ޔޫރޯ: އިންގްލެންޑް 2-1 ޑެންމާކު

މެޗުގެ އުސްއަލިތައް

މެޗުގެ ކުޅުން ނިންމާލައިފި. ޔޫރޯގެ ތާރީހުގައި ފުރަތަމަ ފަހަރަށް އިންގްލެންޑް ފައިނަލަށް.

'120 - އިންގްލެންޑަށް ރަނގަޅު ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު ސްޓާލިން ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

'114 - ޑެންމާކަށް ރަނގަޅު ފުރުސަތެއް. ޕެނަލްޓީ އޭރިއާ ބޭރުން ބްރެތުވެއިޓް ފޮނުވާލި ހަމަލާ، އިންގްލެންޑްގެ ކީޕަރު ޝްމައިކަލް ވަނީ މަތަކޮށްފައި.

ޑެންމާކުން ލަނޑެއް ޖަހައި، ނަތީޖާ ހަމަހަމަކުރުމަށް މަސައްކަތްކުރަމުން އަންނަ އިރު، އިންގްލެންޑުން މަސައްކަތްކުރަމުން އަންނަނީ މި ނަތީޖާއާއެކު މެޗު ނިންމައިލުމަށް.

އިތުރު ވަގުތުގެ ދެވަނަ ހާފުގެ ކުޅުން ފަށައިފި.

އިތުރު ވަގުތުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-1ގެ ނަތީޖާއަކުން އިންގްލެންޑް ކުރީގައި އޮވެގެން.

'104 - އިންގްލެންޑުން ލީޑު ހޯދައިފި. ކޭން ފޮނުވާލި ޕެނަލްޓީ ޑެންމާކުގެ ކީޕަރު މަތަކުރި ނަމަވެސް، ރީބައުންސް ބޯޅައިން ކޭން ވަނީ ގޯލު ޖަހާފައި.

'102 - ޕެނަލްޓީ އޭރިއާ ތެރެއިން ސްޓާލިންއަށް ކުރި ފައުލަކާ ގުޅިގެން އިންގްލެންޑަށް ޕެނަލްޓީއެއް.

'98 - އިންގްލެންޑަށް ފުރުސަތެއް. ފޮޑެން ދިން ބޯޅައަކުން ޕެނަލްޓީ އޭރިއާ ބޭރުން ގްރީލިޝް ފޮނުވާލި ބާރު ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

'94 - އިންގްލެންޑަށް ރަނގަޅު ފުރުސަތެއް. ވޯކާ ދިން ބޯޅައަކުން ޕެނަލްޓީ އޭރިއާ ތެރެއިން ކޭން ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

އިތުރު ވަގުތުގެ ފުރަތަމަ ހާފުގެ ކުޅުން ފަށައިފި.

ދެވަނަ ހާފުގެ އުސްއަލިތައް

ދެވަނަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1ގެ ނަތީޖާއަކުން ދެ ޓީމު އެއްވަރުވެގެން. ނަތީޖާ ނެރުމަށް ދެން ކުޅޭނީ 15 މިނެޓުގެ ދެ ހާފު.

'90+5 - އިންގްލެންޑަށް ފުރުސަތެއް. މައުންޓް ނަގައިދިން ހިލޭ ޖެހުމަކުން ޕެނަލްޓީ އޭރިއާ ތެރެއިން މެގުއާ ބޮލުން ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

'90+3 - ޕެނަލްޓީ އޭރިއާ ބޭރުން ފިލިޕްސް ފޮނުވާލި ހަމަލާ، ޑެންމާކުގެ ގޯލާ އަމާޒެއް ނުވި.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'82 - ލޫކް ޝޯ ނަގައިދިން ހިލޭ ޖެހުމަކުން ޕެނަލްޓީ އޭރިއާ ތެރެއިން ސްޓޯންސް ބޮލުން ފޮނުވާލި ހަމަލާ ޑެންމާކުގެ ގޯލާ އަމާޒެއް ނުވި.

'80 - ފިލިޕްސް ދުރުން ފޮނުވާލި ހަމަލާ، ޑެންމާކުގެ ގޯލާ އަމާޒުނުވެ ބޭރަށް.

'74 - އިންގްލެންޑަށް ފުރުސަތެއް. މައުންޓް ދިން ބޯޅައަކުން ޕެނަލްޓީ އޭރިއާ ތެރެއިން ސްޓާލިން ފޮނުވާލި ހަމަލާ، ޑެންމާކުގެ ޑިފެންޑަރެއް ވަނީ ބްލޮކްކޮށްފައި.

'73 - ޕެނަލްޓީ އޭރިއާ ބޭރުން މޭސަން މައުންޓް ފޮނުވާލި ބޯޅަ ގޯލުގެ ތެރެއަށް ވަނުމުގެ ކުރިން ޑެންމާކުގެ ކީޕަރު ޝްމައިކަލް ދިފާއުކޮށްފި.

'64 - ޕެނަލްޓީ އޭރިއާ ތެރެއިން މައުންޓް ފޮނުވާލި ހަމަލާ، ޑެންމާކުގެ ކީޕަރު ޝްމައިކަލްގެ އަތަށް.

'62 - ޕެނަލްޓީ އޭރިއާ ތެރެއިން މޭސަން މައުންޓް ފޮނުވާލި ހަމަލާ، ޑެންމާކުގެ ކެޕްޓަން ކިއާ ބްލޮކްކޮށްފި.

'59 - ޑެންމާކުގެ ހަމަލާއެއް. ޕެނަލްޓީ އޭރިއާ ބޭރުން ޑޮލްބާގް ފޮނުވާލި ހަމަލާ އަމާޒުވީ އިންގްލެންޑް ކީޕަރު ޕިކްފޯޑުގެ އަތަށް.

'58 - ޑެންމާކަށް ފުރުސަތެއް. ޑެމްސްގާޑް ނަގައިދިން ހުރަހަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ބްރެތުވެއިޓް ފޮނުވާލި ހަމަލާ، އިންގްލެންޑްގެ ގޯލާ އަމާޒުވެފައެއް ނުވޭ.

'55 - އިންގްލެންޑަށް ރަނގަޅު ފުރުސަތެއް. މޭސަން މައުންޓް ނަގައިދިން ހިލޭ ޖެހުމަކުން ޕެނަލްޓީ އޭރިއާ ތެރޭ ހުރެ މެގުއާ ބޮލުން ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ ހުޝިޔާރުކަމާއެކު މަތަކޮށްފައި.

'52 - ޑެންމާކަށް ރަނގަޅު ފުރުސަތެއް. މޭލާ ދިން ބޯޅައަކުން ޕެނަލްޓީ އޭރިއާ ބޭރުން ޑޮލްބާގް ފޮނުވާލި ހަމަލާ، އިންގްލެންޑްގެ ކީޕަރު ޕިކްފޯޑް ވަނީ ހުޝިޔާރުކަމާއެކު މަތަކޮށްފައި. ޑޮލްބާގަށް ބޯޅަ ލިބުނު އިރު، އޭނާ ހުރީ އޮފްސައިޑް މަގާމެއްގައި.

'49 - ކިއޭއަށް ކުރި ފައުލަކާ ގުޅިގެން އިންގްލެންޑް ޑިފެންޑަރު ހެރީ މެގުއާއަށް ރީނދޫ ކާޑެއް.

ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1ގެ ނަތީޖާއަކުން ދެ ޓީމު އެއްވަރުވެގެން.

'39 - އިންގްލެންޑުން ނަތީޖާ ހަމަހަމަކޮށްފި. ސަކާ ދިން ބޯޅަ، ޕެނަލްޓީ އޭރިއާ ތެރެއިން ދިފާއުކުރަން އުޅުމުގެ ތެރޭގައި ޑެންމާކުގެ ގޯލުގެ ތެރެއަށް ވަދެފައިވަނީ ކެޕްޓަން ކިއޭ އަތުން ބައިކޮޅަށް.

'38 - ޑެންމާކުގެ ކީޕަރު ޝްމައިކަލްގެ މޮޅު ސޭވްއެއް. ކޭން ދިން ބޯޅައަކުން ޕެނަލްޓީ އޭރިއާ ތެރެއިން ވަރަށް ހުސްކޮށް ހުރެ ސްޓާލިން ފޮނުވާލި ހަމަލާ، ޑެންމާކުގެ ކީޕަރު ޝްމައިލް ވަނީ ހުޝިޔާރުކަމާއެކު މަތަކޮށްފައި.

'36 - ސްޓާލިން ފޮނުވާލި ހިލޭ ޖެހުން ޑެންމާކުގެ ކެޕްޓަން ކިއޭ ވަނީ ބްލޮކްކޮށްފައި.

'35 - ޑެންމާކުގެ ޕެނަލްޓީ އޭރިއާ ބޭރުން ކޭންއަށް ޑެލޭނީ ކުރި ފައުލަކާ ގުޅިގެން ނުރައްކާ ހިސާބަކުން އިންގްލެންޑަށް ހިލޭ ޖެހުމެއް.

މިއީ މި މުބާރާތުގައި އިންގްލެންޑް ކޮޅަށް ވަން ފުރަތަމަ ލަނޑު.

'30 - ޑެންމާކުން ލީޑު ހޯދައިފި. ޑެންމާކަށް ލިބުނު ހިލޭ ޖެހުމަކުން އެޓީމަށް އެ ލަނޑު ކާމިޔާބުކޮށްދިނީ ޑެމްސްގާޑް. އިންގްލެންޑްގެ ގޯލު ކުރިމަތިން ޑެންމާކަށް އެ ހިލޭ ޖެހުން ލިބުނީ ކްރިސްޓެންސެންއަށް ލޫކް ޝޯ ކުރި ފައުލަކާ ގުޅިގެން.

'25 - ޑެންމާކަށް ފުރުސަތެއް. ޕެނަލްޓީ އޭރިއާ ތެރެއިން ޑެމްސްގާޑް ފޮނުވާލި ހަމަލާ، އިންގްލެންޑުގެ ގޯލާ އަމާޒުވެފައެއް ނުވޭ.

'23 - މިހާރު ދެ ޓީމުގެ ފަރާތުން ވެސް ފެނިގެންދަނީ ދާދި ހަމަހަމަ ކުޅުމެއް. ޑެންމާކުން ވެސް އަންނަނީ އެޓޭކުކޮށް، އިންގްލެންޑުގެ ގޯލަށް ނުރައްކާކުރުމަށް މަސައްކަތްކުރަމުން.

'16 - އިންގްލެންޑް ކީޕަރު ޕިކްފޯޑުގެ ގޯހެއް. އޭނާގެ ގޯހެއްގެ ފައިދާ ނަގައި، ޕެނަލްޓީ އޭރިއާ ބޭރުން ބްރެތުވެއިޓް ފޮނުވާލި ހަމަލާ ވަނީ ބްލޮކްވެފައި.

'15 - ޑެންމާކުގެ ހަމަލާއެއް. ޕެނަލްޓީ އޭރިއާ ބޭރުން ހޮއިބިއާ ފޮނުވާލި ހަމަލާ، އިންގްލެންޑްގެ ކީޕަރު ހޮއިބިއާ ވަނީ މަތަކޮށްފައި.

'15 - އިންގްލެންޑުގެ ހަމަލާއެއް. ވޯކާ ދިން ބޯޅައަކުން ޕެނަލްޓީ އޭރިއާ ބޭރުން ކޭން ފޮނުވާލި ބާރު ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.

'13 - އިންގްލެންޑަށް ފުރުސަތެއް. ޕެނަލްޓީ އޭރިއާ ތެރެއިން ސްޓާލިން ފޮނުވާލި ހަމަލާ، ޑެންމާކުގެ ކީޕަރު ޝްމައިކަލް ވަނީ މަތަކޮށްފައި.

'12 - ޕެނަލްޓީ އޭރިއާ ތެރެއަށް ވަނުމަށްފަހު މައުންޓް ހަމަލާއެއް ފޮނުވައިލުމުގެ ކުރިން ޑެންމާކުގެ ޑިފެންޑަރު ވެސްޓަގާޑް ދިފާއުކޮށްފި.

އިންގްލެންޑުގެ އެޓޭކް ފެންނަނީ ވަރުގަދަކޮށް. ނަމަވެސް ލަނޑުޖަހާނެ ރަނގަޅު ފުރުސަތެއް ތަނަވަސްކުރެވޭ ގޮތެއް ނުވޭ.

'6 - ކޭން ނަގައިދިން ހުރަސް، ޑެންމާކުގެ ޕެނަލްޓީ އޭރިއާ ތެރެއިން ސްޓާލިންއަށް ލިބޭ ގޮތެއް ނުވި.

މެޗުގެ ކުރީކޮޅު ދެ ޓީމުގެ ފަރާތުން ވެސް ފެނިގެންދިޔައީ ފައުލްތަކެއް. އިންގެލެންޑުން ދެ ފައުލްކޮށްފައިވާ އިރު، ޑެންމާކުން ވެސް ވަނީ ފައުލެއް ކޮށްފައި.

މެޗުގެ ކުޅުން ފަށައިފި.