ވޯލްޑް ކަޕް: ބްރެޒިލް 1-0 ސްވިޒަލޭންޑް (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-0 ގެ ނަތީޖާއަކުން ބްރެޒިލް ކުރީގައި އޮވެގެން. އެ ނަތީޖާއާއެކު ބާކީ އެއް މެޗު އޮއްވައި، ބްރެޒިލަށް ވަނީ ގަދަ 16 ގެ ޖާގައެއް ކަށަވަރުވެފައި.

'90+4 - ބްރެޒިލަށް ރަނގަޅު ފުރުސަތެއް. ވިނީޝިއަސް ދިން ބޯޅައަކުން ޕެނަލްޓީ އޭރިއާ ތެރެއިން ރޮޑްރީގޯ ފޮނުވާލި ބާރު ހަމަލާ، ސްވިޒަލެންޑްގެ ޑިފެންޑަރު އަކާންޖީ ވަނީ ބްލޮކްކޮށްފައި.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'87 - ބްރެޒިލުގެ ނުރައްކަލެއް. ޕެނަލްޓީ އޭރިއާ ތެރެއިން ރޮޑްރީގޯ ފޮނުވާލި ބާރު ހަމަލާ، ސްވިޒަލެންޑްގެ ކީޕަރު ސޮމާ ވަނީ މަތަކޮށްފައި.

'86 - ބްރެޒިލުން ވެސް ބަދަލެއް. އެލްކްސް ސެންޑްރޯގެ ބަދަލުގައި ކުޅެން ނުކުތީ އެލެކްސް ޓެލޭސް.

'86 - ސްވިޒަލެންޑުން ބަދަލެއް. ވިޑްމާގެ ބަދަލުގައި ކުޅެން ނުކުތީ ފަބިއަން ފްރައި.

'83 - ބްރެޒިލުން ގޯލެއް ޖަހައި ލީޑު ހޯދައިފި. ރޮޑްރީގޯ ދިން ބޯޅައަކުން ބްރެޒިލަށް އެ ގޯލު ކާމިޔާބުކޮށްދިނީ ކަސެމީރޯ. ޕެނަލްޓީ އޭރިއާ ތެރެއިން އޭނާ ފޮނުވާލި ހަމަލާ ގޯލުގެ ތެރެއަށް ވަދެފައިވަނީ ސްވިޒަލެންޑް ޑިފެންޑަރު އަކާންޖީގެ ގައިގައި ޖެހި، ކޮންމެވެސް ވަރަކަށް މިސްރާބު ބަދަލުވެގެން.

'82 - ބްރެޒިލްގެ ހަމަލާއެއް. ގުމޭރޭސް ދުރުން ފޮނުވާލި ހަމަލާ އަމާޒުވީ ސްވިޒަލެންޑް ކީޕަރު ސޮމާއާ ދިމާއަށް.

'75 - ސްވިޒަލެންޑުން ވެސް ދެ ބަދަލެއް. ސޯ އާއި އެމްބޯލޯގެ ބަދަލުގައި ކުޅެން ނުކުތީ އޭބިޝާ އަދި ސެފެރޮވިޗް.

'74 - ބްރެޒިލުން ދެ ބަދަލު. ރަފީނާ އަދި ރިޗާލިސަންގެ ބަދަލުގައި އޮންޓޮނީ އާއި ޖެބްރިއަލް ޖެސޫސް.

'72 - ކަސެމީރޯ ދިން ބޯޅައަކުން ޕެނަލްޓީ އޭރިއާ ތެރެއިން ރިޗާލިސަން ނުރައްކާކުރުމުގެ ކުރިން ސްވިޒަލެންޑް ޑިފެންޑަރު ބޯޅަ ދިފާއުކޮށްފި.

'66 - ވިނީޝިއަސް ގޯލު ޖެހި އިރު، އޭގެ ކުރިން ބްރެޒިލްގެ ކުޅުންތެރިޔަކު އޮފްސައިޑް މަގާމެއްގައި ހުރިތޯ ވީއޭއާރަށް ބެލުމަށްފަހު ރެފްރީ ނިންމީ އޮފްސައިޑް ކަމަށް. އެހެންކަމުން ގޯލު ބަލައިގެންފައެއް ނުވޭ. އޮފްސައިޑް މަގާމަކުން ބޯޅައަށް މަސައްކަތްކުރީ ރިޗާލިސަން.

'64 - ބްރެޒިލުން ގޯލެއް ޖަހައި ލީޑު ހޯދައިފި. ގުމޭރޭސް ދިން ބޯޅަ ހިފައިގެން ޕެނަލްޓީ އޭރިއާ ތެރެއަށް ވަދެ ފޮނުވާލި ހަމަލާއަކުން ބްރެޒިލަށް އެ ގޯލު ކާމިޔާބުކޮށްދިނީ ވިނީޝިއަސް ޖޫނިއާ.

'60 - ސްވިޒަލެންޑުން ނުރައްކަލެއް. ޕެނަލްޓީ އޭރިއާ ބޭރުން އެޑްމިލްސަން ފެނާންޑޭޒް ފޮނުވާލި ހަމަލާ، ބްރެޒިލްގެ ޑިފެންޑަރުން ވަނީ ބްލޮކްކޮށްފައި.

'59 - ސްވިޒަލެންޑުން ދެ ބަދަލެއް.ރީޑާ އާއި ވާގާސްގެ ބަދަލުގައި ކުޅެން ނުކުތީ އެޑްމިލްސަން ފެނާންޑޭޒާއި ރެނާޓޯ ސްޓެފަން.

58 - ބްރެޒިލުން ބަދަލެއް. ފްރެޑްގެ ބަދަލުގައި ބްރޫނޯ ގުމިރޭޝް.

'56 - ބްރެޒިލްގެ ނުރައްކަލެއް. ވިނީޝިއަސް ދިން ރީތި ބޯޅަ، ރިޗާލިސަންގެ ފައިގައި ލައްވާލާ ގޮތެއް ނުވި. ބޯޅަ ގޯލު ކުރިމަތިން ބޭރަށް.

'53 - ސްވިޒަލެންޑްގެ ނުރައްކަލެއް. ވިޑްމާ ދިން ބޯޅަ، ވާގަސްއަށް ލިބުމުގެ ކުރިން ބްރެޒިލް ޑިފެންޑަރުން ވަނީ ދިފާއުކޮށްފައި. ނަމަވެސް އެ ބޯޅަ ރަނގަޅަށް ދިފާއު ނުކުރެވުމުން ބްރެޒިލްގެ ޑިފެންސަށް ޕްރެޝަރެއް ކުރިމަތިވި.

'52 - ސޯއަށް ކުރި ފައުލަކާ ގުޅިގެން ބްރެޒިލްގެ ފްރެޑަށް ރީނދޫ ކާޑެއް.

'50 - ރޮޑްރީގޯއަށް ކުރި ފައުލަކާ ގުޅިގެން ސްވިޒަލެންޑްގެ ރިއެޑާއަށް ރީނދޫ ކާޑެއް.

ދެވަނަ ހާފަށް ބްރެޒިލުން ނުކުތީ ބަދަލަކާއެކު. ލޫކަސް ޕަކެޓާގެ ބަދަލުގައި ކުޅެން ނުކުތީ ރޮޑްރީގޯ.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ބްރެޒިލް އަދި ސްވިޒަލެންޑަށް ގޯލެއް ނުޖެހި އެއްވަރުވެގެން.

ފުރަތަމަ ހާފުގެ އިތުރު ވަގުތުގެ ގޮތުގައި އެއް މިނެޓުގެ ކުޅުން ދައްކައިފި.

'39 - ރޮޑްރިގޭޒް ދިން ބޯޅައިން ބްރެޒިލްގެ ޕެނަލްޓީ އޭރިއާ ތެރެއިން ސްވިޒަލެންޑްގެ ވާގަސްއަށް ނުރައްކާކުރެވޭ ގޮތެއް ނުވި.

'37 - ގިނަ ވަގުތު ބޯޅަ ހިފަހައްޓައިގެން ނުރައްކާކޮށް ފެންނަނީ ބްރެޒިލް. ސްވިޒަލެންޑުން ކުޅެނީ ވަރަށް ބޮޑަށް ޑިފެންސަށް ވިސްނައިގެން. އެޓީމުން ކައުންޓާ އެޓޭކުތަކުގައި ނުރައްކާކުރުމަށް މަސައްކަތްކުރޭ.

'31 - ބްރެޒިލްގެ ހަމަލާއެއް. ޕެނަލްޓީ އޭރިއާ ބޭރުން ރަފީނާ ފޮނުވާލި ހަމަލާ އަމާޒުވީ ސްވިޒަލެންޑް ގޯލްކީޕަރު ސޮމާގެ އަތަށް.

'27 - ބްރެޒިލަށް ހުސް ފުރުސަތެއް. ރަފީނާ ދިން ބޯޅަ ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ވިނީޝިއަސް ފޮނުވާލި ހަމަލާ، ސްވިޒަލެންޑް ކީޕަރު ޔޭން ސޮމާ ވަނީ މަތަކޮށްފައި.

'26 - ޕެނަލްޓީ އޭރިއާ ތެރެއަށް ވަނުމަށްފަހު، ސްވިޒަލެންޑްގެ ފްރޮއިލާ ނުރައްކާކުރުމުގެ ކުރިން ބްރެޒިލް ޑިފެންޑަރު މާކީނިއޯސް އެ ބޯޅަ ހޯދައިފި.

ގަދަ 16 އަށް ދެ ޓީމަށް އޮތް ފުރުސަތު

'19 - ޕަކޭޓާ ދިން ބޯޅަ، ޕެނަލްޓީ އޭރިއާ ތެރެއިން ބްރެޒިލް ފޯވަޑް ރިޗާލިސަންއަށް ލިބުމުގެ ކުރިން ސްވިޒަލެންޑް ޑިފެންޑަރުން ދިފާއުކޮށްފި.

'12 - ބްރެޒިލްގެ ނުރައްކަލެއް. ރިޗާލިސަން ދިން ބޯޅަ، ޕެނަލްޓީ އޭރިއާ ތެރެއިން ވިނީޝިއަސް ޖޫނިއާއަށް ލިބުމުގެ ކުރިން ސްވިޒަލެންޑްގެ ވިޑްމާ ވަނީ ދިފާއުކޮށްފައި.

މެޗުގެ ފުރަތަމަ ދިހަ މިނެޓުގެ ކުޅުން ނިމުނު އިރު، ދެ ޓީމަށް ވެސް ގޯލު ޖަހާނެ ފުރުސަތެއް ތަނަވަސްކުރެވިއެއް ނުވޭ. ބްރެޒިލުގެ ހަލުވި ފޯވަޑުންގެ ނުރައްކާ ވެސް އަދި ފެނިފައެއް ނުވޭ.

'5 - ބްރެޒިލް ކީޕަރު އެލިސަންގެ ގޯހެއް. ނަމަވެސް އެ ބޯޅައިން ސްވިޒަލެންޑަށް ނުރައްކާކުރެވޭ ގޮތެއް ނުވި.

ބްރެޒިލްގެ ފުރަތަމަ މެޗުގައި ނޭމާއަށް ލިބުނު އަނިޔާއާ ގުޅިގެން މި މެޗުގައި އޭނާ ނުފެންނާނެ. އޭގެ އިތުރުން ކެމަރޫނާ ދެކޮޅަށް ކުޅޭ ގްރޫޕުގެ ފަހު މެޗުގައި ވެސް އޭނާ ނުފެންނާނެ.

މެޗުގެ ކުޅުން ފަށައިފި. ކިކްއޯފް ކުރީ ސްވިޒަލެންޑުން.