ރައީސް ޔާމީން މައާފުދެއްވި މީހަކު މަސްތުވާތަކެއްޗާއެކު ހައްޔަރުކޮށްފި

2017 ވަނަ އަހަރު ރައީސުލްޖުމްހޫރިއްޔާ އަބްދުﷲ ޔާމީން މައާފުދެއްވި މީހަކު މަސްތުވާތަކެތި ކަމަށް ބެލެވޭ ދެ ރަބަރު ޕެކެޓާއެކު ހައްޔަރުކޮށްފިއެވެ.

ފުލުހުން ބުނީ ށ. މިލަންދޫ ޕޮލިސް ސްޓޭޝަނުން ހިންގި އޮޕަރޭޝަނެއްގައި މިއަދު 7:30އެހާކަށްހާއިރު، މަސްތުވާތަކެތިކަމަށް ބެލެވޭ ދެ ރަބަރު ޕެކެޓާއެކު ފުލުހުންގެ ބެލުމުގެ ދަށަށް މީހަކު ގެންގޮސްފައިވާކަމަށެވެ.

އަދި އެމީހަކީ 2017 ވަނަ އަހަރުގެ ނޮވެންބަރު މަހުގެ ތެރޭގައި ރައީސުލްޖުމްހޫރިއްޔާ މައާފުދެއްވި މީހުންގެ ތެރޭގައި ހިމެނޭ މީހެއްކަމަށް ފުލުހުން ބުނެފައިވެއެވެ.