ނޭޕާލް 1-1 ބަންގުލަދޭޝް

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 1-1 އިން ދެ ޓީމު އެއްވަރުވެގެން. މި ނަތީޖާއާއެކު ނޭޕާލަށް ވަނީ ފައިނަލުގެ ފުރަތަމަ ޖާގަ ކަށަވަރުވެފައި. މިއީ މުބާރާތުގެ ތާރީހުގައި ނޭޕާލު ފައިނަލަށް ދަތުރުކުރި ފުރަތަމަ ފަހަރު.

'90+1 - ނޭޕާލަށް ހުސް ފުރުސަތެއް. ވަރަށް ހުސްކޮށް ޕެނަލްޓީ އޭރިއާ ތެރެއަށް ވަނުމަށްފަހު މަނީޝް ޑަންގީ ފޮނުވާލި ހަމަލާ ދިޔައީ ބަންގުލަދޭޝް ގޯލުގެ އަރިމަތީ ދަނޑި ކައިރިން ބޭރަށް.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

މި ނަތީޖާއާއެކު އެއްވަރުވެގެން މެޗު ނިމިއްޖެ ނަމަ، ފައިނަލުގެ ޖާގަ ލިބޭނީ ނޭޕާލަށް.

'88 - ނޭޕާލުން ނަތީޖާ ހަމަހަމަކޮށްފި. ނޭޕާލަށް ޕެނަލްޓީ ކާމިޔާބުކޮށްދިނީ އަންޖަން ބިސްތާ.

'86 - ބަންގުލަދޭޝްގެ ޕެނަލްޓީ އޭރިއާ ތެރެއިން ނޭޕާލުގެ އަންޖަން ބިސްތާއަށް ސާދު ކުރި ފައުލަކާ ގުޅިގެން ބަންގުލަދޭޝަށް ޕެނަލްޓީއެއް. ނަމަވެސް ރީނދޫ ކާޑު ދެއްކީ ބިޝްވަނާތަށް.

'79 - ބަންގުލަދޭޝުން ފަހަތަށް ޖެއްސި ބޯޅައަކަށް ބަންގުލަދޭޝްގެ ކީޕަރު އަނީސުރް ރަހުމާން ކުރިއަށް އަރައި، އަންޖަން ބިސްތާގެ ހަމަލާއަކަށް ޕެނަލްޓީ އޭރިއާ ބޭރުން ބޯޅައިގައި އަތްލުމުން ކީޕަރު އަނީސުރް ރަހުމާނަށް ރަތް ކާޑެއް ދައްކައިފި.

'72 - ޕެނަލްޓީ އޭރިއާ ބޭރުން ބަންގުލަދޭޝްގެ ސުމަން ރެޒާ ފޮނުވާލި ހަމަލާ، ނޭޕާލު ގޯލުގެ އަރިމަތީ ދަނޑި ކައިރިން ބޭރަށް.

'71 - ނޭޕާލަށް ރަނގަޅު ފުރުސަތެއް. ގޯތަމް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ރޯހިތު ޗާންދު ބޮލުން ފޮނުވާލި ހަމަލާ ދިޔައީ ބަންގުލަދޭޝް ގޯލުގެ އަރިމަތީ ދަނޑި ކައިރިން ބޭރަށް.

'65 - އަނީސުރް ރަހުމާންގެ ސޭވްއެއް. ޕެނަލްޓީ އޭރިއާ ތެރޭ ހުރެ ނަވަޔުގް ޝްރެސްތާ ބޮލުން ފޮނުވާލި ހަމަލާ، ކީޕަރު އަނީސުރް ރަހުމާން ވަނީ ހުޝިޔާރުކަމާއެކު މަތަކޮށްފައި. ނަވަޔުގް ހުރީ ވެސް އޮފްސައިޑް މަގާމެއްގައި.

'64 - ބަންގުލަދޭޝަށް ފުރުސަތެއް. ޕެނަލްޓީ އޭރިއާ ތެރެއިން ސުމަން ފޮނުވާލި ހަމަލާ އަމާޒުވީ ނޭޕާލުގެ ކީޕަރު ކިރަންގެ އަތަށް.

'60 - ނޭޕާލުގެ ހަމަލާއެއް. ޕެނަލްޓީ އޭރިއާ ތެރެއިން އަންޖަން ފޮނުވާލި ހަމަލާ ދިޔައީ ބަންގުލަދޭޝްގެ ގޯލު ހުރަސްކޮށް ބޭރަށް.

ނޭޕާލުން މި ހާފުގައި ވެސް ކުޅެމުންދަނީ އެޓޭކިން ފުޓުބޯޅައެއް. ބަންގުލަދޭޝް އިން މަސައްކަތްކުރަނީ ކައުންޓާގައި ނުރައްކާކުރަން.

'55 - ބަންގުލަދޭޝްގެ ކައުންޓާ އެޓޭކެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ސުމަން ފޮނުވާލި ހަމަލާ، ނޭޕާލުގެ ކީޕަރު ކިރަން ވަނީ މަތަކޮށްފައި.

'53 - ބަންގުލަދޭޝްގެ ކީޕަރު އަނީސުރް ރަހުމާންގެ މޮޅު ސޭވްއެއް. ޕެނަލްޓީ އޭރިއާ ތެރެއިން ޓޮޕޫ ދިން ބޯޅައަކުން އަޔުޝް ފޮނުވާލި ހަމަލާ، ބަންގުލަދޭޝްގެ ކީޕަރު އަނީސުރް ރަހުމާން ވަނީ ހުޝިޔާރުކަމާއެކު މަތަކޮށްފައި.

'50 - އަޔުޝް ނަގައިދިން ހިލޭ ޖެހުން، ޕެނަލްޓީ އޭރިއާ ތެރެއިން ނޭޕާލުގެ ކުޅުންތެރިޔަކަށް ލިބުމުގެ ކުރިން ބަންގުލަދޭޝްގެ ކީޕަރު އަނީސުރް ރަހުމާން ދިފާއުކޮށްފި.

'47 - ރޯހިތަށް ބަންގުލަދޭޝްގެ ސުމަން ކުރި ފައުލަކާ ގުޅިގެން އަމިއްލަ ހާފުގެ ތެރެއިން ނޭޕާލަށް ހިލޭ ޖެހުމެއް.

މެޗުގެ ދެވަނަ ހާފުގެ ކުޅުން ފަށައިފި. ކިކްއޯފް ކުރީ ނޭޕާލުން.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިންމާލީ 1-0ގެ ނަތީޖާއަކުން ބަންގުލަދޭޝް ކުރީގައި އޮވެގެން.

'45+2 - ނޭޕާލަށް ރަނގަޅު ފުރުސަތެއް. ރޯހިތު ޗާންދު ދިން ބޯޅައަކުން ޕެނަލްޓީ އޭރިއާ ތެރެއިން އަޔުޝް ފޮނުވާލި ހަމަލާ، ބަންގުލަދޭޝްގެ ގޯލާ އަމާޒުވެފައެއް ނުވޭ.

ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.

'44 - ނޭޕާލުގެ އަންޖަން ބިސްތާ ބޯޅައިގައި އަތްލުމުން އޭނާއަށް ރީނދޫ ކާޑެއް. ނޭޕާލު ފައިނަލަށް ދަތުރުކޮށްފި ނަމަ، އެ މެޗަށް އޭނާ ހުންނާނީ ސަސްޕެންޝަނުގައި.

'41 - ނަވަޔުގް ޝްރެސްތާ ނަގައިދިން ހުރަސް، ޕެނަލްޓީ އޭރިއާ ތެރޭ ހުސްކޮށް ހުރި ނޭޕާލުގެ އަންޖަން ބިސްތާއަށް ލިބުމުގެ ކުރިން ބަންގުލަދޭޝްގެ ސާދް އުދިން ދިފާއުކޮށްފި.

މި މެޗު ނޭޕާލުން އެއްވަރުކޮށްލައިގެން ނިންމައިލިޔަސް، އެޓީމަށް ފައިނަލުގެ ޖާގައެއް ކަށަވަރުކުރެވޭނެ. ނަމަވެސް މިހާރު ބަންގުލަދޭޝް އިން ލީޑު ހޯދާފައިވުމުން، ނޭޕާލަށް ވަނީ ލަނޑެއް ޖަހައި ނަތީޖާ ހަމަހަމަކުރުމަށް މަސައްކަތްތަކެއް ކުރަން ޖެހިފައި. ބަންގުލަދޭޝް މޮޅުވެއްޖެ ނަމަ، ފައިނަލުގެ ފުރަތަމަ ޖާގަ ކަށަވަރުވާނީ އެޓީމަށް.

'32 - ނޭޕާލަށް ރަނގަޅު ފުރުސަތެއް. އަންޖަން ދިން ބޯޅައަކުން ޕެނަލްޓީ އޭރިއާ ތެރެއިން އަޔުޝްއަށް ރަނގަޅަށް ބޯޅަ ފޮނުވައިލެވިފައެއް ނުވޭ. އޭނާއަށް ބަންގުލަދޭޝްގެ ޑިފެންޑަރު ތާރިގު ވަނީ ހުރަސް އަޅާފައި.

'27 - ކައުންޓާ އެޓޭކެއްގައި ބަންގުލަދޭޝްގެ ސާދް އުދިންއަށް ލިބުނު ބޯޅައަކުން ޕެނަލްޓީ އޭރިއާ ބޭރުން އޭނާ ފޮނުވާލި ހަމަލާ، ނޭޕާލުގެ ގޯލާ އަމާޒެއް ނުވި.

'24 - ނޭޕާލުގެ ނުރައްކަލެއް. އަންޖަން ބިސްތާ ފޮނުވާލި ހިލޭ ޖެހުން ބަންގުލަދޭޝްގެ ކީޕަރު އަނީސުރް ރަހުމާން ވަނީ މަތަކޮށްފައި.

'21 - ބަންގުލަދޭޝަށް ރަނގަޅު ފުރުސަތެއް. ނޭޕާލުގެ ޑިފެންޑަރު ދިނޭޝް އަތުން ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ސުމަން ފޮނުވާލި ހަމަލާ އަމާޒުވީ ނޭޕާލުގެ ކީޕަރު ކިރަންއާ ދިމާއަށް.

'15 - ނޭޕާލަށް ހުސް ފުރުސަތެއް. ޕެނަލްޓީ އޭރިއާ ތެރޭ ހުސްކޮށް ހުރެ ރޯހިތު ޗާންދު ފޮނުވާލި ހަމަލާ ދިޔައީ ގޯލުގެ ހުރަސް ދަނޑިމަތިން ބޭރަށް.

'13 - ޕެނަލްޓީ އޭރިއާ ބޭރުން ބަންގުލަދޭޝްގެ ސާދް އުދިން ފޮނުވާލި ހަމަލާ، ނޭޕާޅުގެ ގޯލާ އަމާޒެއް ނުވި.

ބަންގުލަދޭޝް އިން ލީޑު ހޯދާފައި މިވަނީ ނޭޕާލުން ބޯޅަ ހިފަހައްޓައިގެން ރަނގަޅު ކުޅުމެއް ދައްކަމުން ދަނިކޮށް. ބަންގުލަދޭޝް އިން ގޯލު ކާމިޔާބުކުރީ އެޓީމަށް ލިބުނު ފުރަތަމަ ފުރުސަތުން.

'9 - ބަންގުލަދޭޝް އިިން ލީޑު ހޯދައިފި. ޖަމާލް ނަގައިދިން ހިލޭ ޖެހުމަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ބަންގުލަދޭޝްއަށް އެ ލަނޑު ކާމިޔާބުކޮށްދިނީ އެމްޑީ ސުމަން ރެޒާ.

'8 - ރާކިބްއަށް ނޭޕާލުގެ ގޯތަމް ޝްރެސްތާ ކުރި ފައުލަކާ ގުޅިގެން ބަންގުލަދޭޝްއަށް ހިލޭ ޖެހުމެއް.

ސުޖަލް ޝްރެސްތާ ފޮނުވާލި ހިލޭ ޖެހުން ބަންގުލަދޭޝްގެ ގޯލާ އަމާޒެއް ނުވި.

'2 - އަޔުޝް ދިން ބޯޅައެއް ހިފައިގެން ނަވަޔުގް ޝްރެސްތާ ޕެނަލްޓީ އޭރިއާ ތެރެއަށް ވަންނަން ދަނިކޮށް، އޭނާގެ ގައިގައި ހިފެހެއްޓުމުން ބަންގުލަދޭޝްގެ ޑިފެންޑަރު ޓޮޕޫއަށް ރީނދޫ ކާޑެއް. ނޭޕާލަށް ހިލޭ ޖެހުމެއް.

މެޗުގެ ކުޅުން ފަށައިފި.

މެޗު ކިކްއޯފް ކުރާނީ ބަންގުލަދޭޝް އިން.

މެޗަށް ދެ ޓީމުގެ ކުޅުންތެރިން ވެސް ދަނޑަށް އަރައިފި.