ވޯލްޑް ކަޕް: ބެލްޖިއަމް 1-0 ކެނެޑާ (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-0 ގެ ނަތީޖާއަކުން ބެލްޖިއަމް ކުރީގައި އޮވެގެން.

'88 - ކެނެޑާއަށް ރަނގަޅު ފުރުސަތެއް. ޕެނަލްޓީ އޭރިއާ ތެރެއިން ލަރިން ނުރައްކާކުރުމުގެ ކުރިން ބެލްޖިއަމް ޑިފެންޑަރު ވާޓޮންގެން ވަނީ ދިފާއުކޮށްފައި.

'83 - ލޮއިސް އޮޕެންޑާއަށް ކުރި ފައުލަކާ ގުޅިގެން ކެނެޑާގެ ޖޯންސްޓަންއަށް ރީނދޫ ކާޑެއް.

'81 - ޓްރޮސާޑަށް ކުރި ފައުލަކާ ގުޅިގެން ކެނެޑާގެ އަލްފޮންސޯ ޑޭވީސްއަށް ރީނދޫ ކާޑެއް.

'81 - ކެނެޑާ އިން ދެ ބަދަލެއް. ޔޫސްޓާކިއޯގެ ބަދަލުގައި ޖޮނަތަން އޮސޯރިއޯ. އަދި ބުކާނަންގެ ބަދަލުގައި ލިއަމް މިލާ.

'80 - ކެނެޑާއަށް ރަނގަޅު ފުރުސަތެއް. ހުރަހަކުން ޕެނަލްޓީ އޭރިއާ ތެރޭ ހުރެ ލަރިން ބޮލުން ފޮނުވާލި ހަމަލާ، ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި.

'78 - ބެލްޖިއަމުން ބަދަލެއް. ބަޓްޝުއާއީގެ ބަދަލުގައި ކުޅެން ނުކުތީ ލޮއިސް އޮޕެންޑާ.

؛76 - ކެނެޑާއަށް ފުރުސަތެއް. ބޫކަނަން ދިން ބޯޅަ، ޕެނަލްޓީ އޭރިއާ ތެރެއިން ލަރިންއަށް ރަނގަޅަށް ކޮންޓްރޯލު ކުރެވިފައެއް ނުވޭ.

'67 - ބެލްޖިއަމަށް ރަނގަޅު ފުރުސަތެއް. ޑި ބްރޭނާ ދިން ބޯޅައަކުން ބަޓްޝުއާއީ ފޮނުވާލި ހަމަލާ، ކެނެޑާގެ ލަރޭޔާ ވަނީ ޓެކަލްކޮށް ބޯޅަ ދިފާއުކޮށްފައި.

'62 - ބެލްޖިއަމުން ބަދަލެއް. ކެޕްޓަން އެޑެން ހަޒާޑްގެ ބަދަލުގައި ކުޅެން ނުކުތީ ލިއާންޑްރޯ ޓްރޮސާޑް.

'58 - ކެނެޑާގެ ދެ ބަދަލެއް. ހޮއިލެޓްގެ ބަދަލުގައި ކުޅެން ނުކުތީ ކައިލް ލަރިން. އަދި ހަޗިންސަންގެ ބަދަލުގައި ކުޅެން ނުކުތީ އިސްމާއިލް ކޯނޭ.

'56 - ޔޫސްޓާކިއޯއަށް ކުރި ފައުލަކާ ގުޅިގެން ބެލްޖިއަމްގެ އޮނާނާއަށް ރީނދޫ ކާޑެއް.

ދެވަނަ ހާފުގައި ވެސް ކެނެޑާގެ އެޓޭކުން ނުރައްކާ ބޮޑު. ބެލްޖިއަމަށް ރަނގަޅު ކުޅުމެއް ނުދެއްކޭ.

'54 - ހޮއިލެޓްއަށް ކުރި ފައުލަކާ ގުޅިގެން ބެލްޖިއަމްގެ މުނިއޭއަށް ރީނދޫ ކާޑެއް.

'50 - ޕެނަލްޓީ އޭރިއާ ބޭރުން ޔޫސްޓާކިއޯ ފޮނުވާލި ހަމަލާ ވެސް ބެލްޖިއަމްގެ ގޯލާ އަމާޒެއް ނުވި.

'48 - ކެނެޑާއަށް ފުރުސަތެއް. ޔޫސްޓާކިއޯ ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރު ޖޮނަތަން ޑޭވިޑް ބޮލުން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

ބެލްޖިއަމުން ދެވަނަ ހާފަށް ނުކުތީ ދެ ބަދަލަކާއެކު. ކަރަސްކޯގެ ބަދަލުގައި ނުކުތީ ތޯމަސް މުނިއޭ އަދި ޓިއެލެމަންސްގެ ބަދަލުގައި ކުޅެން ނުކުތީ އަމަދޫ އޮނާނާ.

މެޗުގެ ދެވަނަ ހާފުގެ ކުޅުން ފަށައިފި. ފެށީ ބެލްޖިއަމުން.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0 ގެ ނަތީޖާއަކުން ކެނެޑާ ކުރީގައި އޮވެގެން.

'45+4 - ކެނެޑާގެ ހަމަލާއެއް. ޕެނަލްޓީ އޭރިއާ ބޭރުން ސްޓެފަން ޔޫޓަގިއޯ ފޮނުވާލި ބާރު ހަމަލާ، ބެލްޖިއަމްގެ ޓިއެލެމަންސް ގައިގައި ޖެހި ވަނީ ބްލޮކްވެފައި.

'45+3 - ކެނެޑާއަށް ރަނގަޅު ފުރުސަތެއް. ރިޗީ ލަރޭޔާ ދިން ބޯޅައަކުން ޕެނަލްޓީ އޭރިއާ ތެރެއިން ބޫކަނަން ފޮނުވާލި ހަމަލާ ދިޔައީ ބެލްޖިއަމް ގޯލުގެ ހުރަސް ދަނޑިމަތިން ބޭރަށް.

ފުރަތަމަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'44 - ބެލްޖިއަމުން ގޯލެއް ޖަހައި، ލީޑު ހޯދައިފި. ޓޮބީ އަލްވަރާލްޑް ދިން ރީތި ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ބެލްޖިއަމަށް އެ ގޯލު ކާމިޔާބުކޮށްދިނީ މިޝީ ބަޓްޝުއާއީ.

'42 - ބެލްޖިއަމަށް އަދިވެސް ރަނގަޅު ކުޅުމެއް ދެއްކޭ ގޮތެއް ނުވޭ. ރަނގަޅު ފުރުސަތުތަކެއް ވެސް ތަނަވަސްކުރެވިފައެއް ނުވޭ. ކެނެޑާ އަދިވެސް ފެންނަނީ ނުރައްކާކޮށް.

'31 - ކެނެޑާއަށް އިތުރު ފުރުސަތެއް. ބޫކަނަން ދިން ބޯޅައަކުން ޕެނަލްޓީ އޭރިއާ ތެރެއިން ޖޮނަތަން ޑޭވިޑް ފޮނުވާލި ހަމަލާ، ބެލްޖިއަމް ޑިފެންޑަރު ޓޮބީ އަލްޑާވެރާލްޑް ވަނީ ބްލޮކްކޮށްފައި.

'30 - ކެނެޑާގެ ނުރައްކާތެރި ހަމަލާއެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން އަލިސްޓާ ޖޯންސްޓަން ފޮނުވާލި ބާރު ހަމަލާ، ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި.

'27 - ކެނެޑާގެ ހަމަލާއެއް. ޑޭވީސް ދިން ބޯޅައަކުން ޕެނަލްޓީ އޭރިއާ ބޭރުން އަޓިބާ ހަޗިންސަން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'23 - ބެލްޖިއަމަށް ރަނގަޅު ފުރުސަތެއް. ޓިއެލެމަންސް ދިން ބޯޅައަކުން ޕެނަލްޓީ އޭރިއާ ތެރެއިން ބެލްޖިއަމްގެ މިޝީ ބަޓްޝުއާއީ ފޮނުވާލި ހަމަލާ، ކެނެޑާގެ ޑިފެންޑަރު ކަމާލް މިލާ ވަނީ ބްލޮކްކޮށްފައި.

މެޗުގެ 20 މިނެޓުގެ ކުޅުން ނިމުނު އިރު، ކެނެޑާގެ ޕެނަލްޓީ އޭރިއާ ތެރެއިން ބެލްޖިއަމްގެ ކުޅުންތެރިއެއްގެ ފައިގައި އަދި ބޯޅަ ޖެހިފައެއް ނުވޭ.

'16 - ކެނެޑާގެ އިތުރު ހަމަލާއެއް. ޕެނަލްޓީ އޭރިއާ ތެރެއިން ޖޫނިއާ ހޮއިލެޓް ފޮނުވާލި ހަމަލާ ދިޔައީ ބެލްޖިއަމް ގޯލުގެ އަރިމަތީ ދަނޑި ކައިރިން ބޭރަށް.

'12 - ކެނެޑާގެ ހަމަލާއެއް. ޕެނަލްޓީ އޭރިއާ ތެރެއިން ކެނެޑާގެ ލަރޭޔާ ފޮނުވާލި ހަމަލާ ދިޔައީ ބެލްޖިއަމް ގޯލުގެ އަރިމަތީ ދަނޑި ކައިރިން ބޭރަށް.

މެޗުގެ ފުރަތަަމަ ދިހަ މިނެޓުގެ ތެރޭގައި ނުރައްކާކޮށް ފެނުނީ ކެނެޑާ އިން. އެޓީމުން އަންނަނީ ކުރިއަށް ޖެހި، ބެލްޖިއަމްގެ ގޯލަށް ނުރައްކާކުރަމުން. ބެލްޖިއަމަށް ގޯލު ޖަހާނެ ރަނގަޅު ފުރުސަތެއް ނުލިބޭ.

'11 - ކެނެޑާގެ ޕެނަލްޓީ ނާކާމިޔާބު. ކެނެޑާގެ ތަރި އަލްފޮންސޯ ޑޭވީސް ފޮނުވާލި ޕެނަލްޓީ، ބެލްޖިއަމްގެ ކީޕަރު ތިބޯ ކޯޓުވާ ވަނީ މަތަކޮށްފައި.

'9 - ވީއޭއާރަށް ބެލުމަށްފަހު ރެފްރީ ނިންމީ ކެނެޑާއަށް ޕެނަލްޓީއެއް ކަމަށް. ބެލްޖިއަމްގެ ކަރެސްކޯއަށް ރީނދޫ ކާޑެއް.

'7 - ކެނެޑާއަށް އިތުރު ފުރުސަތެއް. ކޯނަރެއްގެ ތެރެއިން ލިބުނު ބޯޅައަކުން ޕެނަލްޓީ އޭރިއާ ތެރެއިން ބޫކަނާން ފޮނުވާލި ހަމަލާ، ޔެނިކް ކަރެސްކޯގެ އަތުގައި ވަނީ ޖެހިފައި.

'6 - ކެނެޑާއަށް ފުރުސަތެއް. ބޫކަނާން ނަގައިދިން ހުރަހަކުން ޕެނަލްޓީ އޭރިޔާ ތެރެއިން ޖޮނަތަން ޑޭވިޑް ފޮނުވާލި ހަމަލާ، ބެލްޖިއަމް ޑިފެންޑަރު ޑެންޑޮންކާ ވަނީ ބްލޮކްކޮށްފައި.

'1 - ބެލްޖިއަމްގެ ހަަމަލާއެއް. ޕެނަލްޓީ އޭރިއާ ބޭރުން މިޗީ ބަޓްޝުއާއީ ފޮނުވާލި ހަމަލާ އަމާޒުވީ ކެނެޑާގެ ކީޕަރު ބޯޖާންއާ ދިމާއަށް.

މެޗުގެ ކުޅުން ފަށައިފި. ކިކްއޯފް ކުރީ ކެނެޑާ އިން.