ޔޫރޯ: ނެދަލޭންޑްސް 0-2 ޗެކު ރިޕަބްލިކް

މެޗުގެ އުސްއަލިތައް

މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ 2-0ގެ ނަތީޖާއަކުން ޗެކް ކުރީގައި އޮވެގެން. ނެދަލެންޑްސް ކަޓުވާލައި، ކުއާޓާގެ ޖާގަ ޗެކަށް.

އަދިވެސް ރަނގަޅަށް ކުޅެމުން އަންނަނީ ދެ ލަނޑުގެ ލީޑެއް ހޯދާފައިވާ ޗެކުން.

ދެވަނަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި.

އެއް ކުޅުންތެރިޔަކު މަދުކޮށް ކުޅެން ޖެހުމުގެ ސަބަބުން ނެދަލެންޑްސްއަށް ދަނީ އެކަމުގެ އުނދަގޫތަކާ ކުރިމަތިވަމުން. ރަތް ކާޑު ދެއްކި ޑި ލިގްޓް ވަނީ ފުރަތަމަ ހާފުގައި ވެސް މޮޅު ކުޅުމެއް ދައްކާފައި. އޭނާ ވަނީ ޗެކަށް ލިބުނު ގިނަ ފުރުސަތުތަކަކަށް ހުރަސް އަޅާފައި.

'80 - ޗެކުން ލީޑު ފުޅާކޮށްފި. ހޮލޭސް ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޗެކަށް އެ ލަނޑު ކާމިޔާބުކޮށްދިނީ ޝިކް.

'78 - ޗެކަށް އިތުރު ފުރުސަތެއް. ގޯލުގެ މަތީ ކަނަކާ އަމާޒުކޮށް ޕެނަލްޓީ އޭރިއާ ތެރެއިން މަސޮޕުސްޓް ފޮނުވާލި ހަމަލާ، ނެދަލެންޑްސްގެ ކީޕަރު ސްކެޓެލެންބާގް ވަނީ މަތަކޮށްފައި.

'77 - ޗެކަށް ފުރުސަތެއް. ޕެނަލްޓީ އޭރިއާ ބޭރުން ސޯޗެކް ފޮނުވާލި ހަމަލާ، ނެދަލެންޑްސްގެ ކީޕަރު ސްކެޓެލެންބާގް ވަނީ މަތަކޮށްފައި.

'77 - ޑަމްފްރީސް ނަގައިދިން ހުރަސް، ޕެނަލްޓީ އޭރިއާ ތެރެއިން ނެދަލެންޑްސްގެ ކުޅުންތެރިޔަކަށް ލިބުމުގެ ކުރިން ޗެކްގެ ކީޕަރު ވަސްލިކް އެ ބޯޅަ ހޯދައިފި.

'68 - ޗެކުން ލީޑު ހޯދައިފި. ކަލާސް ބޮލުން ޖައްސާލި ބޯޅައަކުން ޕެނަލްޓީ އޭރިއާ ތެރޭ ހުރެ ބޮލުން ފޮނުވާލި ހަމަލާއަކުން ޗެކަށް އެ ލަނޑު ކާމިޔާބުކޮށްދިނީ ހޮލޭސް.

'64 - ޗެކަށް ހުސް ފުރުސަތެއް. ޕެނަލްޓީ އޭރިއާ ތެރޭ ހުސްކޮށް ހުރެ ކަޑެރަބެކް ފޮނުވާލި ހަމަލާ، ގޯލު ކުރިމަތިން ޑަމްފްރީސް ވަނީ ބްލޮކޮށްފައި.

'60 - ޗެކަށް ފުރުސަތެއް. ބަރަކް ނަގައިދިން ކޯނަރަކުން ޕެނަލްޓީ އޭރިއާ ތެރެއިން ޝިކް ބޮލުން ފޮނުވާލި ހަމަލާ، ނެދަލެންޑްސްގެ ގޯލާ އަމާޒުވެފައެއް ނުވޭ.

'55 - ޕެނަލްޓީ އޭރިއާ ބޭރުން ނެދަލެންޑްސްގެ ޑިފެންޑަރު ޑި ލިގްޓް ބޯޅައިގައި އަތްލުމުން ރަތް ކާޑެއް ދައްކަން ޖެހޭތޯ ބެލުމަށް ރެފްރީ ވީއޭއާރުން ބެލުމަށްފަހު، އޭނާއަށް ރަތް ކާޑެއް ދައްކައިފި.

'52 - ނެދަލެންޑްސްއަށް ހުސް ފުރުސަތެއް. ޗެކްގެ ޑިފެންޑަރުން ކައިރިން ނައްޓާލުމަށްފަހު، ޕެނަލްޓީ އޭރިއާ ތެރެއަށް ވަދެ، މާލެން ހަމަލާއެއް ފޮނުވާލުމުގެ ކުރިން ކީޕަރު ވަސްލިކް ވަނީ ހުޝިޔާރުކަމާއެކު ބޯޅަ ހޯދާފައި.

'46 - ކަޑެރަބެކްއަށް ކުރި ފައުލަކާ ގުޅިގެން ނެދަލެންޑްސްގެ ޑަމްފްރީސްއަށް ރީނދޫ ކާޑެއް.

ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެން.

45+2' ނެދަލެންޑްސްއަށް ހުސް ފުރުސަތެއް. ޑިޕާއީ ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ، ވޭން އާންހޯލްޓް ފޮނުވާލި ހަމަލާ ޗެކްގެ ގޯލާ އަމާޒުވެފައެއް ނުވޭ.

ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓު.

'39 - ނެދަލެންޑްސްއަށް ފުރުސަތެއް. ޕެނަލްޓީ އޭރިއާ ތެރެއިން ޑަމްފްރީސް ފޮނުވާލި ހަމަލާ، ޗެކްގެ ކީޕަރު ވަސްލިކް ވަނީ މަތަކޮށްފައި.

'38 - ޗެކަށް ރަނގަޅު ފުރުސަތެއް. މަސޮޕުސްޓް ދިން ބޯޅައަކުން ޕެނަލްޓީ އޭރިއާ ތެރެއިން ބަރަކް ފޮނުވާލި ހަމަލާ، ނެދަލެންޑްސްގެ ޑިފެންޑަރު ޑި ލިގްޓް ވަނީ ދިފާއުކޮށްފައި.

'31 - ނެދަލެންޑްސްއަށް ފުރުސަތެއް. ޑަމްފްރީސް ދިން ބޯޅައަކުން ޕެނަލްޓީ އޭރިއާ ތެރެއިން މާލެން ފޮނުވާލި ހަމަލާ، ޗެކްގެ ޑިފެންޑަރު ކަލާސް ވަނީ ބްލޮކްކޮށްފައި.

'28 - ޗެކަށް އިތުރު ފުރުސަތެއް. ޕެނަލްޓީ އޭރިއާ ބޭރުން ޝިކް ފޮނުވާލި ހަމަލާ، ނެދަލެންޑްސް ކީޕަރު ސްކެޓެލެންބާގް ވަނީ މަތަކޮށްފައި.

'22 - ޗެކަށް ރަނގަޅު ފުރުސަތެއް. ސާޗިކް ނަގައިދިން ހުރަހަކުން ޕެނަލްޓީ އޭރިއާ ތެރެއިން ސޯޗެކް ބޮލުން ފޮނުވާލި ހަމަލާ، ނެދަލެންޑްސްގެ ގޯލާ އަމާޒުވެފައެއް ނުވޭ.

'18 - ވޭން އާންހޯލްޓް ނަގައިދިން ނުރައްކާތެރި ހުރަސް، ޕެނަލްޓީ އޭރިއާ ތެރެއިން ނެދަލެންޑްސްގެ ކުޅުންތެރިޔަކަށް ލިބޭ ގޮތެއް ނުވި.

'13 - ނެދަލެންޑްސްއަށް ފުރުސަތެއް. ޕެނަލްޓީ އޭރިއާ ތެރެއިން ޑަމްފްރީސް ފޮނުވާލި ހަމަލާ، ޗެކްގެ ޑިފެންޑަރު ކަލާސް ވަނީ ދިފާއުކޮށްފައި.

'11 - ޑިޕާއީ ދިން ބޯޅައަކުން ޕެނަލްޓީ އޭރިއާ ތެރެއިން ޑަމްފްރީސް ނުރައްކާ ކުރުމުގެ ކުރިން ޗެކްގެ ޑިފެންޑަރެއް ދިފާއުކޮށްފި.

'8 - ނެދަލެންޑްސްއަށް ހުސް ފުރުސަތެއް. ބްލިންޑް ނަގައިދިން ހުރަސް، ޕެނަލްޓީ އޭރިއާ ތެރޭ ވަރަށް ހުސްކޮށް ހުރި ޑި ލިގްޓްއަށް ނިންމައިލެވޭ ގޮތް ވެފައެއް ނުވޭ. އޭނާއަށް ގޯލުގެ ތެރެއަށް ބޯޅަ ފޮނުވާލަން ލިބުނީ ވެސް ވަރަށް ހަނި އޭންގަލެއް.

މެޗުގެ ފުރަތަމަ ފަސް މިނެޓުގައި ދެ ޓީމުގެ ފަރާތުން ވެސް ފެނިގެންދިޔައީ ދާދި ހަމަހަމަ ކުޅުމެއް. އެއްވެސް ޓީމަކަށް ލަނޑުޖަހާނެ ފުރުސަތެއް ތަނަވަސްކުރެވިފައެއް ނުވޭ.

ޗެކްގެ ކެޕްޓަން ޑަރީޑާއަށް އަނިޔާވުމުގެ ސަބަބުން މި މެޗުގައި ނުފެންނާނެ. އޭނާގެ ބަދަލުގައި ކެޕްޓަނެއްގެ ދައުރު އަދާކުރަމުން އަންނަނީ ސޯޗެކް.

'2 - ހޮލެސް ދުރުން ފޮނުވާލި ބޯޅަ، ނެދަލެންޑްސް ގޯލާ އަމާޒު ނުވެ ބޭރަށް.

'1 - މާލެން ދިން ބޯޅަ، ޗެކް ރިޕަބްލިކުގެ ގޯލު ހުރަސްކޮށް ބޭރަށް.

މެޗުގެ ކުޅުން ފަށައިފި. ކިކްއޯފް ކުރީ ޗެކް ރިޕަބްލިކުން.