ވޯލްޑް ކަޕް: އިންގްލެންޑް 0-0 އެމެރިކާ (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. މެޗު ނިމިގެންދިޔައީ އިންގްލެންޑް އަދި އެމެރިކާއަށް ވެސް ގޯލެއް ނުޖެހި އެއްވަރުވެގެން.

'90+3 - އިންގްލެންޑަށް ރަނގަޅު ފުރުސަތެއް. ލޫކް ޝޯ ނަގައިދިން ހިލޭ ޖެހުމަކުން ޕެނަލްޓީ އޭރިއާ ތެރޭ ހުރެ، ހެރީ ކޭން ބޮލުން ފޮނުވާލި ހަމަލަ، އެމެރިކާގެ ގޯލާ އަމާޒުވެފައެއް ނުުވޭ.

ދެވަނަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

'87 - އިންގްލެންޑްގެ ހަމަލާއެއް. ގްރީލިޝް ދިން ބޯޅައަކުން ޕެނަލްޓީ އޭރިއާ ތެރެއިން ރަޝްފާޑް ފޮނުވާލި ހަމަލާގައި ބާރެއް ނެތް، އެމެރިކާގެ ކީޕަރު މެޓް ޓާނާ ވަނީ ފަސޭހަކަމާއެކު އެ ބޯޅަ ހޯދާފައި.

'83 - އެމެރިކާ އިން ދެ ބަދަލެއް. ވެއާ އާއި ރައިޓްގެ ބަދަލުގައި ކުޅެން ނުކުތީ ޖިއޮވާނީ ރޭނާ އާއި ޖޯޝުއާ ސާޖެންޓް.

'78 - އިންގްލެންޑުން ވެސް ބަދަލެއް. ސަކާގެ ބަދަލުގައި ކުޅެން ނުކުތީ މާކަސް ރަޝްފާޑް.

'77 - އެމެރިކާ އިން ދެ ބަދަލެއް. މެކެނީ އާއި ޑެސްޓްގެ ބަދަލުގައި ކުޅެން ނުކުތީ ބްރެންޑެން އާރޮންސަން އާއި ޝެކް މޯ.

'73 - ގްރީލިޝް ދިން ބޯޅައަކުން ޕެނަލްޓީ އޭރިއާ ތެރެއިން ހެރީ ކޭން ނުރައްކާކުރުމުގެ ކުރިން އެމެރިކާގެ ޑިފެންޑަރުން އެ ބޯޅަ ދިފާއުކޮށްފި.

68' އިންގްލެންޑުން ދެ ބަދަލެއް. ރަހީމް ސްޓާލިން އާއި ބެލިންހަމްގެ ބަދަލުގައި ކުޅެން ނުކުތީ ޖޯޑަން ހެންޑަސަން އާއި ޖެކް ގްރީލިޝް.

63' އެމެރިކާގެ ނުރައްކާތެރި ކޯނަރެއް. ޕުލިސިޗްގެ ކޯނަރު ސީދާ ގޯލާ ދިމާލަށް ދިޔަ އިރު، ޕަންޗުކޮށް ބޭރުކޮށްލީ އިންގްލެންޑް ކީޕަރު ޕިކްފޯޑް. އެމެރިކާއަށް ގިނަ ކޯނަރުތަކެއް ލިބި، އިންގްލެންޑްގެ ޑިފެންސް ލައިނަށް ދަނީ ބާރުބޮޑުކޮށް.

'58 - އެމެރިކާގެ ހަމަލާއެއް. ޕެނަލްޓީ އޭރިއާ ބޭރުން ޕުލިސިޗް ފޮނުވާލި ހަމަލާ، އިންގްލެންޑް މިޑްފީލްޑަރު ޑެކްލަން ރައިސް ވަނީ ބްލޮކްކޮށްފައި.

'53 - އެމެރިކާގެ ވެއާއަށް އިންގްލެންޑް ފުލްބެކް ލޫކް ޝޯގެ ނުރައްކާ ފައުލެއް.

'49 - އެމެރިކާގެ ހަމަލާއެއް. ޕެނަލްޓީ އޭރިއާ ބޭރުން ލިބުނު ބޯޅައަކުން މެކެނީ ފޮނުވާލި ހަމަލާ، އިންގްލެންޑުގެ ގޯލާ އަމާޒުވެފައެއް ނުވޭ.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް:

މެެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ އިންގްލެންޑް އަދި އެމެރިކާއަށް ވެސް ގޯލެއް ނުޖެހި އެއްވަރުވެގެން.

'45+1 - އިންގްލެންޑްގެ ނުރައްކާތެރި ހަމަލާއެއް. ސްޓާލިން ދިން ބޯޅައަކުން ޕެނަލްޓީ އޭރިއާ ބޭރުން މޭސަން މައުންޓް ފޮނުވާލި ހަމަލާ، ގޯލުގެ ތިރީ ކަނަކަށް އަމާޒުވާން ދަނިކޮށް، އެމެރިކާގެ ކީޕަރު މެޓް ޓާނާ ވަނީ ހުޝިޔާރުކަމާއެކު މަތަކޮށްފައި.

މެޗުގެ ފުރަތަމަ ހާފުގެ އިތުރު ވަގުތުގެ ގޮތުގައި އެއް މިނެޓުގެ ކުޅުން ދައްކައިފި.

'45 - އިންގްލެންޑަށް ފުރުސަތެއް. ލޫކް ޝޯ ދިން ބޯޅައަކުން ޕެނަލްޓީ އޭރިއާ ތެރެއިން ސްޓާލިން ފޮނުވާލި ހަމަލާ، އެމެރިކާގެ ގޯލާ އަމާޒުވެފައެއް ނުވޭ.

'43 - އެމެރިކާގެ އިތުރު ހަމަލާއެއް. ޑެސްޓް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ، ޕުލިސިޗް ބޮލުން ފޮނުވާލި ހަމަލާ، އިންގްލެންޑްގެ ގޯލާ އަމާޒުވެފައެއް ނުވޭ.

'41 - އެމެރިކާގެ ހަމަލާއެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، އެެމެރިކާގެ ޑެސްޓް ފޮނުވާލި ހަމަލާ، އިންގްލެންޑްގެ ޑިފެންޑަރު ހެރީ މެގުއާ ވަނީ ބްލޮކްކޮށްފައި.

'40 - ވެއާ ނަގައިދިން ހުރަސް، އިންގްލެންޑް ޕެނަލްޓީ އޭރިއާ ތެރެއިން އެމެރިކާގެ ކުޅުންތެރިޔަކަށް ލިބޭ ގޮތެއް ނުވި.

'36 - އިންގްލެންޑްގެ ހަމަލާއެެއް. މައުންޓް ނަގައިދިން ހުރަހަކުން ޕެނަލްޓީ އޭރިއާ ތެރެއިން ޖޫޑް ބެލިންހަމް ފޮނުވާލި ހަމަލާ، އެމެރިކާ ޑިފެންޑަރު ޒިމާމަން ވަނީ ބްލޮކްކޮށްފައި.

'33 - އެމެރިކާގެ ނުރައްކާތެރި ހަމަލާއެއް. ޕެނަލްޓީ އޭރިއާ ތެރެއިން އެމެރިކާ ތަރި ކްރިސްޓިއަން ޕުލިސިޗް ފޮނުވާލި ބާރު ހަމަލާ އަމާޒުވީ އިންގްލެންޑް ގޯލުގެ ހުރަސް ދަނޑިއަށް.

'29 - ޕެނަލްޓީ އޭރިއާ ބޭރުން އެމެރިކާގެ މޫސާ ފޮނުވާލި ހަމަލާ، އިންގްލެންޑް މިޑްފީލްޑަރު ޑެކްލަން ރައިސް ބްލޮކްކޮށްފި.

'26 - އެމެރިކާއަށް ހުސް ފުރުސަތެއް. ޓިމޮތީ ވެއާ ނަގައިދިން ހުރަހަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ، ވެސްޓަން މެކެނީ ފޮނުވާލި ހަމަލާ ދިޔައީ އިންގްލެންޑް ގޯލުގެ ހުރަސް ދަނޑި މަތިން ބޭރަށް.

'20 - ޑެސްޓް ނަގައިދިން ހުރަސް، ޕެނަލްޓީ އޭރިއާ ތެރެއިން ނުރައްކާވުމުގެ ކުރިން އިންގްލެންޑް ކީޕަރު ޕިކްފޯޑް އެ ބޯޅަ ހޯދައިފި.

'17 - އެމެރިކާގެ ހަމަލާއެއް. މެކެނީ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ރައިޓް ބޮލުން ފޮނުވާލި ހަމަލާ އިންގްލެންޑްގެ ގޯލާ އަމާޒުވެފައެއް ނުވޭ.

މެޗުގެ ފުރަތަމަ 15 މިނެޓުގެ ކުޅުން ނިމުނު އިރު، ގިނަ ވަގުތު ބޯޅަ ހިފަހައްޓައިގެން ކުޅެމުންދަނީ އިންގްލެންޑުން. އަދި އެޓޭކުގައި ނުރައްކާކޮށް ފެންނަނީ ވެސް އިންގްލެންޑް. ނަމަވެސް ގޯލު ޖަހާނެ ފުރުސަތަކަށް ލިބިފައިވަނީ ހަމައެކަނި ކޭންއަށް ލިބުނު ފުރުސަތު.

'10 - އިންގްލެންޑަށް ހުސް ފުރުސަތެއް. ސަކާ ދިން ބޯޅައަކުން ޕެނަލްޓީ އޭރިއާ ތެރެއިން އިންގްލެންޑް ކެޕްޓަން ހެރީ ކޭން ފޮނުވާލި ހަމަލާ، އެމެރިކާ ޑިފެންޑަރު ޒިމާމަން ވަނީ ދިފާއުކޮށްފައި.

މެޗުގެ ކުޅުން ފަށައިފި. ކިކްއޯފް ކުރީ އިންގްލެންޑުން.