މެޗުގެ އުސްއަލިތައް
- މެޗު ފެށިތާ ކުޑައިރުކޮޅެއްގެ ތެރޭގައި ޑެންމާކުން ލީޑު ނެގި
- ލާސަން ނަގައިދިން ކޯނަރަކުން ޑެންމާކަށް އެ ގޯލު ކާމިޔާބުކޮށްދިނީ ޑެލޭނީ
- އެ ގޯލަށްފަހުވެސް ޑެންމާކުން ނުރައްކާކުރި، ޑެމްސްގާޑްގެ ހަމަލާއަކާއި ޑެލޭނީގެ ހަމަލާއެއް ގޯލަށް ނުވަދެ ދިޔައީ ކިރިޔާ
- ޗެކުގެ ޝިކްގެ ނުރައްކާތެރި ހަމަލާ ބްލޮކްވެފައިވާ އިރު، ޑެންމާކު ޝްމައިކަލްއަށް ހެދުނު ގޯހަކުން މަސަޕުސްޓު ޖެހި ބޯޅަ މަތަކުރީ ޝްމައިކަލް
- ޑެންމާކުން ހާފު ނިމެން ދަނިކޮށް ލީޑު ފުޅާކުރި، މައޭލީ ނަގައިދިން ރީތި ހުރަހަކުން ދެވަނަ ގޯލު ޖެހީ ޑޮލްބާގް
- ދެވަނަ ހާފަށް ނުކުމެ ހާފުގެ ކުރީކޮޅުގައި ޗެކުން ނަތީޖާގެ ފަރަގު ކުޑަކުރި
- އެޓީމަށް ގޯލު ޖަހައިދިނީ ޝިކް، އެއީ ޝިކް މުބާރާތުގައި ޖެހި ފަސްވަނަ ގޯލު
- އޭގެފަހުންވެސް ހަމަލާތައް އުފެއްދީ ޑެންމާކު
- ޑެންމާކުގެ ޕައުލްސަން ކުޅެން ނުކުމެ ރަނގަޅު ދެ ހަމަލާއެއް އުފެއްދި، އޭނާގެ ފުރަތަމަ ހަމަލާ ބްލޮކްވިއިރު، ދެވަނަ ހަމަލާ މަތަކުރީ ގޯލްކީޕަރު
- ޗެކުން ނަތީޖާ ހަމަހަމަކުރަން ގިނަ ފުރުސަތުތަކަކަށް މަސައްކަތް ކުރި ނަމަވެސް ގޯލަށް އަމާޒުކޮށް އުފެއްދުނީ މަދު ހަމަލާއެއް
- ޑެންމާކުން ސެމީއަށް ގޮސްފައި މިވަނީ 29 އަހަރަށްފަހު، އޭގެ ކުރިން އެޓީމުން ކުއާޓާއަށް ދިޔައީ 1992 ވަނަ އަހަރު
- އެ އަހަރު ޔޫރޯ ނެގީ ޑެންމާކުން
- ޑެންމާކުން ސެމީގައި ކުޅެން ޖެހޭނީ މިރޭ އިންގްލެންޑާއި ޔޫކްރެއިން ވާދަކުރާ މެޗުން މޮޅުވާ ޓީމަކާ
މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ 2-1ގެ ނަތީޖާއަކުން ޑެންމާކް ކުރީގައި އޮވެގެން. ސެމީ ފައިނަލުގައި ޑެންމާކް ނުކުންނަން ޖެހޭނީ ކުއާޓާގެ ފަހު މެޗުގައި މިރޭ އިންގްލެންޑާއި ޔޫކްރޭން ބައްދަލުކުރާ މެޗުން މޮޅުވާ ޓީމަކާ ދެކޮޅަށް.
ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.
'82 - ޑެންމާކަށް ހުސް ފުރުސަތެއް. ޕުލްސަން ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ މައޭލީ ފޮނުވާލި ހަމަލާ، ޗެކްގެ ކީޕަރު ވަސްލިކް ވަނީ މަތަކޮށްފައި.
'78 - ޑެންމާކަށް ރަނގަޅު ފުރުސަތެއް. ވާސް ދިން ބޯޅައަކުން ޕެނަލްޓީ އޭރިއާ ތެރެއިން ޕުލްސަން ފޮނުވާލި ހަމަލާ، ޗެކްގެ ކީޕަރު ވަސްލިކް ވަނީ މަތަކޮށްފައި.
'74 - ޗެކަށް ފުރުސަތެއް. ބަރަކް ނަގައިދިން ހިލޭ ޖެހުން، ޕެނަލްޓީ އޭރިއާ ތެރެއިން ސޯޗެކަށް ލިބުމުގެ ކުރިން ޑެންމާކްގެ ކީޕަރު ޝްމައިކަލް ވަނީ ދިފާއުކޮށްފައި.
'69 - ޑެންމާކަށް ފުރުސަތެއް. ކައުންޓާ އެޓޭކެއްގައި ކުރިއަށް ޖެހި، ޕެނަލްޓީ އޭރިއާ ބޭރުން ޕުލްސަން ފޮނުވާލި ހަމަލާ، ޗެކްގެ ކީޕަރު ވަސްލިކް ވަނީ މަތަކޮށްފައި.
'62 - ޑެންމާކަށް ރަނގަޅު ފުރުސަތެއް. ޕެނަލްޓީ އޭރިއާ ތެރެއިން ޕުލްސަން ފޮނުވާލި ހަމަލާ، ޗެކްގެ ކެޕްޓަން ސޯޗެކް ވަނީ ޓެކަލްކޮށް ދިފާއުކޮށްފައި.
'49 - ޗެކުން ލަނޑެއް ޖަހައި، ފަރަގު ކުޑަކޮށްފި. ކޫފަލް ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޗެކަށް އެ ލަނޑު ކާމިޔާބުކޮށްދިނީ ޝިކް. މިއީ މުބާރާތުގައި ޝިކް ޖެހި ފަސްވަނަ ލަނޑު. އެ ލަނޑާއެކު މި މުބާރާތުގައި އެންމެ ގިނަ ލަނޑު ޖެހި ކްރިސްޓިއާނޯ ރޮނާލްޑޯ ޖެހި ލަނޑުގެ އަދަދާ ވަނީ އެއްވަރުވެފައި.
'47 - ޗެކަށް ރަނގަޅު ފުރުސަތެއް. ޕެނަލްޓީ އޭރިއާ ބޭރުން ބަރަކް ފޮނުވާލި ހަމަލާ، ޑެންމާކްގެ ކީޕަރު ޝްމައިކަލް ވަނީ ހުޝިޔާރުކަމާއެކު މަތަކޮށްފައި.
'46 - ޗެކްގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ކްރަމެންޗިކް ފޮނުވާލި ބާރު ހަމަލާ، ޑެންމާކްގެ ކީޕަރު ޝްމައިކަލް ވަނީ މަތަކޮށްފައި.
ދެވަނަ ހާފުގެ ކުޅުން ފަށައިފި.
ފުރަތަމަ ހާފުގެ އުސްއަލިތައް
- މެޗު ފެށިތާ ކުޑައިރުކޮޅެއްގެ ތެރޭގައި ޑެންމާކުން ލީޑު ނެގި
- ލާސަން ނަގައިދިން ކޯނަރަކުން ޑެންމާކަށް އެ ގޯލު ކާމިޔާބުކޮށްދިނީ ޑެލޭނީ
- އެ ގޯލަށްފަހުވެސް ޑެންމާކުން ނުރައްކާކުރި، ޑެމްސްގާޑްގެ ހަމަލާއަކާއި ޑެލޭނީގެ ހަމަލާއެއް ގޯލަށް ނުވަދެ ދިޔައީ ކިރިޔާ
- ޗެކުގެ ޝިކްގެ ނުރައްކާތެރި ހަމަލާ ބްލޮކްވެފައިވާ އިރު، ޑެންމާކު ޝްމައިކަލްއަށް ހެދުނު ގޯހަކުން މަސަޕުސްޓު ޖެހި ބޯޅަ މަތަކުރީ ޝްމައިކަލް
- ޑެންމާކުން ހާފު ނިމެން ދަނިކޮށް ލީޑު ފުޅާކުރި، މައޭލީ ނަގައިދިން ރީތި ހުރަހަކުން ދެވަނަ ގޯލު ޖެހީ ޑޮލްބާގް
ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-0ގެ ނަތީޖާއަކުން ޑެންމާކު ކުރީގައި އޮވެގެން.
'42 - ޑެންމާކުން ލީޑު ފުޅާކޮށްފި. މައޭލީ ނަގައިދިން ރީތި ހުރަހަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޑެންމާކަށް އެ ލަނޑު ކާމިޔާބުކޮށްދިނީ ޑޮލްބާގް.
'38 - ޑެންމާކަށް ރަނގަޅު ފުރުސަތެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ޑެމްސްގާޑް ފޮނުވާލި ބާރު ހަަމަލާ، ޗެކްގެ ކީޕަރު ވަސްލިކް ވަނީ މަތަކޮށްފައި.
'35 - ޗެކަށް ރަނގަޅު ފުރުސަތެއް. ޝޯފާލް ނަގައިދިން ހުރަހަކުން ޕެނަލްޓީ އޭރިއާ ތެރޭ ހުސްކޮށް ހުރެ ހޯލްސް ފޮނުވާލި ހަމަލާ އަމާޒުވީ ޑެންމާކުގެ ކީޕަރު ޝްމައިކަލްގެ އަތަށް.
'34 - ޑޮލްބާގް ދިން ބޯޅަ، ޕެނަލްޓީ އޭރިއާ ތެރެއިން ސްޓްރައިގާ ލާސަންއަށް ލިބުމުގެ ކުރިން ޗެކްގެ ކީޕަރު ވަސްލިކް ކުރިއަށް ނުކުމެ ހޯދައިފި.
'27 - ޑެންމާކަށް ފުރުސަތެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، ބްރެތުވެއިޓް ފޮނުވާލި ބާރު ހަމަލާ، ޗެކްގެ ގޯލާ އަމާޒުވެފައެއް ނުވޭ.
'22 - ޗެކަށް ރަނގަޅު ފުރުސަތެއް. ޑެންމާކުގެ ކީޕަރު ޝްމައިކަލްއަށް ހެދުނު ގޯހަކުން މަސަޕުސްޓަށް ލިބުނު ބޯޅަ، އޭނާ ޖައްސާލުމުން ޕެނަލްޓީ އޭރިއާ ތެރެއިން ހޯލްސް ފޮނުވާލި ހަމަލާ، ކީޕަރު ޝްމައިކަލް ވަނީ މަތަކޮށްފައި.
'17 - ޑެންމާކަށް ހުސް ފުރުސަތެއް. ސްޓްރައިގާ ލާސަން ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ޑެލޭނީ ފޮނުވާލި ހަމަލާ ދިޔައީ ޗެކް ގޯލުގެ އަރިމަތީ ދަނޑި ކައިރިން ބޭރަށް.
'15 - ޗެކަށް ފުރުސަތެއް. ޕެނަލްޓީ އޭރިއާ ތެރެއިން މަސޮޕުސްޓް ފޮނުވާލި ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.
'13 - ޑެންމާކަށް ފުރުސަތެއް. ހޮއިބިއާ ދިން ރީތި ބޯޅައަކުން ޕެނަލްޓީ އޭރިއާ ތެރެއިން ޑެމްސްގާޑް ފޮނުވާލި ބޯޅަ، ގޯލަށް ވަނުމުގެ ކުރިން ޗެކްގެ ޑިފެންޑަރު ކޫފަލް ވަނީ ހޯދާފައި.
'12 - ޗެކަށް ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު ޝިކް ފޮނުވާލި ހަމަލާ، ޑެންމާކްގެ ޑިފެންޑަރު ކްރިސްޓެންސެން ވަނީ ބްލޮކްކޮށްފައި.
ލަނޑަށް ފަހު ވެސް ނުރައްކާކޮށް ފެންނަނީ ޑެންމާކް. ޗެކަށް އެޓޭކްކުރުމަށް އުނދަގޫތަކެއް ކުރަމުވަމުންދާކަން ފާހަގަކޮށްލެވޭ.
'5 - ޑެންމާކުން ލީޑު ހޯދައިފި. ސްޓްރައިގާ ލާސަން ނަގައިދިން ލާސަން ނަގައިދިން ކޯނަރަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ޑެންމާކަށް އެ ލަނޑު ކާމިޔާބުކޮށްދިނީ ޑެލޭނީ.
މެޗުގެ ކުޅުން ފަށައިފި. ކިކްއޯފް ކުރީ ޑެންމާކުން.
ޔޫރޯ 2020ގެ ކުއާޓާ ފައިނަލުގައި ޗެކު ރިޕަބްލިކާއި ޑެންމާކު ވާދަކުރާ މެޗުގެ ލައިވް ބްލޮގަށް "ވަން" ގެ ކިޔުންތެރިންނަށް މަރުހަބާ!
ޑެންމާކުން މުބާރާތުގެ ކުއާޓާ ފައިނަލަށް ގޮސްފައިވަނީ ގަދަ 16 ގައި ބޮޑު ތަފާތަކުން ބަލިކޮށްގެން. އެޓީމުން ވަނީ 4-0 އިން ވޭލްސްގެ މައްޗަށް ކާމިޔާބު ހޯދައި ހިތްވަރު ދައްކާލައިފައި. ޑެންމާކުން މުބާރާތުގައި ކުޅުނު ފުރަތަމަ މެޗުގައި އެޓީމުގެ ތަރި ކްރިސްޓިއަން އެރިކްސަންއަށް ކާޑިއެކް އެރެސްޓެއްގައި ދަނޑު މައްޗަށް ވެއްޓުމުގެ ހިސާބުން ޑެންމާކަށް އުނދަގޫ ހާލަތެއް ކުރިމަތިވި ނަމަވެސް އޭގެ ފަހުން އެޓީމު ފެނުނީ އާ ހިތްވަރަކާއެކު ކުޅެމުން ދިޔަތަން. ގްރޫޕް ސްޓޭޖުގެ ފަހު މެޗުގައި ރަޝިއާ ކޮޅަށް ހަތަރު ގޯލު ޑެންމާކުން ޖެހި އިރު، އެޓީމު މިހާރު ފެންނަނީ ރަނގަޅު ފޯމެއްގައި ކުޅޭތަން.
އަނެއްކޮޅުން މެޗަށް ނުކުންނަ ޗެކު ރިޕަބްލިކް ވަނީ ގަދަ 16 ގައި ވަރުގަދަ ނެދަލޭންޑްސް ބަލިކޮށްފައި. އެޓީމުގެ ވަރުގަދަކަމާ މެދު އެއްވެސް ޓީމަކުން ޝައްކު ނުކުރާނެކަން ޔަގީން. ހާއްސަކޮށް ޗެކުގެ ފޯވަޑް ޕެޓްރިކް ޝިކަކީ މިހާތަނަށް މުބާރާތުގައި އެންމެ ނުރައްކާތެރިކޮށް ފެނުނު ފޯވަޑް. މިރޭގެ މެޗަށް ދެޓީމު ނުކުންނާނީ އަޒަރުބައިޖާންގެ ބަކޫގެ އޮލިމްޕިކް ސްޓޭޑިއަމްގައި.
ސްޓޭޑިއަމްއަށް ނަޒަރެއް
- ސްޓޭޑިއަމް: އޮލިމްޕިކް ސްޓޭޑިއަމް
- ސަޕޯޓަރުންގެ ޖާގަ: 68،700 މީހުން
- އުސޫލުތަކާއެކު ސަޕޯޓަރުން ވެއްދޭނެ ކަމަށް ބުނެފައިވާ އަދަދު: 34،350 މީހުން (50 ޕަސެންޓް)
- 2019 ވަނަ އަހަރު ޔޫރޮޕާ ލީގު ފައިނަލް ކުޅުނު ސްޓޭޑިއަމް، ވާދަކުރީ ޗެލްސީއާއި އާސެނަލް
- އަޒަރުބައިޖާން ގައުމީ ޓީމުގެ ހޯމް ސްޓޭޑިއަމް
ދެޓީމުގެ ކޯޗުން
- ޖަރޮސްލަފް ފިޅަވީ
- އުމުރު: 59 އަހަރު
- ޖަރޮސްލަފްއަކީ ޗެކް ރިޕަބްލިކްގެ ފުޓުބޯޅައަށް މަޝްހޫރު ނަމެއް.
- ކުޅުންތެރިއެއްގެ ގޮތުގައާއި، ކޯޗެއްގެ ގޮތުގައި ބައިނަލްއަގުވާމީ ތަޖުރިބާ މަދު ނަމަވެސް ޗެކް ރިޕަބްލިކްގެ ފުޓުބޯޅައަށް ޖަރޮސްލަފް އަލެއް ނޫން.
- އެގައުމުގެ އެކިއެކި ކްލަބުތަކަށް 465 މެޗު ކުޅެދީފައިވާ އިރު، އޭނާއަކީ ޗެކު ޓޮޕް ފްލައިޓްގައި އެންމެ ގިނަ މެޗު ކުޅުމުގެ ރެކޯޑު އޮތް ކުޅުންތެރިޔާ.
- ޗެކް ފުރަތަމަ ޑިވިޝަންގެ ކްލަބުތަކަށް ކޯޗުކަން ކޮށްދިނުމަށްފަހު ޖަރޮސްލަފް ގައުމީ ޓީމާ ހަވާލުވީ 2018 ވަނަ އަހަރު.
- ގައުމީ ޓީމާ އޭނާ ހަވާލުވީ އެގައުމުގެ 21 އަހަރުން ދަށުގެ ޓީމުގެ އިތުރުން ގައުމީ ޓީމުގެ އެސިސްޓެންޓް ކޯޗުކަމުގައިވެސް މަސައްކަތް ކޮށްފައި.
- ގައުމީ ޓީމުގެ އެސިސްޓެންޓް ކޯޗަކަށް ޖަރޮސްލަފް މަސައްކަތް ކުރީ 2001 އިން 2009 ވަނަ އަހަރާ ހަމައަށް.
- ކެސްޕާ ހިޖޫލްމަންޑް
- އުމުރު: 49 އަހަރު
- ހިޖޫލްމަންޑް ވަނީ ކުޅުންތެރިއެއްގެ ގޮތުގައި 1987 ވަނަ އަހަރުން ފެށިގެން ޑެންމާކުގެ ކްލަބުތަކަށް ކުޅެފައި.
- ނަމަވެސް ކާމިޔާބެއް ނުލިބި 1998 ވަނަ އަހަރު ރިޓަޔާކުރަން ޖެހުނީ ކަކުލަށް ލިބުނު އަނިޔާއަކާ ގުޅިގެން.
- ޑެންމާކް ގައުމީ ޓީމާ ހަވާލުވުމުގެ ކުރިން ހިޖޫލްމަންޑް ވަނީ ޑެންމާކުގެ ކްލަބުތަކަކާއި ޖަރުމަންގެ އެފްއެސްވީ މައިންޒްއަށް އިރުޝާދު ދީފައި.
- އެ ކްލަބުތަކާއެކު އޭނާއަށް ފާހަގަކޮށްލެވޭ ކާމިޔާބީތަކެއް ހޯދިފައެއް ނުވޭ.
- ޔޫރޯގައި ޑެންމާކަށް ކޯޗުކަން ކޮށްދޭ ގޮތަށް ކުރީން އޮތީ މުބާރާތަށް ޓީމު ކޮލިފައި ކޮށްދިން ކޯޗު އާގަ ހާއެއިޑް.
- ނަމަވެސް ކޮވިޑާ ގުޅިގެން އޭނާގެ ކޮންޓްރެކްޓް ނިމުމަކަށް އައުމާ ގުޅިގެން މިދިޔަ އަހަރު ހިޖޫލްމަންޑް ވަނީ ޓީމުގެ ކޯޗަކަށް ހަމަޖައްސައިފައި.
ވަރުގަދަ ބެލްޖިއަމުން ފުރުސަތުތައް ބޭކާރުކޮށްލައި, ސްލޮވާކިއާގެ އަތްދަށުވެއްޖެ
ދިރާގުން ޔޫރޯ އާއި އީދަށް ހާއްސަ އޮފާތަކެއް
ތުރުކީން އިޓަލީ އާއެކު 2032ގެ ޔޫރޯ ބާއްވަން ބިޑުކުރާތީ 2028ގެ ޔޫރޯ ޔޫކޭއާއި އަޔަލޭންޑްގައި
ވޯލްޑް ކަޕަށްފަހުވެސް ހުއްޓާނުލާނަން، ޔޫރޯ 2024 ގައިވެސް ކުޅެން ބޭނުން: ރޮނާލްޑޯ
ގެވެށި އަނިޔާގެ މައްސަލައެއް ތެރޭގައި ހުރި ގިގްސް، ވޭލްސްގެ ކޯޗުކަން ރަސްމީކޮށް ދޫކޮށްލައިފި
