ވޯލްޑް ކަޕް: ފްރާންސް 2-1 ޑެންމާކް (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. ޑެންމާކުގެ މައްޗަށް ފްރާންސުން ކުރި ހޯދީ 2-1 ގެ ނަތީޖާއަކުން. ގަދަ 16 ގެ ފުރަތަމަ ޖާގަ އެންމެ ފަހުގެ ޗެމްޕިއަން ފްރާންސަށް.

'90+3 - ފްރާންސުން ބަދަލެއް. ގްރީޒްމަންގެ ބަދަލުގައި ޔޫސުފް ފޮފާނާ.

'90+2 - ޑެންމާކުން ބަދަލެއް. ރަސްމުސް ކްރިސްޓެންސެންގެ ބަދަލުގައި ކުޅެން ނުކުތީ ބާ.

ފުރަތަމަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'86 - ފްރާންސުން ގޯލެއް ޖަހައި، އަލުން ލީޑު ހޯދައިފި. ފްރާންސް އެ ގޯލު ކާމިޔާބުކޮށްދިނީ އެޓީމުގެ ފުރަތަމަ ގޯލު ވެސް ކާމިޔާބުކޮށްދިން ކިލިއާން އެމްބާޕޭ. އޭނާ އެ ގޯލު ކާމިޔާބުކުރީ އެންޓޮއިން ގްރީޒްމަން ނަގައިދިން ހުރަހަކުން ޑެންމާކުގެ ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން.

'85 - ޑެންމާކުން ބަދަލެއް. ލިންޑްސްޓްރޯމްގެ ބަދަލުގައި ކުޅެން ނުކުތީ ކްރިސްޓިއަން ނޯގާޑް.

'81 - ޑެންމާކުގެ ނުރައްކާތެރި ހަމަލާއެއް. ޑޮލްބާގް ދިން ބޯޅައަކުން ޕެނަލްޓީ އޭރިއާ ތެރެއިން ބްރެތުވެއިޓް ފޮނުވާލި ހަމަލާ ދިޔައީ ފްރާންސް ގޯލުގެ އަރިމަތީ ދަނޑި ކައިރިން ބޭރަށް.

'80 - ފްރާންސްގެ އިތުރު ނުރައްކަލެއް. ތިއޯ ހެނާންޑޭޒް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، ރާބިއޯ ފޮނުވާލި އޯވަހެޑް، ޑެންމާކްގެ ގޯލާ އަމާޒުވެފައެއް ނުވޭ.

'78 - ފްރާންސްގެ ނުރައްކާތެރި ހަމަލާއެއް. ގްރީޒްމަން ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ، ޗުއަމެނީ ބޮލުން ފޮނުވާލި ހަމަލާ، ޑެންމާކްގެ މޭލާގެ ގައިގައި ޖެހި ވަނީ ބްލޮކްވެފައި.

'75 - ފްރާންސުން ދެ ބަދަލެއް. ޑެމްބެލޭގެ ބަދަލުގައި ކުޅެން ނުކުތީ ކިންގްސްލީ ކޮމާން، އަދި ވަރާންގެ ބަދަލުގައި ނުކުތީ އިބްރާހިމާ ކޮނާޓޭ.

'73 - ޑެންމާކުން ބަދަލެއް. ޑެމްސްގާޑްގެ ބަދަލުގައި ކުޅެން ނުކުތީ ޑޮލްބާގް.

'73 - ޑެންމާކަށް ހުސް ފުރުސަތެއް. ޑެމްސްގާޑް ދިން ބޯޅައަކުން ޕެނަލްޓީ އޭރިއާ ތެރެއިން ޖެސްޕާ ލިންޑްސްޓްރޯމް ފޮނުވާލި ހަމަލާ، ފްރާންސްގެ ކީޕަރު ހޫގޯ ލޮރިސް ވަނީ މަތަކޮށްފައި.

'68 - ޑެންމާކުން ގޯލެއް ޖަހައި ނަތީޖާ ހަމަހަމަކޮށްފި. ކޯނަރެއްގެ ތެރެއިން ޔޯކިން އެންޑަސަން ޖައްސާލި ބޯޅައަކުން، ފްރާންސްގެ ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޑެންމާކަށް އެ ގޯލު ކާމިޔާބުކޮށްދިނީ އެޓީމުގެ ޑިފެންޑަރު އަންދްރޭސް ކްރިސްޓެންސެން.

'63 - ފްރާންސުން ބަދަލެއް. ޖިރޫގެ ބަދަލުގައި ކުޅެން ނުކުތީ މާކަސް ތުރާމް.

'61 - ފްރާންސުން ގޯލެއް ޖަހައި ލީޑު ހޯދައިފި. ތިއޯ ހެނާންޑޭޒް ދިން ބޯޅައަކުން ޑެންމާކުގެ ޕެނަލްޓީ އޭރިއާ ތެރޭގައި ހުސްކޮށް ހުރެ ފޮނުވާލި ހަމަލާއަކުން ފްރާންސަށް އެ ގޯލު ކާމިޔާބުކޮށްދިނީ ކިލިއާން އެމްބާޕޭ. މިއީ މިފަހަރުގެ މުބާރާތުގައި އެމްބާޕޭ ކާމިޔާބުކުރި ދެވަނަ ގޯލު.

'56 - ފްރާންސްގެ ނުރައްކަލެއް. މެދު ރޮނގުން ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، އެމްބާޕޭ ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

'50 - ޑެމްބެލޭ ދިން ބޯޅަ، ޕެނަލްޓީ އޭރިއާ ތެރެއިން ޑެމްބެލޭއަށް ލިބުމުގެ ކުރިން ޑެންމާކުގެ ކީޕަރު ޝްމައިކަލް، އެ ބޯޅަ ހޯދައިފި.

ޑެންމާކުން ދެވަނަ ހާފަށް ނުކުތީ ބަދަލަކާއެކު. ކޮނޭލިއަސްގެ ބަދަލުގައި ކުޅެން ނުކުތީ މާޓިން ބްރެތުވެއިޓް.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ފްރާންސް އަދި ޑެންމާކަށް ވެސް ގޯލެއް ނުޖެހި އެއްވަރުވެގެން.

މެޗުގެ ފުރަތަަމަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި.

'43 - ވިކްޓާ ނެލަސަންއަށް ކުރި ފައުލަކާ ގުޅިގެން ފްރާންސް ޑިފެންޑަރު ޖޫލްސް ކޫންޑޭއަށް ރީނދޫ ކާޑެއް.

'40 - ފްރާންސަށް ހުސް ފުރުސަތެއް. ޑެމްބެލޭ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރި އެމްބާޕޭ ފޮނުވާލި ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.

'38 - ޑެންމާކުގެ ނުރައްކާތެރި ހުރަހެއް. ރަސްމުސް ކްރިސްޓެންސެން ނަގައިދިން ހުރަސް، ފްރާންސްގެ ޕެނަލްޓީ އޭރިއާ ތެރެއިން ލިބޭ ހިސާބުގައި ޑެންމާކުގެ ކުޅުންތެރިޔަކު ނެތް.

'37 - ފްރާންސްގެ ނުރައްކަލެއް. އެމްބާޕޭ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، ޖިރޫ ބޮލުން ފޮނުވާލި ހަަމަލާ، ޑެންމާކުގެ ގޯލާ އަމާޒުވެފައެއް ނުވޭ.

'36 - ޑެންމާކުގެ ހަމަލާއެއް. ހޮއިބިއާ ދިން ބޯޅައަކުން ޕެނަލްޓީ އޭރިއާ ތެރެއިން ކޮނޭލިއަސް ފޮނުވާލި ހަމަލާ، ފްރާންސްގެ ގޯލާ އަމާޒުވެފައެއް ނުވޭ.

'33 - ފްރާންސަށް އިތުރު ފުުރުސަތެއް. ޖިރޫ ދިން ބޯޅައަކުން ޕެނަލްޓީ އޭރިއާ ތެރެއަށް ވަނުމަށްފަހު، ގްރީޒްމަން ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި. ޕެނަލްޓީ އޭރިއާ ތެރެއިން ޑެމްބެލޭ ފޮނުވާލި ހަމަލާ ވެސް ޑެންމާކުގެ ޑިފެންޑަރުން ވަނީ ބްލޮކްކޮށްފައި.

'30 - ފްރާންސަށް ފުރުސަތެއް. އެމްބާޕޭ ދިން ބޯޅައަކުން ޕެނަލްޓީ އޭރިއާ ތެރެއިން ކޫންޑޭ ފޮނުވާލި ހަމަލާ، ޑެންމާކުގެ ހޮއިބިއާ ވަނީ ދިފާއުކޮށްފައި.

'22 - ޖިރޫއަށް ކުރި ފައުލަކާ ގުޅިގެން ޑެންމާކުގެ އަންދްރޭސް ކޯނެލިއަސްއަށް ރީނދޫ ކާޑެއް.

'21 - ފްރާންސަށް ރަނގަޅު ފުރުސަތެއް. ޑެމްބެލޭ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، ރާބިއޯ ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

'20 - އެމްބާޕޭއަށް ކުރި ފައުލަކާ ގުޅިގެން ޑެންމާކުގެ އަންދްރޭސް ކްރިސްޓެންސަންއަށް ރީނދޫ ކާޑެއް.

'15 - ފްރާންސްގެ އިތުރު ނުރައްކަލެއް. ޑެމްބެލޭ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، ޖިރޫ ބޮލުން ފޮނުވާލި ހަމަލާ ޑެންމާކުގެ ގޯލާ އަމާޒުވެފައެއް ނުވޭ.

'12 - ފްރާންސްގެ ނުރައްކަލެއް. ގްރީޒަމަން ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ، ވަރާން ބޮލުން ފޮނުވާލި ހަމަލާ، ގޯލަށް އަމާޒުވާން ދަނިކޮށް، ޑެންމާކުގެ ޔޯކިމް މޭލާ ވަނީ ދިފާއުކޮށްފައި.

'12 - އެންޓޮއިން ގްރީޒްމަން ނަގައިދިން ހުރަސް، ޕެނަލްޓީ އޭރިއާ ތެރެއިން ނުރައްކާވުމުގެ ކުރިން ޑެންމާކުގެ ކޯނެލިއަސް ދިފާއުކޮށްފި.

މިއަދު ގްރޫޕް ޑީގައި ކުޅޭ މެޗުތަކުން ޓީމުތަކަށް ގަދަ 16 އަށް އޮތް ފުރުސަތު

'10 - ފްރާންސްގެ ނުރައްކަލެއް. ރާބިއޯ ދިން ބޯޅަ، ޑެންމާކްގެ ޕެނަލްޓީ އޭރިއާ ތެރެއިން ޖިރޫގެ ފައިގައި ލައްވާލައިފައެއް ނުވޭ.

'5 - ޕެނަލްޓީ އޭރިއާ ބޭރުން ފްރާންސްގެ ޑެމްބެލޭ ފޮނުވާލި ހަމަލާ، ޑެންމާކުގެ ޑިފެންޑަރުން ބްލޮކްކޮށްފި.

މެޗުގެ ކުޅުން ފަށައިފި. ކިކްއޯފް ކުރީ ޑެންމާކުން.