ވޯލްޑް ކަޕް: ޑެންމާކު 0-0 ޓިއުނީޝިއާ (ފުލްޓައިމް)

މެޗުގެ އުސްއަލިތައް:

މެޗުގެ ކުޅުން ނިންމާލައިފި. މެޗު ނިމިގެންދިޔައީ ޑެންމާކާއި ޓިއުނީޝިއާއަށް ގޯލެއް ނުޖެހި އެއްވަރުވެގެން.

'90+5 - ކޯނަރެއްގެ ތެރެއިން ޑެންމާކަށް ޕެނަލްޓީއެއް ދޭން ޖެހޭތޯ ބެލުމަށް ރެފްރީ ވީއޭއާރް ބެލުމަށްފަހު ނިންމީ ޕެނަލްޓީއެއް ނޫން ކަމަށް.

'90+3 - ޑެންމާކުގެ ނުރައްކަލެއް. ޖެސްޕާ ލިންޑްސްޓްރޯމް ދުރުން ފޮނުވާލި ހަމަލާ، ޓިއުނީޝިއާގެ ކީޕަރު ޑަހްމަން ވަނީ މަތަކޮށްފަިއ.

ދެވަނަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'88 - ޓިއުނީޝިއާގެ އިތުރު ދެ ބަދަލެއް. ޑްރޭގާ އާއި ލައިޑޫނީގެ ބަދަލުގައި ކުޅެން ނުކުތީ ވަޖްދީ ކެޗްރީޑާ އާއި ފެރްޖާނީ ސަސީ.

'86 - މެތިއަސް ޔެންސަންއަށް ކުރި ފައުލަކާ ގުޅިގެން ޓިއުނީޝިއާގެ ކެނިސީއަށް ރީނދޫ ކާޑެއް.

'80 - ޓިއުނީޝިއާގެ ދެ ބަދަލެއް. އެމްސަކްނީގެ ބަދަލުގައި ނުކުތީ ޓަހާ ޔަސީން ކެނިސީ. އަދި ޖެބަލީގެ ބަދަލުގައި ކުޅެން ނުކުތީ ހަނިބަލް މެޖްބްރީ.

'78 - ސްލިޓީއަށް ކުރި ފައުލަކާ ގުޅިގެން ޑެންމާކުގެ މެތިއަސް ޔެންސަންއަށް ރީނދޫ ކާޑެއް.

'76 - ޑެންމާކުގެ ހަމަލާއެއް. މޭލާ ދިން ބޯޅައަކުން ޕެނަލްޓީ އޭރިއާ ތެރެއިން މެތިއަސް ޔެންސަން ފޮނުވާލި ހަމަލާ، ޓިއުނީޝިއާގެ ގޯލާ އަމާޒުވެފައެއް ނުވޭ.

ދެވަނަ ހާފުގެ ބޮޑުބައެއްގައި ނުރައްކާކޮށް ފެންނަނީ ޑެންމާކުން. އެޓީމުން އަންނަނީ ކުރިއަށް ޖެހި، ޓިއުނީޝިއާގެ ޕެނަލްޓީ އޭރިއާ ތެރެއިން ނުރައްކާކުރުމަށް ގިނަ މަސައްކަތްތަކެއް ކުރަމުން.

'70 - ޑެންމާކަށް ރަނގަޅު ފުރުސަތެއް. އެރިކްސަން ނަގައިދިން ކޯނަރުގެ ތެރެއިން ލިބުނު ބޯޅައިން ޕެނަލްޓީ އޭރިއާ ތެރޭ ހުރެ އެންޑަސަން ބޮލުން ފޮނުވާލި ހަމަލާ އަމާޒުވީ ޓިއުނީޝިއާ ގޯލުގެ އަރިމަތީ ދަނޑިއަށް.

'68 - ޓިއުނީޝިއާގެ ކީޕަރު ޑަހްމަންގެ މޮޅު ސޭވްއެއް. ޕެނަލްޓީ އޭރިއާ ބޭރުން ޑެންމާކުގެ ތަރި ކްރިސްޓިއަން އެރިކްސަން ފޮނުވާލި ހަމަލާ، ކީޕަރު ޑަހްމަން ވަނީ ހުޝިޔާރުކަމާއެކު މަތަކޮށްފައި.

'67 - ޓިއުނީޝިއާ އިން ބަދަލެއް. ސްލިމާނޭގެ ބަދަލުގައި ކުޅެން ނުކުތީ ސްލިޓީ.

'65 - ޑެންމާކުން ތިން ބަދަލެއް. ކެޕްޓަން ކެޔާ އާއި ސްކޮވް އޮލްސަން އަދި ޑޮލްބާގްގެ ބަދަލުގައި ކުޅެން ނުކުތީ ގްރައޭންޖް ލިންސްޓްރޯމް އާއި މެތިއަސް ޔެންސަން އަދި އަންދްރޭސް ކޯނެލިއަސް. މިހާރު ޑެންމާކުގެ ބޭންޑް އަޅައިގެން ކުޅެނީ އެރިކްސަން.

'61 - ސްކޮވް އޮލްސަން ނަގައިދިން ހުރަސް، ޕެނަލްޓީ އޭރިއާ ތެރެއިން ނުރައްކާވުމުގެ ކުރިން ޓިއުނީޝިއާ ޑިފެންޑަރު މެރިއާ ދިފާއުކޮށްފި.

'56 - ޑެންމާކަށް ފުރުސަތެއް. ޑެމްސްގާޑް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ޑޮލްބާގް ބޮލުން ފޮނުވާލި ހަމަލާގައި ބާރެއް ނެތް. އެ ބޯޅަ، ޓިއުނީޝިއާގެ ކީޕަރު ޑަހްމަން ވަނީ ފަސޭހަކަމާއެކު ހޯދާފައި.

'55 - ޑެންމާކްގެ ޑެމްސްގާޑް ފޮނުވާލި ހަމަލާ، ކީޕަރު ޑަހްމަން ދިފާއުކުރުމާއެކު ލިބުނު ރީބައުންސް ބޯޅަ، ގޯލުގެ ތެރެއަށް އޮލްސަން ފޮނުވާލި ނަމަވެސް، ޑެމްސްގާޑް ހުރީ އޮފްސައިޑް މަގާމެއްގައި.

‘47 - ޓިއުނީޝިއާއަށް ފުރުސަތެއް. ކޯނަރެއްގެ ތެރެއިން ލިބުނު ބޯޅައަކުން އެމްސާކްނީ ބޮލުން ފޮނުވާލި ހަމަލާ ޑެންމާކްގެ ގޯލާ އަމާޒުވެފައެއް ނުވޭ.

މެޗުގެ ދެވަނަ ހާފުގެ ކުޅުން ފަށައިފި. ފެށީ ޓިއުނީޝިއާ އިން.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ގޯލެއް ނުޖެހި އެއްވަރުވެގެން.

'45+3 - ހޮއިބިއާއަށް ޖެބަލީ ކުރި ފައުލަކާ ގުޅިގެން ޑެންމާކަށް ހިލޭ ޖެހުމެއް. ހިލޭ ޖެހުމުން ޕެނަލްޓީ އޭރިއާ ތެރެއަށް އެރިކްސަން ނަގައިދިން ނުރައްކާތެރި ބޯޅަ ދިފާއުކުރީ ޓިއުނީޝިއާ ޑިފެންޑަރު މެރިއާ.

މެޗުގެ ފުރަތަމަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

'45 - ޑެންމާކުން ބަދަލެއް. އަނިޔާއާކާ ގުޅިގެން ތޯމަސް ޑެލޭނީގެ ބަދަލުގައި ކުޅެން ނުކުތީ މިކެލް ޑެމްސްގާޑް.

'42 - ޓިއުނީޝިއާއަށް ރަނގަޅު ފުރުސަތެއް. އެމްސާކްނީ ދިން ރީތި ބޯޅައަކުން ޕެނަލްޓީ އޭރިއާ ތެރެއިން ޖެބާލީ ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ ހުޝިޔާރުކަމާއެކު މަތަކޮށްފައި. ޖެބާލީ މަސައްކަތްކުރީ ޝްމައިކަލްގެ ބޯމަތިން ގޯލުގެ ތެރެއަށް ބޯޅަ ފޮނުވާލަން.

'39 - ޓިއުނީޝިއާއަށް ފުރުސަތެއް. ކޯނަރެއްގެ ތެރެއިން ލިބުނު ފުރުސަތަކުން ޕެނަލްޓީ އޭރިއާ ތެރެއިން ލައިޑޫނީ ފޮނުވާލި ބާރު ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.

މެޗުގެ ކުރީކޮޅުގައި ޑެންމާކަށް ރަނގަޅު ކުޅުމެއް ނުދެއްކުނު ނަމަވެސް، މިހާރު އެޓީމުން އަންނަނީ ކުރިއަށް ޖެހި ޓިއުނީޝިއާގެ ގޯލަށް ނުރައްކާކުރުމަށް މަސައްކަތްކުރަމުން.

'33 - ޑެންމާކްގެ ހަަމަލާއެއް. ޕެނަލްޓީ އޭރިއާ ބޭރުން ޑެންމާކް މިޑްފީލްޑަރު ހޮއިބިއާ ފޮނުވާލި ހަމަލާ، އަމާޒުވީ ޓިއުނީޝިއާގެ ކީޕަރު ޑަހްމެންއާ ދިމާއަށް.

'32 - ޓިއުނީޝިއާއަށް ފުރުސަތެއް. ޕެނަލްޓީ އޭރިއާ ތެރެއިން ޓިއުނީޝިއާގެ ޑްރޭގާ ނުރައްކާކުރުމުގެ ކުރިން ޑެންމާކް މިޑްފީލްޑަރު ހޮއިބިއާ ވަނީ އެ ބޯޅަ ދިފާއުކޮށްފައި.

'31 - ޑެންމާކް ކެޕްޓަން ކެޔާ ރީތި ބޯޅައެއް ދިން ނަމަވެސް، ޕެނަލްޓީ އޭރިއާ ތެރެއިން އޮލްސަން ނުރައްކާ ކުރުމުގެ ކުރިން ޓިއުނީޝިއާގެ ޑިފެންޑަރު އަބްދީ އެ ބޯޅަ ދިފާއުކޮށްފި.

މެޗުގެ ފޯކަސް އަމާޒުވެފައިވާ ކުޅުންތެރިޔަކީ އެރިކްސަން

'24 - ލަޑޫނީއަށް ކުރި ފައުލަކާ ގުޅިގެން ޑެންމާކުގެ ރަސްމުސް ކްރިސްޓެންސެންއަށް ރީނދޫ ކާޑެއް.

'23 - ކައުންޓާ އެޓޭކެއްގެ ތެރެއިން ލިބުނު ބޯޅައެއް ހިފައިގެން ޓިއުނީޝިއާގެ ފޯވަޑް ޖެބާލީ ޕެނަލްޓީ އޭރިއާ ތެރެއަށް ވަދެ، ޑެންމާކުގެ ގޯލުގެ ތެރެއަށް ބޯޅަ ފޮނުވާލި ނަމަވެސް އޭނާ ހުރީ އޮފްސައިޑް މަގާމެއްގައި.

'21 - ޕެނަލްޓީ އޭރިއާ ބޭރުން ޑެންމާކުގެ އެންޑަސަން ފޮނުވާލި ހަމަލާގައި ބާރެއް ނެތް. އެ ބޯޅަ ޓިއުނީޝިއާގެ ކީޕަރު ޑަހްމެން ވަނީ ފަސޭހަކަމާއެކު ހޯދާފައި.

'20 - މޭލާ ނަގައިދިން ހުރަސް، ޕަނަލްޓީ އޭރިއާ ތެރެއިން ނުރައްކާވުމުގެ ކުރިން ޓިއުނީޝިއާ ޑިފެންޑަރު އަބްދީ ދިފާއުކޮށްފި.

މެޗުގައި ޑެންމާކަށް އަދި ރަނގަޅު ކުޅުމެއް ނުދެއްކޭ. ޓިއުނީޝިއާގެ ޑިފެންސް ވެސް ފެންނަނީ ވަރަށް ވަރުގަދަކޮށް.

މެޗުގެ ފުރަތަމަ 15 މިނެޓުގެ ކުޅުން ނިމިގެންދާ އިރު، އެޓޭކުގައި ނުރައްކާކޮށް ފެންނަނީ ޓިއުނީޝިއާ.

'11 - ޓިއުނީޝިއާގެ އިތުރު ހަމަލާއެއް. ޕެނަލްޓީ އޭރިއާ ބޭރުން މުހައްމަދު ޑްރޭގާ ފޮނުވާލި ބާރު ހަމަލާ، މިފަހަރުވެސް ބްލޮކްވެފައިވަނީ ޑެންމާކް ޑިފެންޑަރު އަންދްރޭސް ކްރިސްޓެންސަން ގައިގައި ޖެހި.

'7 - ޓިއުނީޝިއާގެ ހަމަލާއެއް. ޕެނަލްޓީ އޭރިއާ ބޭރުން ކެޕްޓަން އެމްސަކްނީ ފޮނުވާލި ހަމަލާ، ޑެންމާކްގެ ޑިފެންޑަރު އަންދްރޭސް ކްރިސްޓެންސެންގެ ގައިގައި ޖެހި ވަނީ ބްލޮކްވެފައި.

މެޗުގެ ކުޅުން ފަށައިފި. ކިކްއޯފް ކުރީ ޑެންމާކުން.