ޔޫރޯ: ސްޕެއިން 5-3 ކްރޮއޭޝިއާ

މެޗުގެ އުސްއަލިތައް

މެޗުގެ ކުޅުން ނިންމާލައިފި. މެޗު ނިމިގެންދިޔައީ 5-3ގެ ނަތީޖާއަކުން ސްޕެއިން ކުރީގައި އޮވެގެން. ސްޕެއިން ދެން ކުރިމަތިލާނީ ކުއާޓާ ފައިނަލުގައި.

'120 - ސްޕެއިނަށް ފުރުސަތެއް. އޮޔަރްޒަބަލް ދިން ބޯޅައަކުން ޕެނަލްޓީ އޭރިއާ ތެރެއިން އޮލްމޯ ފޮނުވާލި ހަމަލާ އަމާޒުވީ ކްރޮއޭޝިއާ ގޯލުގެ އަރިމަތީ ދަނޑިއަށް. ރީބައުންސް ބޯޅައިން އޮޔަރްޒަބަލް ފޮނުވާލި ހަމަލާ، ކްރޮއޭޝިއާގެ ޑިފެންޑަރެއް ވަނީ ބްލޮކްކޮށްފައި.

'116 - ސްޕެއިނަށް ފުރުސަތެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، މޮރާޓާ ފޮނުވާލި ހަމަލާ، ކްރޮއޭޝިއާގެ ކީޕަރު ވަނީ މަތަކޮށްފައި.

ސްޕެއިނުން އަދިވެސް އަންނަނީ ގިނަ ވަގުތު ބޯޅަ ހިފަހައްޓައި، ކްރޮއޭޝިއާގެ ގޯލަށް އިތުރަށް ނުރައްކާކުރުމަށް މަސައްކަތްކުރަމުން.

''106 - ކްރޮއޭޝިއާއަށް ރަނގަޅު ފުރުސަތެއް. ޕެނަލްޓީ އޭރިއާ ތެރެއިން ބުޑިމިއާ ފޮނުވާލި ހަމަލާ ދިޔައީ ސްޕެއިން ގޯލުގެ އަރިމަތީ ދަނޑި ކައިރިން ބޭރަށް.

އިތުރު ވަގުތުގެ ދެވަނަ ހާފުގެ ކުޅުން ފަށައިފި.

އިތުރު ވަގުތުގެ ފުރަތަމަ ހާފު ނިންމާލައިފި. ހާފު ނިމިގެންދިޔައީ 5-3ގެ ނަތީޖާއަކުން ސްޕެއިން ކުރީގައި އޮވެގެން.

'105+1 - ސްޕެއިނަށް ފުރުސަތެއް. ކްރޮއޭޝިއާގެ ޑިފެންޑަރެއް އަތުން ބޯޅަ އަތުލައިގެން ޕެނަލްޓީ އޭރިއާ ތެރެއަށް ވަނުމަށްފަހު މޮރާޓާ ހަމަލާއެއް ފޮނުވާލުމުގެ ކުރިން ކްރޮއޭޝިއާ ޑިފެންޑަރު ވިޑާ ވަނީ އެ ބޯޅަ ހޯދާފައި.

'103 - ސްޕެއިނުން ލީޑު ފުޅާކޮށްފި. އޮލްމޯ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ސްޕެއިނަށް އެ ލަނޑު ކާމިޔާބުކޮށްދިނީ އޮޔަރްޒަބަލް.

'103 - ކްރޮއޭޝިއާއަށް ފުރުސަތެއް. ޕެނަލްޓީ އޭރިއާ ބޭރުން ކްރަމަރިޗް ފޮނުވާލި ހަމަލާ އަމާޒުވީ ސްޕެއިންގެ ކީޕަރު ސިމޮންގެ އަތަށް.

'100 - ސްޕެއިނުން އަލުން ލީޑު ހޯދައިފި. އޮލްމޯ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ފޮނުވާލި ހަމަލާއަކުން ސްޕެއިނަށް އެ ލަނޑު ކާމިޔާބުކޮށްދިނީ މޮރާޓާ.

'97 - ސްޕެއިނަށް ފުރުސަތެއް. އަލްބާ ދިން ބޯޅައަކުން ޕެނަލްޓީ އޭރިއާ ތެރެއިން އޮލްމޯ ފޮނުވާލި ހަމަލާ، ކްރޮއޭޝިއާ ޑިފެންޑަރު ކަލެޓާ ކާ ވަނީ ބްލޮކްކޮށްފައި.

'96 - ސްޕެއިންގެ ކީޕަރު ސިމޮންގެ މޮޅު ސޭވްއެއް. ޕެނަލްޓީ އޭރިއާ ތެރޭ ހުސްކޮށް ހުރެ ކްރަމަރިޗް ފޮނުވާލި ހަމަލާ، ކީޕަރު ސިމޮން ވަނީ ހުޝިޔާރުކަމާއެކު މަތަކޮށްފައި.

'92 - ކްރޮއޭޝިއާއަށް ފުރުސަތެއް. ޕެނަލްޓީ އޭރިއާ ބޭރުން އޯސިޗް ފޮނުވާލި ހަމަލާ ދިޔައީ ސްޕެއިން ގޯލުގެ ހުރަސް ދަނޑި މަތިން ބޭރަށް.

އިތުރު ވަގުތުގެ ފުރަތަމަ ހާފު ފަށައިފި.

ދެވަނަ ހާފުގެ އުސްއަލިތައް

ދެވަނަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 3-3ގެ ނަތީޖާއަކުން ދެ ޓީމު އެއްވަރުވެގެން. ނަތީޖާ ނެރުމަށް ދެން ކުޅޭނީ 15 މިނެޓުގެ ދެ ހާފު.

'90+2 - ކްރޮއޭޝިއާ އިން ނަތީޖާ ހަމަހަަމަކޮށްފި. އޯސިޗް ނަގައިދިން ހުރަހަކުން ޕެނަލްޓީ އޭރިއާ ތެރެއިން ބޮލުން ފޮނުވާލި ހަމަލާއަކުން ކޮރޮއޭޝިއާއަށް އެ ލަނޑު ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ދެވަނަ ހާފުގައި ކުޅެން ނުކުތް ޕަސަލިޗް.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

'85 - ކްރޮއޭޝިއާ އިން ލީޑު ހަނިކޮށްފި. ކްރޮއޭޝިއާއަށް އެ ލަނޑު ކާމިޔާބުކޮށްދިނީ އޯސިޗް. ޕެނަލްޓީ އޭރިއާ ތެރެއިން ކްރޮއޭޝިއާގެ ފުރަތަމަ ހަމަލާ ގޯލު ލައިން މަތިން އަޒްޕިލިކުއެޓާ ދިފާއުކުރި ނަމަވެސް، ރީބައުންސް ބޯޅައިން އޯސިޗް ވަނީ ލަނޑު ކާމިޔާބުކޮށްފައި. އޯސިޗްގެ ހަމަލާ ކީޕަރު ސިމޮން ދިފާއުކުރި ނަމަވެސް، އެ ބޯޅަ ވަނީ ގޯލު ލައިން ހުރަސްކޮށްފައި.

'84 - ސްޕެއިނަށް ފުރުސަތެއް. ބުސްކެޓްސް ދިން ރީތި ބޯޅައަކުން ޕެނަލްޓީ އޭރިއާ ތެރެއިން އޮލްމޯ ފޮނުވާލި ހަމަލާ، ކްރޮއޭޝިއާގެ ކީޕަރު ވަނީ މަތަކޮށްފައި.

'76 - ސްޕެއިނުން ލީޑު ފުޅާކޮށްފި. ހިލޭ ޖެހުމަކުން އަމިއްލަ ހާފުގެ ތެރެއިން ޕައު ޓޮރޭސް ދިން ބޯޅައަކުން ކްރޮއޭޝިއާގެ ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ސްޕެއިނަށް އެ ލަނޑު ކާމިޔާބުކޮށްދިނީ ފެރާން ޓްރޭސް.

'72 - ފެރާން ޓޮރޭސްގެ ބޯޅަ ޕެނަލްޓީ އޭރިއާ ތެރެއިން މޮރާޓާ، ކްރޮއޭޝިއާ ގޯލުގެ ތެރެއަށް ފޮނުވާލި ނަމަވެސް، އޭނާ ހުރީ އޮފްސައިޑް މަގާމެއްގައި.

66' ސްޕެއިން ކީޕަރު ސިމޮންގެ މޮޅު ސޭވްއެއް. ވާޑިއޮޓް އޭރިއާ ތެރެއިން ފޮނުވާލި ބާރު ހަމަލާ އޭނާ މަތަކުރީ ހުޝިޔާރު ކަމާއެކު.

ސްޕެއިނުން ފަހަތުން އަރައި ލީޑު ނަގައިފައިވާ އިރު، އެޓީމުން އަދިވެސް އަންނަނީ ޕާސްތައް ގިނަކޮށް މެޗު ކޮންޓްރޯލް ކުރަމުން.

57' ސްޕެއިން އިން ފަހަތުން އަރައި ލީޑު ނަގައިފި. ފެރަން ޓޮރެސް އަރިމަތިން ހުރަސް ކޮށްލި ބޯޅަ ބޮލުން ގޯލަށް ފޮނުވާލީ ޗެލްސީއަށް ކުޅެމުން އަންނަ ޑިފެންޑަރު ސެޒާ އަޒްޕިލިކުއެޓާ. މިއީ ގައުމީ ޓީމަށް އޭނާ ކާމިޔާބުކޮށްދިން ފުރަތަމަ ލަނޑު.

51' ސްޕެއިންއަށް ރަނގަޅު ފުރުސަތެއް. އަރިމަތިން ފެރަން ޓޮރެސް ނަގައިދިން ހުރަހަށް އަޒްޕިލިކުއެޓާ އޭރިއާ ތެރެއަށް ވަދެ ބޯޅަ ފޮނުވާލި ނަމަވެސް ދިޔައީ ކްރޮއޭޝިއާ ގޯލްކީޕަރު އަތަށް.

ސްޕެއިން އިން ދެވަނަ ހާފުވެސް ފެށީ އެޓޭކިން ކުޅުމަކާއެކު. މިހާތަނަށް ދެ ހުރަހެއް ނުރައްކާކޮށް ފާހަގަކޮށްލެވުނު ނަމަވެސް އޭރިއާ ތެރެއިން ކްރޮއޭޝިއާއިން ވަނީ ދެ ހުރަސްވެސް މަތަކޮށްފައި.

ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-1ގެ ނަތީޖާއަކުން ދެ ޓީމު އެއްވަރުވެގެން.

'38 - ސްޕެއިނުން ނަތީޖާ ހަމަހަމަކޮށްފި. ގަޔާ ފޮނުވާލި ހަމަލާއެއް ސްޕެއިންގެ ކީޕަރު ލިވަކޮވިޗް މަތަކުރުމާއެކު ލިބުނު ރީބައުންސް ބޯޅައަކުން ސްޕެއިނަށް ނަތީޖާ ހަމަހަަމަކޮށްދިނީ ސަރާބިއާ. ޕެނަލްޓީ އޭރިއާ ތެރެއިން ކްރޮއޭޝިއާ ކުޅުންތެރިންނަށް ވަނީ ރަނގަޅަށް ބޯޅަ ދިފާއު ނުކުރެވިފައި.

'26 - ކްރޮއޭޝިއާއަށް އިތުރު ފުރުސަތެއް. ޕެނަލްޓީ އޭރިއާ ބޭރުން ކޮވަޗިޗް ފޮނުވާލި ހަމަލާ ދިޔައީ ސްޕެއިން ގޯލުގެ ހުރަސް ދަނޑި މަތިން ބޭރަށް.

'24 - ކްރޮއޭޝިއާއަށް ފުރުސަތެއް. މޮޑްރިޗް ދިން ބޯޅައަކުން ޕެނަލްޓީ އޭރިއާ ތެރެއިން ވްލަސިޗް ފޮނުވާލި ހަމަލާ ގޯލާ އަމާޒުވެފައެއް ނުވޭ.

'20 - ކްރޮއޭޝިއާއަށް ލީޑު ލިބިއްޖެ. ސްޕެއިންގެ ކީޕަރު ސިމޮންގެ ބޮޑު ގޯހެއް. ޕެޑްރީ ފަހަތަށް ޖައްސާލި ބޯޅަ، ކީޕަރު ސިމޮންގެ ފައިގައި ޖެހި، އަމިއްލަ ގޯލުގެ ތެރެއަށް ވަނީ ވަދެފައި.

'19 - ސްޕެއިނަށް އިތުރު ފުރުސަތެއް. ފެރާން ޓޮރޭސް ނަގައިދިން ހުރަހަކުން ޕެނަލްޓީ އޭރިއާ ތެރެއިން މޮރާޓާ ބޮލުން ފޮނުވާލި ހަމަލާ، ކްރޮއޭޝިއާގެ ޑިފެންޑަރު ވިޑާ ވަނީ ބްލޮކްކޮށްފައި.

'16 - ސްޕެއިނަށް ހުސް ފުރުސަތެއް. ޕެޑްރީ ދިން ރީތި ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ކޮކޭ ފޮނުވާލި ހަމަލާ، ކްރޮއޭޝިއާގެ ކީޕަރު ލިވަކޮވިޗް ވަނީ މަތަކޮށްފައި. ކޮކޭއަށް ބޯޅަ ފޮނުވައިލެވުނީ ކީޕަރު ލިވަކޮވިޗްއާ ދިމާއަށް.

'13 - ސްޕެއިނަށް ފުރުސަތެއް. މޮރާޓާ ދިން ބޯޅައަކުން ޕެނަލްޓީ އޭރިއާ ތެރެއިން ސަރާބިއާ ފޮނުވާލި ހަމަލާ، ކްރޮއޭޝިއާގެ ގޯލާ އަމާޒުވެފައެއް ނުވޭ.

'9 - ކޮކޭ ނަގައިދިން ހިލޭ ޖެހުމަކުން ޕެނަލްޓީ އޭރިއާ ތެރެއިން އަޒްޕިލިކުއެޓާ ބޮލުން ފޮނުވާލި ހަމަލާ އަމާޒުވީ ކްރޮއޭޝިއާ ކީޕަރު ލިވަކޮވިޗްގެ އަތަށް.

މި މެޗުގައި ވެސް ސްޕެއިނުން ކުޅެނީ އެޓީމުގެ ރަސްމީ ކުޅުން. ގިނަ ވަގުތު ބޯޅަ ހިފަހައްޓައިގެން ކުޅެމުން އަންނަނީ ސްޕެއިނުން. ކްރޮއޭޝިއާގެ ފަރާތުން ފެންނަނީ ޑިފެންސިވް ކުޅުމެއް. މި މުބާރާތުގެ ގްރޫޕު ސްޓޭޖުގައި ސްޕެއިންއާ ދެކޮޅަށް ނުކުތް ތިން ޓީމުގެ ފަރާތުން ވެސް ފެނުނީ ޑިފެންސިވް ކުޅުމެއް. އެކަމާ ގުޅިގެން ސްޕެއިނަށް ވަނީ އުނދަގޫތަކަކާ ކުރިމަތިލާން ޖެހިފައި.

'6 - ފެރާން ޓޮރޭސް ދިން ބޯޅަ، ޕެނަލްޓީ އޭރިއާ ތެރެއިން ކޮކޭއަށް ރަނގަޅަށް ފޮނުވައިލެވޭ ގޮތެއް ނުވި.

'2 - ލަޕޯޓް ދިން ބޯޅަ ޕެނަލްޓީ އޭރިއާ ތެރެއިން ސްޕެއިންގެ ކުޅުންތެރިޔަކަށް ލިބުމުގެ ކުރިން ކްރޮއޭޝިއާގެ ކީޕަރު ލިވަކޮވިޗް ހޯދައިފި.

މެޗުގެ ކުޅުން ފަށައިފި. ކިކްއޯފް ކުރީ ސްޕެއިނުން.

މެޗުގެ ކުޅުން ފަށައިފި. ކިކްއޯފް ކުރީ ސްޕެއިނުން.