ޔޫރޯ: ޕޯޗުގަލް 0-1 ބެލްޖިއަމް

މެޗުގެ އުސްއަލިތައް

މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ 1-0ގެ ނަތީޖާއަކުން ބެލްޖިއަމް ކުރީގައި އޮވެގެން. ޗެމްޕިއަން ޕޯޗުގަލް ކަޓުވާލައި، ބެލްޖިއަމް ކުއާޓާއަށް.

'90+5 - ޕޯޗުގަލަށް އިތުރު ފުރުސަތެއް. އަންދްރޭ ސިލްވާ ދިން ބޯޅައަކުން ޕެނަލްޓީ އޭރިއާ ބޭރުން ފީލިކްސް ފޮނުވާލި ހަމަލާ ދިޔައީ ބެލްޖިއަމް ގޯލުގެ އަރިމަތީ ދަނޑި ކައިރިން ބޭރަށް.

ދެވަނަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'88 - ޕޯޗުގަލުގެ ފުރުސަތެއް. ރޮނާލްޑޯ ބޮލުން ޖައްސާލި ބޯޅައަކުން ޕެނަލްޓީ އޭރިއާ ތެރެއިން އަންދްރޭ ސިލްވާ ފޮނުވާލި ހަމަލާ، ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި.

'83 - ޕޯޗުގަލަށް އިތުރު ފުރުސަތެއް. ޕެނަލްޓީ އޭރިއާ ތެރެއިން ގުރޭރޯ ފޮނުވާލި ބާރު ހަަމަލާ އަމާޒުވީ ބެލްޖިއަމް ގޯލުގެ އަރިމަތީ ދަނޑިއަށް.

'82 - ޕޯޗުގަލަށް ފުރުސަތެއް. ބްރޫނޯ ފެނާންޑޭޒް ނަގައިދިން ކޯނަރަކުން ރުބެން ޑިއާޒް ބޮލުން ފޮނުވާލި ހަމަލާ، ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި.

މިހާރު މެޗު ހޫނުވެ، ދެ ޓީމުގެ ފައުލްތައް ގިނަ. ޕޯޗުގަލުން ކުރިއަށް ޖެހި އެޓޭކުކުރުމުން އަންނަ އިރު، ބެލްޖިއަމުން އަންނަނީ ވަރުގަދައަށް ޑިފެންސް ކުރަމުން.

'74 - ރޮނާލްޑޯ ފޮނުވާލި ހިލޭ ޖެހުން، ބެލްޖިއަމް ވޯލްގައި ތިބި ކުޅުންތެރިން ގައިގައި ޖެހި ވަނީ ބްލޮކްވެފައި.

'73 - ފީލިކްސްއަށް ވަމާލަން ކުރި ފައުލަކާ ގުޅިގެން ޕޯޗުގަލަށް ހިލޭ ޖެހުމެއް.

'68 - ރެނާޓޯ ސަންޗޭޒް ދުރުން ފޮނުވާލި ހަމަލާ، ބެލްޖިއަމްގެ ގޯލާ އަމާޒެއް ނުވި.

'63 - ބެލްޖިއަމަށް ފުރުސަތެއް. ތޯގަން ހަޒާޑް ދިން ބޯޅައަކުން ޕެނަލްޓީ އޭރިއާ ބޭރުން ލުކާކޫ ފޮނުވާލި ހަމަލާ ދިޔައީ ޕޯޗުގަލް ގޯލުގެ ހުރަސް ދަނޑި މަތިން ބޭރަށް.

'62 - ޕެނަލްޓީ އޭރިއާ ބޭރުން ބްރޫނޯ ފެނާންޑޭޒް ފޮނުވާލި ހަމަލާ، ބެލްޖިއަމްގެ ގޯލާ އަމާޒުނުވެ ބޭރަށް.

'61 - ޕޯޗުގަލަށް އިތުރު ފުރުސަތެއް. ރެނާޓޯ ސަންޗޭޒް ނަގައިދިން ހުރަހަކުން ޕެނަލްޓީ އޭރިއާ ތެރެއިން ފީލިކްސް ބޮލުން ފޮނުވާލި ހަމަލާ، ބެލްޖިއަމް ކީޕަރު ކޯޓުވާ ވަނީ މަތަކޮށްފައި.

'58 - ޕޯޗުގަލަށް ރަނގަޅު ފުރުސަތެއް. ރޮނާލްޑޯ ދިން ބޯޅައަކުން ޕެނަލްޓީ އޭރިއާ ތެރެއިން ޖޮޓާ ފޮނުވާލި ހަމަލާ ދިޔައީ ބެލްޖިއަމް ގޯލުގެ ހުރަސް ދަނޑި މަތިން ބޭރަށް.

'54 - ޕެނަލްޓީ އޭރިއާ ބޭރުން ރޮނާލްޑޯ ފޮނުވާލި ބާރު ހަމަލާ، ބެލްޖިއަމްގެ ޑިފެންޑަރު ވަމާލަން ބްލޮކްކޮށްފި.

'48 - ފުރަތަމަ ހާފުގައި ފަޔަށް ލިބުނު އަނިޔާއާ ގުޅިގެން އިތުރަށް ކުޅުން ކުރިއަށް ނުގެންދެވިގެން ކެވިން ޑި ބްރޭނާ ބަދަލުކޮށްފި. އޭނާގެ ބަދަލުގައި ކުޅެން ނުކުތީ މާޓެންސް.

ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0ގެ ނަތީޖާއަކުން ބެލްޖިއަމް ކުރީގައި އޮވެގެން.

'42 - ބެލްޖިއަމުން ލީޑު ހޯދައިފި. ތޯގަން ހަޒާޑުގެ ހިތްގައިމު ލަނޑެއް. މުނިއޭ ދިން ބޯޅައަކުން ޕެނަލްޓީ އޭރިއާ ބޭރުން ތޯގަން ހަޒާޑް ފޮނުވާލި ބާރު ހަމަލާ އަމާޒުވީ ޕޯޗުގަލް ގޯލުގެ ތިރީ ކަނަށް.

'37 - ބެލްޖިއަމަށް ފުރުސަތެއް. ޑި ބްރޭނާ ދިން ބޯޅައަކުން ޕެނަލްޓީ އޭރިއާ ބޭރުން މުނިއޭ ފޮނުވާލި ހަމަލާ، ޕޯޗުގަލްގެ ގޯލާ އަމާޒުވެފައެއް ނުވޭ.

'36 - ކައުންޓާ އެޓޭކެއްގައި ލުކާކޫ ކުރިއަށް ދިޔަ ނަމަވެސް، ޕޯޗުގަލުގެ ޑިފެންޑަރުން އޭނާ ހުއްޓުވައިފި.

ބެލްޖިއަމަށް އަދިވެސް ލަނޑެއް ޖަހާނެ ރަނގަޅު ފުރުސަތެއް ތަނަވަސްކުރެވިފައެއް ނުވޭ. ޕޯޗުގަލަށް ބޯޅަ ލިބުމުން ބެލްޖިއަމުން ވަރަށް ބޮޑަށް ޑިފެންސަށް އިސްކަންދޭކަން ފާހަގަަކޮށްލެވޭ.

'25 - ރޮނާލްޑޯ ފޮނުވާލި ހިލޭ ޖެހުން ނުރައްކާތެރި. ރޮނާލްޑޯ ފޮނުވާލި ހިލޭ ޖެހުން ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި. ރީބައުންސް ބޯޅައިން ޕެނަލްޓީ އޭރިއާ ތެރެއިން ޕަލީނިއާ ފޮނުވާލި ހަމަލާ އުނދަގޫކަމެއް ނެތި، ކޯޓުވާ ވަނީ ހޯދާފައި.

'24 - ބެލްޖިއަމްގެ ޕެނަލްޓީ އޭރިއާ ބޭރުން ވަމާލިން ބޯޅައިގައި އަތްލުމުން ޕޯޗުގަލަށް ޕެނަލްޓީއެއް.

މިއީ ޔޫރަޕުގެ ވަރުގަދަ ދެ ބާރެއްގެ ކުރިމަތިލުން. މެޗުގެ ކުރީކޮޅުގައި ފެންނަމުން ދަނީ ދެޓީމުންވެސް ރިކްސް ނުނަގަން މަސައްކަތް ކުރާތަން. ބެލެވޭ ގޮތުގައި އެއީ ދެޓީމުގެވެސް ފޯވަޑް ލައިން ވަރުގަދަކޮށް ފެންނާތީ. ދެޓީމުގައިވެސް ތިބީ ކިރިޔާ ޖާގައެއް ލިބުނަސް ފުރުސަތުގެ ބޭނުން ހިފާނެ ފެންވަރުގެ ފޯވަޑުން. މެޗުގެ ކުޅުން މެދުތެރެއަށް ވަރަށް ބޮޑަށް ބަރޯސާވާނެ ކަމަށްވެސް އޮއިވަރުން ފާހަގަކުރެވޭ. ޑީބްރޭނާއާއި ރެނާޓޯ ސަންޗޭޒްގެ ކުރިމަތިލުން ޝައުގުވެރިވާނެ.

'19 - ޕެނަލްޓީ އޭރިއާ ބޭރުން ތޯގަން ހަޒާޑް ފޮނުވާލި ހަމަލާ، ޕޯޗުގަލްގެ ޑިފެންޑަރެއް ބްލޮކްކޮށްފި.

މެޗުގެ ފުރަތަމަ 15 މިނެޓުގެ ތެރޭ ދެ ޓީމުގެ ފަރާތުން ވެސް ފެނިގެންދިޔައީ ދާދި ހަމަހަމަ ކުޅުމެއް. ބެލްޖިއަމަށް އަދި ލަނޑުޖަހާނެ ރަނގަޅު ފުރުސަތެއް ތަނަވަސްކުރެވިފައެއް ނުވޭ. އެންމެ ރަނގަޅު ފުރުސަތެއް ލިބުނީ ޕޯޗުގަލްގެ ޑިއޭގޯ ޖޮޓާއަށް.

'10 - ބެލްޖިއަމްގެ ހަމަލާއެއް. ލުކާކޫ ދިން ބޯޅައަކުން ޕެނަލްޓީ އޭރިއާ ބޭރުން އެޑެން ހަޒާޑް ފޮނުވާލި ހަމަލާ، ޕޯޗުގަލްގެ ގޯލާ އަމާޒުވެފައެއް ނުވޭ.

'9 - މުނިއޭ ނަގައިދިން ހުރަސް، ޕޯޗުގަލްގެ ޕެނަލްޓީ އޭރިއާ ތެރެއިން ލުކާކޫއަށް ލިބޭ ގޮތެއް ނުވި.

'6 - ޕޯޗުގަލަށް ރަނގަޅު ފުރުސަތެއް. ރެނާޓޯ ސަންޗޭޒް ދިން ބޯޅައަކުން ޕެނަލްޓީ އޭރިއާ ތެރެއިން ޖޮޓާ ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

މިއީ ގަދަ 16ގައި ކުޅޭ އެންމެ ވަރުގަދަ އެއް މެޗު. ޕޯޗުގަލަކީ ޔޫރޯގެ އެންމެ ފަހުގެ ޗެމްޕިއަން. ބެލްޖިއަމަކީ ފީފާ ރޭންކިންގެ އެއްވަނައިގައި އޮތް ޓީމު. ޕޯޗުގަލް އޮތީ ރޭންކިންގެ ފަސްވަނައިގައި.

މެޗުގެ ކުޅުން ފަށައިފި. ކިކްއޯފް ކުރީ ބެލްޖިއަމުން.