު އިރު، ހަމަލާއެއް ފެނިފައެއް ނުވޭ. ހާފު ރަނގަޅަށް ފެށީ އެކުއެޑޯން. އެޓީމުން ހާފު ފެށީ އެޓޭކަށް ވިސްނައި، ބޮޑަށް ކުރިއަށް ޖެހިގެން.

30 Nov 02:08

ދެވަނަ ހާފުގެ ކުޅުން ފަށައިފި. ކުޅުން ފެށީ ސެނެގާލުން.

30 Nov 01:58

ފުރަތަމަ ހާފުގެ އުސްއަލިތައް

މެޗުގެ ރަނގަޅަށް ފެށީ ސެނެގާލުން
ކުރީކޮޅުގައި އެޓީމަށް ހުސް ދެ ފުރުސަތެއް ލިބުނު
އިދްރީސީ ގާނާ ގޭއަށް ލިބުނު ފުރުސަތު އޭނާ ނަގާލި އިރު، ބޫލޭ ޑިއާގެ ހަމަލާވެސް ދިޔައީ ބޭރަށް
އެކުއެޑޯގެ ވެލެންސިއާ ޖެހި ބޯޅައެއް ބްލޮކްވި އިރު، އެޓީމަށް އިތުރު ހަމަލާއަކަށް މާ ބޮޑު ފުރުސަތެއް ނުލިބޭ
ސެނެގާލް ފަހުންވެސް ފެނުނީ ނުރައްކާ ކޮށް، ސަބަލީގެ ހަމަލާ އަމާޒުވީ ގޯލްކީޕަރު އަތަށް
ސެނެގާލުން ލީޑު ނެގީ ޕެނަލްޓީއެއްގައި، އެ ޕެނަލްޓީ ކާމިޔާބު ކޮށްދިނީ ސާ

30 Nov 01:53

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެން ދިޔައީ 1-0 ގެ ނަތީޖާއަކުން ސެނެގާލް ކުރީގައި އޮވެގެން.

30 Nov 01:51

'45+2 - ސެނެގާލަށް ފުރުސަތެއް. ހާފުގައި އެންމެ ރަނގަޅަށް ކުޅެމުންދާ އެންޑިއޭގެ ހަމަލާ މިފަހަރުވެސް ވީ ބްލޮކް.

30 Nov 01:45

44' - ޕެނަލްޓީގައި ސެނެގާލުން ލީޑު ނަގައިފި. ގޯލު ޖަހައިދިނީ އިސްމައިލާ ސާ.

30 Nov 01:44

'42- ސެނެގާލަށް ޕެނަލްޓީއެއް. ރެފްރީ ޕެނަލްޓީ ދިނީ އެކުއެޑޯ އޭރިއާ ތެރެއިން ސާއަށް އެކުއެޑޯގެ ހިންކާޕީ ކުރި ފައުލަކަށް.

30 Nov 01:39

'37 - ސެނެގާލަށް ފުރުސަތެއް. މެދުތެރެއިން ލިބުނު ހިލޭ ޖެހުމަކުން ޖެކޮބްސް ހުރަސް ކޮށްލި ބޯޅައަށް އަރައި ޕަތޭ ސިސް ބޮލުން ޖެހި ނަމަވެސް ދިޔައީ މާ މަތިން ބޭރަށް.

30 Nov 01:36

30 Nov 01:35

'33 - ސެނެގާލްގެ ރަނގަޅު ޑިފެންސެއް. އެކުއެޑޯގެ ފޯވަޑް ވެލެންސިއާ ވާތްފަޅިން އޭރިއާ ތެރެއަށް ވަންނަން މަސައްކަތް ކުރުމުން، ކުލިބާލީ ވަނީ ރަނގަޅު ޓެކުލެއްކޮށް ބޯޅަ ބޭރުކޮށްލައިފައި.

30 Nov 01:29

24' - ސެނެގާލަށް އިތުރު ފުރުސަތެއް. ސަބަލީ މެދުތެރެއިން ހޯދި ބޯޅައެއްގައި ޑިފެންޑަރު ކައިރިން ނައްޓާލުމަށްފަހު ޖެހި ބޯޅަ އަމާޒުވީ ގޯލްކީޕަރު އަތަށް. އެ ބޯޅަ ދިޔައީ އެކުއެޑޯ ޑިފެންޑަރަކު ގައިގައި ކުޑަކުޑަކޮށް ޖެހި މިސްރާބު ބަދަލުވެގެން.

30 Nov 01:23

'20 - އެކުއެޑޯގެ ޕްރެސިއާޑޯއަށް ސެނެގާލްގެ ސާ ކުރި ޓެކުލަކުން އޭނާއަށް ކޮންމެވެސް ވަރެއްގެ އަނިޔާއެއްވެ ފަރުވާ ދޭން ޖެހިފައިވޭ. ފަރުވާއަށް ފަހު އަލުން އޭނާ ވަނީ ކުޅެން ނުކުމެފައި.

30 Nov 01:17

30 Nov 01:16

12' - އަނެއްކާވެސް ސެނެގާލްގެ ހަމަލާއެއް. ޕެނަލްޓީ އޭރިއާ ރޮނގު ކައިރިން ކަހަލަ ގޮތަކަށް އެންޑިއާ ފޮނުވާލި ހަމަލާ ބޭރަށް ދިޔައީ އަރިމަތީ ދަނޑި ކައިރިން.

30 Nov 01:13

'10 - އެކުއެޑޯގެ ހަމަލާއެއް. މިދިޔަ ދެމެޗުގައިވެސް ގޯލު ޖެހި އެނާ ވެލެންސިއާ ދުރުން ފޮނުވާލި ބާރު ހަމަލާ ސެނެގާލްގެ ޑިފެންޑަރު ވަނީ ބްލޮކް ކޮށްފައި.

30 Nov 01:10

'8 - ސެނެގާލަށް ހުސް ފުރުސަތެއް. މެދުތެރެއިން ސަބަލީ ދުއްވާލި ބޯޅައިގައި ޑިއާއަށް އޭރިއާ ތެރެއިން ހުސްކޮށް ލިބުނު ބޯޅަ، އޭނާ ފޮނުވާލީ ގޯލުގެ އަރިމަތިން ބޭރަށް.

30 Nov 01:09

'4 - އަނެއްކާވެސް ސެނެގާލްގެ ނުރައްކަލެއް. ކުރިއަށް ދުއްވާލި ބޯޅައަށް ސެނެގާލްގެ ފޯވަޑް މަސައްކަތް ކުރި ނަމަވެސް، އެކުއެޑޯގެ ގޯލްކީޕަރު ގަލިންޑޭޒް ވަނީ އޭރިއާ ބޭރަށް ނުކުމެ އެ ބޯޅަ ފައިން ސާފުކޮށް ބޭރުކޮށްލައިފަ.

30 Nov 01:06

'3 - ސެނެގާލަށް ހުސް ފުރުސަތެއް. އަރިމަތިން ހުރަސް ވެގެން އައި ބޯޅަ، އޭރިއާ ރޮނގުމަތީގައި ކަހަލަ ގޮތަކަށް ހުސްކޮށް ހުރި އިދްރީސީ ގާނާ ގޭއަށް ލިބުނު ނަމަވެސް، އޭނާ ފޮނުވާލި ބޯޅަ ދިޔައީ އަރިމަތިން ބޭރަށް.

30 Nov 01:01

މެޗުގެ ކުޅުން ފަށައިފި. ކުޅުން ފެށީ އެކުއެޑޯއިން.

ގަތަރު ވޯލްޑް ކަޕް 2022 ގެ ގްރޫޕް އޭގެ ހަވަނަ މެޗުގައި އެކުއެޑޯއާއި ސެނެގާލް ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

ސެނެގާލުން ކުޅުނު ފުރަތަމަ މެޗުގައި ނެދަލޭންޑްސް ކައިރިން ބަލިވީ 2-0 ގެ ނަތީޖާއަކުން. އެ ބަލިން އަރައިގަނެ، ސެނެގާލުން ގަދަ 16 އަށް އުންމީދު އާކުރީ 3-1 ގެ ނަތީޖާއަކުން ގަތަރު ބަލިކޮށްގެން. އެކުއެޑޯން ފުރަތަމަ ކުޅުނު މެޗުގައި ގަތަރު ބަލިކޮށްފައިވަނީ 2-0 ގެ ނަތީޖާއަކުން. ދެވަނަ މެޗުގައި ނެދަލޭންޑްސްއާ އެއްވަރުކުރީ 1-1 ގެ ނަތީޖާއަކުން.

ގަދަ 16 ޔަގީންކުރަން ސެނެގާލަށް އޮތް މަގަކީ އެކުއެޑޯ ބަލިކުރުން. މެޗުން ޕޮއިންޓެއް ހޯދައިގެންވެސް އެކުއެޑޯއަށް ގަދަ 16 ޔަގީން ކުރެވޭނެ.

ސެނެގާލުން 2002 ގެ ކާމިޔާބު ތަކުރާރުކުރަން، އެކުއެޑޯ އިން އެންމެފަހުން ގަދަ 16 ހޯދީ 2006 ވަނަ އަހަރު

މިއީ ވޯލްޑް ކަޕްގައި އެކުއެޑޯން އެފްރިކާ ޓީމަކާ ދެކޮޅަށް ކުޅޭ ފުރަތަމަ މެޗު
މީގެ ކުރިން އެކުވެރިކަމުގެ ދެ މެޗެއްގައި ސެނެގާލާއި އެކުއެޑޯ ކުޅުނު
އެއީ 2002 ވަނަ އަހަރު ކުޅުނު މެޗެއްގެ އިތުރުން 2005 ވަނަ އަހަރު ކުޅުނު މެޗެއް
އެ ދެ މެޗުވެސް ކާމިޔާބުކުރީ ސެނެގާލުން، ފުރަތަމަ މެޗު 1-0 އިން އަދި ދެވަނަ މެޗު 2-1 އިން
މީގެ ކުރިން ސެނެގާލުން ދެކުނު އެމެރިކާގެ ޓީމުތަކާ ދެކޮޅަށް ވޯލްޑް ކަޕްގައި ކުޅުނު މެޗަކުން މޮޅުވެފައެއް ނުވޭ
ސެނެގާލުން އެންމެފަހުން ގްރޫޕް ސްޓޭޖު ފަހަނައަޅާ ދިޔައީ 2002 ވަނަ އަހަރު، އެފަހަރު ވޯލްޑް ކަޕްގައި ކުޅުނު ފަސް މެޗުގެ ތެރެއިން ހަތަރު މެޗުގައި މިހާރުގެ ކޯޗު ސީސޭ ކުޅުނު
އެކުއެޑޯ އެންމެފަހުން ގަދަ 16 އަށް ދިޔައީ 2006 ގެ ވޯލްޑް ކަޕްގައި