ވޯލްޑް ކަޕް: ކެމަރޫން 3-3 ސާބިއާ (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. މެޗު ނިމިގެންދިޔައީ 3-3 ގެ ނަތީޖާއަކުން ކެމަރޫން އަދި ސާބިއާ އެއްވަރުވެގެން.

'90+4 - އެންކޫޑޫއަށް ކުރި ފައުލަކާ ގުޅިގެން ސާބިއާގެ މިލެންކޮވިޗްއަށް ރީނދޫ ކާޑެއް.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'89 - ސާބިއާގެ ނުރައްކަލެއް. ޓަޑިޗް ދިން ބޯޅައަކުން ޕެނަލްޓީ އޭރިއާ ތެރެއިން އެލެކްސެންޑާ މިޓްރޮވިޗް ފޮނުވާލި ހަމަލާ، ކެމަރޫންގެ ގޯލާ އަމާޒުވެފައެއް ނުވޭ.

'87 - ކެމަރޫންގެ ހަމަލާއެއް. އަބޫބަކާ ދުރުން ފޮނުވާލި ބާރު ހަމަލާ އަމާޒުވީ ސާބިއާ ކީޕަރު މިލިންކޮވިޗް ސަވިޗްއާ ދިމާއަށް.

'81 - ކެމަރޫނުން އިތުރު ދެ ބަދަލު. ޒަމްބީ އަންގީސާ އާއި އެމްބޫމޯގެ ބަދަލުގައި ކުޅެން ނުކުތީ ސެމުއެލް އޫމް ގޫޓް އަދި ޖޯޖް އެންކޫޑޫ.

'79 - ސާބިއާ އިން ތިން ބަދަލެއް. މިލިންކޮވިޗް ސަވިޗް އާއި ޒިވްކޮވިޗް އަދި ވެޖްކޮވިޗްގެ ބަދަލުގައި ކުޅެން ނުކުތީ ސާޑާން ބަބިޗް އާއި ނަމެންޔާ ރަޑޮނިޗް އަދި މާކޯ ގްރުޖިޗް.

'76 - ސާބިއާއަށް ހުސް ފުރުސަތެއް. ޕެނަލްޓީ އޭރިއާ ތެރެއިން އެލެކްސެންޑާ މިޓްރޮވިޗް ފޮނުވާލި ހަމަލާ، ކެމަރޫންގެ ކީޕަރު ޑެވިސް އެޕަސީ ވަނީ މަތަކޮށްފައި.

'73 - ނަމެންޔާ މަކްސިމޮވިޗަށް ކެމަރޫންގެ އަބޫބަކާއަށް ކުރި ފައުލަކާ ގުޅިގެން ސާބިއާއަށް ހިލޭ ޖެހުމެއް.

'68 - ކެމަރޫނުން ދެ ބަދަލެއް. އެކާމްބީގެ ބަދަލުގައި ބަސޮގޯގް. އަދި ކުންޑޭގެ ބަދަލުގައި ކުޅެން ނުކުތީ ގޭލް އޮންޑޫއާ.

'66 - ކެމަރޫނުން އިތުރު ގޯލެއް ޖަހައި ނަތީޖާ ހަމަހަމަކޮށްފި. ކައުންޓާ އެޓޭކެއްގައި ވިންސެންޓް އަބޫބަކާ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ފޮނުވާލި ހަމަލާއަކުން ކެމަރޫނަށް އެ ގޯލު ކާމިޔާބުކޮށްދިނީ އެޓީމުގެ ކެޕްޓަން އެރިކް ޗޫޕޯ މޯޓިން.

'64 - ކެމަރޫންގެ ރީތި ގޯލެއް. ކަސްޓަލެޓޯ ދިން ބޯޅައަކުން ކެމަރޫނަށް އެ ގޯލު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ދެވަނަ ހާފުގައި ކުޅެން ނުކުތް ވިންސެންޓް އަބޫބަކާ. ޕެނަލްޓީ އޭރިއާ ތެރެއިން އޭނާ، ގޯލުގެ ތެރެއަށް ބޯޅަ ފޮނުވާލީ ސާބިއާގެ ގޯލްކީޕަރު މިލިންކޮވިޗް ސަވިޗްގެ ބޯމަތިން. ރެފްރީ ގޯލެއް ކަމަށް ނިންމީ އަބޫބަކާ އޮފްސައިޑް މަގާމެއްގައި ހުރިތޯ ވީއޭއާރުން ބެލުމަށްފަހު.

'62 - ކެމަރޫންގެ ހަމަލާއެއް. ޗޫޕޯ މޯޓިން ދިން ބޯޅައަކުން ޕެނަލްޓީ އޭރިއާ ތެރެއިން އިކާމްބީ ފޮނުވާލި ހަމަލާ އަމާޒުވީ ސާބިއާގެ ކީޕަރު މިލިންކޮވިޗް ސަވިޗްއާ ދިމާއަށް.

'61 - ކެމަރޫނުގެ ނުރައްކަލެއް. ސާބިއާގެ ދެ ޑިފެންޑަރުން ކައިރިން ނައްޓާލުމަށްފަހު ކެމަރޫންގެ ވިންސެންޓް އަބޫބަކާ ފޮނުވާލި ހަމަލާ، ސާބިއާ ޑިފެންޑަރު މިލޮސް ވެޖްކޮވިޗް ވަނީ ބްލޮކްކޮށްފައި.

'56 - ސާބިއާ އިން ވެސް ބަދަލެއް. ޕަވްލޮވިޗްގެ ބަދަލުގައި ކުޅެން ނުކުތީ ސްޓެފަން މިޓްރޮވިޗް.

'55 - ކެމަރޫނުން ބަދަލެއް. ހޮންގްލާގެ ބަދަލުގައި ކުޅެން ނުކުތީ ވިންސެންޓް އަބޫބަކަރް.

'53 - ސާބިއާ އިން އިތުރު ގޯލެއް ޖަހައި، ލީޑު ފުޅާކޮށްފި. ރީތި ކުޅުމަކާއެކު އަންދްރިޔާ ޒިވްކޮވިޗް ދިން ބޯޅައަކުން ކެމަރޫން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ސާބިއާއަށް އެ ގޯލު ކާމިޔާބުކޮށްދިނީ އެލެކްސެންޑާ މިޓްރޮވިޗް.

ދެވަނަ ހާފުގެ ފުރަތަމަ ފަސް މިނެޓުގެ ތެރޭގައި ވެސް ނުރައްކާކޮށް ފެނިފައިވަނީ ސާބިއާ. އެޓީމުން އަންނަނީ ވަރަށް ބޮޑަށް ކުރިއަށް ޖެހި، ކެމަރޫންގެ ގޯލަށް ނުރައްކާކުރުމަށް މަސައްކަތްކުރަމުން. ހާއްސަކޮށް ކެޕްޓަން ޓަޖިޗް، މިލިންކޮވިޗް ސަވިޗް އަދި މިޓްރޮވިޗްގެ ނުރައްކާ ބޮޑު.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-1 ގެ ނަތީޖާއަކުން ސާބިއާ ކުރީގައި އޮވެގެން. ސާބިއާ އިން ދެ ގޯލު ޖަހާފައިވަނީ ކެމަރޫން ގޯލެއް ޖަހާފައިވަނިކޮށް.

'45+6 - ސާބިއާއަށް އިތުރު ފުރުސަތެއް. ޕެނަލްޓީ އޭރިއާ ބޭރުން މިޓްރޮވިޗް ފޮނުވާލި ހަމަލާ، ކެމަރޫން ޑިފެންޑަރު ނޫހޫ ޓޯލޯ ވަނީ ދިފާއުކޮށްފައި.

'45+4 - ސާބިއާ އިން އިތުރު ގޯލެއް ޖަހައި ލީޑު ހޯދައިފި. ކެމަރޫން ޑިފެންސަށް ހެދުނު ގޯހަކުން، އަންދްރިޔާ ޒިވްކޮވިޗް ދިން ބޯޅައަކުން ޕެނަލްޓީ އޭރިއާ ބޭރުން ފޮނުވާލި ހަމަލާއަކުން ސާބިއާއަށް އެ ގޯލު ކާމިޔާބުކޮށްދިނީ ސާގޭ މިލިންކޮވިޗް ސަވިޗް.

'45+1 - ސާބިއާ އިން ގޯލެއް ޖަހައި ނަތީޖާ ހަމަހަމަކޮށްފި. ކެޕްޓަން ޑުސާން ޓަޖިޗް ނަގައިދިން ހިލޭ ޖެހުމަކުން ކެމަރޫން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ސާބިއާއަށް އެ ގޯލު ކާމިޔާބުކޮށްދިނީ ސްޓްރަހީނިއާ ޕަވްލޮވިޗް.

ފުރަތަމަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'43 - ކެމަރޫނަށް ރަނގަޅު ފުރުސަތެއް. ސާބިއާ ކުޅުންތެރިން އަތުން ގެއްލުނު ބޯޅައެއް ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، ކުންޑޭ ފޮނުވާލި ހަމަލާ، ސާބިއާގެ ކީޕަރު މިލިންކޮވިޗް ސަވިޗް ވަނީ މަތަކޮށްފައި. ރީބައުންސް ބޯޅައިން ކުންޑޭ ފޮނުވާލި ހަމަލާ، ގޯލާ އަމާޒުވެފައެއް ނުވޭ.

'41 - ކްރޮސްޓިޗް ރީތި ބޯޅައެއް ދިން ނަމަވެސް، ކެމަރޫން އޭރިއާ ތެރެއިން ސާބިއާ ފޯވަޑް މިޑްރިވިޗް އެ ބޯޅައަށް މަސައްކަތްކޮށްފައެއް ނުވޭ.

'33 - ބެންޗުގައި އިން ކެމަރޫން ކުޅުންތެރިޔާ ކްރިސްޓިއަން ބަސޮގޯގްއަށް ރީނދޫ ކާޑެއް.

'29 - ކެމަރޫނުން ގޯލެއް ޖަހައި ލީޑު ހޯދައިފި. ޕިއެރޭ ކުންޑޭ ނަގައިދިން ކޯނަރަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ފޮނުވާލި ހަމަލާއަކުން ކެމަރޫނަށް އެ ގޯލު ކާމިޔާބުކޮށްދިނީ ޖީން ޗާލްސް ކަސްޓެލެޓޯ.

'24 - ޒިވްކޮވިޗްއަށް ކުރި ފައުލަކާ ގުޅިގެން ކެމަރޫންގެ އެންކޫލޫއަށް ރީނދޫ ކާޑެއް.

17' ސާބިއާއަށް ހުސް ފުރުސަތެއް. ކެމަރޫނުގެ ފަހަތުން ހެދި ބޮޑު ގޯހަކުން ގޯލު ކުރިމައްޗަށް ވެއްޓުނު ބޯޅަ، ހުސްކޮށް ހުރެ ފޮނުވާލަން ލިބުނީ މިޓްރޮވިޗަށް. އޭނާ ފޮނުވާލި ބާރު ހަމަލާ ދިޔައީ ބޭރަށް.

'11 - ސާބިއާގެ ނުރައްކާތެރި ހަމަލާއެއް. ޕެނަލްޓީ އޭރިއާ ތެރެއިން ނިކޮލަސް އެންކޫލޫ ކައިރިން ނައްޓާލުމަށްފަހު، އަރިމަތިން މިޓްރޮވިޗް ފޮނުވާލި ހަމަލާ އަމާޒުވީ ކެމަރޫން ގޯލުގެ އަރިމަތީ ދަނޑިއަށް.

'6 - ސާބިއާގެ ހަމަލާއެއް. މަކްސިމޮވިޗް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، ސާބިއާ ފޯވަޑް އެލެކްސެންޑާ މިޓްރޮވިޗް ފޮނުވާލި ހަމަލާ ދިޔައީ ކެމަރޫން ގޯލުގެ ހުރަސް ދަނޑިމަތިން ބޭރަށް.

މެޗުގެ ކުޅުން ފަށައިފި.