ޔޫރޯ: އިޓަލީ 2-1 އޮސްޓްރިއާ

މެޗުގެ އުސްއަލިތައް

އިތުރު ވަގުތުގެ ދެވަނަ ހާފުގެ ކުޅުން ނިންމާލައިފި. މެޗު ނިމިގެންދިޔައީ 2-1ގެ ނަތީޖާއަކުން އިޓަލީ ކުރީގައި އޮވެގެން. އިޓަލީއަށް ވަނީ ކުއާޓާ ފައިނަލުގެ ޖާގައެއް ކަށަވަރުވެފައި.

މިއީ މި މުބާރާތުގައި އިޓަލީ ކޮޅަށް ވަން ފުރަތަމަ ލަނޑު.

'114 - އޮސްޓްރިއާ އިން ލަނޑެއް ޖަހައި، ލީޑު ހަނިކޮށްފި. ޝައުބް ނަގައިދިން ކޯނަރަކުން ޕެނަލްޓީ އޭރިއާ ތެރެއިން ބޮލުން ފޮނުވާލި ހަމަލާއަކުން އޮސްޓްރިއާއަށް އެ ލަނޑު ކާމިޔާބުކޮށްދިނީ ކަލައިޑިޗް. އޭނާ އެ ބޯޅަ ފޮނުވާލި ގޯލުގެ ހަނި އޭންގަލުން.

'111 - އޮސްޓްރިއާއަށް ރަނގަޅު ފުރުސަތެއް. ޕެނަލްޓީ އޭރިއާ ތެރޭ ހުސްކޮށް ހުރެ ސަބިޓްޒާ ފޮނުވާލި ހަމަލާ، އިޓަލީގެ ގޯލާ އަމާޒުވެފައެއް ނުވޭ.

'106 - އޮސްޓްރިއާގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ޝައުބް ފޮނުވާލި ބާރު ހަމަލާ، އިޓަލީ ކީޕަރު ޑޮނަރުއްމާ ވަނީ ހުޝިޔާރުކަމާއެކު މަތަކޮށްފައި.

މެޗުގެ އިތުރު ވަގުތުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-0ގެ ނަތީޖާއަކުން އިޓަލީ ކުރީގައި އޮވެގެން.

'105 - އިޓަލީން ލީޑު ފުޅާކޮށްފި. އަޗާބީ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން އިޓަލީއަށް އެ ލަނޑު ކާމިޔާބުކޮށްދިނީ ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން ނުކުތް ޕެސީނާ.

'104 - އިޓަލީގެ ނުރައްކާތެރި ހަަމަލާއެއް. ހިލޭ ޖެހުމަކުން ގޯލުގެ މަތީ ކަނަކާ އަމާޒުކޮށް އިންސީނިއާ ފޮނުވާލި ހަމަލާ، އޮސްޓްރިއާގެ ކީޕަރު ބެޗްމަން ވަނީ ހުޝިޔާރުކަމާއެކު މަތަކޮށްފައި.

'95 - އިޓަލީން ލީޑު ހޯދައިފި. ސްޕިނަޒޯލާ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން އިޓަލީއަށް ލީޑު ހޯދައިދިނީ ބަދަލު ކުޅުންތެރިއެއްގެ ގޮތުގައި ދެވަނަ ހާފުގައި ކުޅެން ނުކުތް ކިއޭސާ.

'94 - އިޓަލީއަށް ރަނގަޅު ފުރުސަތެއް. ބެލޮއްޓީ ދިން ބޯޅައަކުން ޕެނަލްޓީ އޭރިއާ ތެރެއިން ކިއޭސާ ފޮނުވާލި ހަމަލާ، އޮސްޓްރިއާގެ ކީޕަރު ބެޗްމަން ވަނީ މަތަކޮށްފައި.

މެޗުގެ އިތުރު ވަގުތުގެ ފުރަތަމަ ހާފުގެ ކުޅުން ފަށައިފި.

ދެވަނަ ހާފުގެ އުސްއަލިތައް

މެޗުގެ ދެވަނަ ހާފުގެ ކުޅުން ނިންމާލައިފި. ދެވަނަ ހާފުގައި ވެސް ދެ ޓީމުންކުރެ އެއްވެސް ޓީމަކަށް ލަނޑެއް ޖެހިފައެއް ނުވޭ. ދެން އޮންނާނީ ދެ ހާފުގެ އިތުރު ވަގުތު.

'90+4 - ޖޯޖީނިއޯއަށް އާނޯޓޮވިޗް ކުރި ފައުލަކާ ގުޅިގެން އިޓަލީއަށް ހިލޭ ޖެހުމެއް. ހިލޭ ޖެހުން ނުރައްކަލެއް ނުވި.

ދެވަނަ ހާފުގެ އިތުރު ވަގުތުގެ ގޮތުގައި ފަސް މިނެޓުގެ ކުޅުން ދައްކައިފި.

'83 - އިޓަލީއަށް ރަނގަޅު ފުރުސަތެއް. ސްޕިނަޒޯލާ ނަގައިދިން ހުރަހަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ ބެރާޑީ ފޮނުވާލި ވޮލީ، އޮސްޓްރިއާގެ ގޯލާ އަމާޒުވެފައެއް ނުވޭ.

'73 - އިޓަލީއަށް އިތުރު ފުރުސަތެއް. އިމޯބިލޭ ދިން ބޯޅައަކުން ޕެނަލްޓީ އޭރިއާ ތެރެއިން އިންސީނިއާ ފޮނުވާލި ހަމަލާ ވެސް އޮސްޓްރިއާގެ ގޯލާ އަމާޒުވެފައެއް ނުވޭ.

'72 - އިޓަލީއަށް ފުރުސަތެއް. ޕެސީނާ ދިން ބޯޅައަކުން ޕެނަލްޓީ އޭރިއާ ބޭރުން ލޮކަޓެލީ ފޮނުވާލި ހަމަލާ ދިޔައީ އޮސްޓްރިއާގެ ގޯލާ އަމާޒުނުވެ ބޭރަށް.

ވީއޭއާރުން ބެލުމަށްފަހު ރެފްރީ ނިންމީ އާނޯޓޮވިޗް އޮފްސައިޑް މަގާމެއްގައި އޮތް ކަމަށް. އެހެންކަމުން އެއީ ގޯލެއް ނޫން ކަމަށް ވަނީ ނިންމާފައި.

'65 - އަލާބާ ބޮލުން ޖައްސާލި ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން އިޓަލީގެ ގޯލަށް އާނޯޓޮވިޗް ވަނީ ބޯޅައެއް ފޮނުވާލާފައި.

'63 - އޮސްޓްރިއާއަށް އިތުރު ފުރުސަތެއް. ޕެނަލްޓީ އޭރިއާ ތެރެއިން ލިބުނު ބޯޅައަކުން އާނޯޓޮވިޗް ފޮނުވާލި ހަމަލާ، އިޓަލީގެ ކީޕަރު ޑޮނަރުއްމާ ވަނީ މަތަކޮށްފައި.

'62 - އޮސްޓްރިއާއަށް ފުރުސަތެއް. ޕެނަލްޓީ އޭރިއާ ބޭރުން ސަބިޓްޒާ ފޮނުވާލި ބާރު ހަމަލާ، ބޮނޫޗީ ވަނީ ބްލޮކްކޮށްފައި.

'56 - އިޓަލީއަށް ފުރުސަތެއް. ކައުންޓާ އެޓޭކެއްގައި އިންސީނިއާ ދިން ބޯޅަ، ޕެނަލްޓީ އޭރިއާ ތެރެއިން ބެރާޑީއަށް ލިބުމުގެ ކުރިން އޮސްޓްރިއާ ކެޕްޓަން އަލަބާ ވަނީ ދިފާއުކޮށްފައި.

'54 - އިންސީނިއާ ދިން ބޯޅައަކުން ޕެނަލްޓީ އޭރިއާ ބޭރުން ސްޕިނަޒޯލާ ފޮނުވާލި ހަމަލާ، އޮސްޓްރިއާގެ ޑިފެންޑަރެއް ބްލޮކްކޮށްފި.

'52 - އޮސްޓްރިއާއަށް ރަނގަޅު ފުރުސަތެއް. އިޓަލީ ގޯލު ކުރިމަތިން ލިބުނު ހިލޭ ޖެހުމަކުން އަލަބާ ފޮނުވާލި ހަމަލާ ދިޔައީ ގޯލުގެ ހުރަސް ދަނޑި މަތިން ބޭރަށް.

'49 - ކައުންޓާ އެޓޭކެއްގައި އޮސްޓްރިއާއަށް ފުރުސަތެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަދެ، ދެ ޑިފެންޑަރުން ކައިރިން ނައްޓާލުމަށްފަހު އާނޯޓޮވިޗަށް ރަނގަޅަށް ބޯޅަ ފޮނުވައިލެވޭ ގޮތް ވެފައެއް ނުވޭ.

މެޗުގެ ދެވަނަ ހާފުގެ ކުޅުން ފަށައިފި.

ފުުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެން.

'43 - އިޓަލީއަށް ފުރުސަތެއް. ޕެނަލްޓީ އޭރިއާ ތެރެއިން ސްޕިނަޒޯލާ ފޮނުވާލި ހަމަލާ، އޮސްޓްރިއާގެ ކީޕަރު ބެޗްމަން ވަނީ މަތަކޮށްފައި.

'39 - އަނެއްކާވެސް އޮސްޓްރިއާ އިން އަންނަނީ އެޓޭކުު ވަރުގަދަކޮށް، އިޓަލީގެ ގޯލަށް ނުރައްކާކުރުމަށް މަސައްކަތްކުރަމުން.

'33 - އިޓަލީގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން އިމޯބިލޭ ފޮނުވާލި ހަމަލާ އަމާޒުވީ އޮސްޓްރިއާ ގޯލުގެ އަރިމަތީ ދަނޑިއަށް.

'25 - އިޓަލީއަށް ރަނގަޅު ފުރުސަތެއް. ވަރަށް ހުސްކޮށް ހުރެ ޕެނަލްޓީ އޭރިއާ ތެރެއިން އިމޯބިލޭއަށް ރަނގަޅަށް ބޯޅަ ކޮންޓްރޯލް ނުކުރެވި އުޅެނިކޮށް، ފަހަތުން އައިސް އޮސްޓްރިއާގެ ކެޕްޓަން އަލަބާ ވަނީ ބޯޅަ ދިފާއުކޮށްފައި.

އިޓަލީން އަންނަނީ ވަރަށް ބޮޑަށް ކުރިއަށް ޖެހި، އޮސްޓްރިއާގެ ގޯލަށް ނުރައްކާ ކުރުމަށް މަސައްކަތްކުރަމުން. ނަމަވެސް އޮސްޓްރިއާގެ ޑިފެންސް ފެންނަނީ ވަރުގަދަކޮށް.

'18 - އޮސްޓްރިއާއަށް ފުރުސަތެއް. ސަބިޓްޒާ ދިން ބޯޅައަކުން ޕެނަލްޓީ އޭރިއާ ބޭރުން އާނޯޓޮވިޗް ފޮނުވާލި ބާރު ހަމަލާ ދިޔައީ އިޓަލީގެ ގޯލާ އަމާޒުނުވެ ބޭރަށް.

'17 - އިޓަލީއަށް ހުސް ފުރުސަތެއް. ސްޕިނަޒޯލާ ދިން ބޯޅައަކުން ޕެނަލްޓީ އޭރިއާ ތެރެއިން ބަރެއްލާ ފޮނުވާލި ހަމަލާ، އޮސްޓްރިއާގެ ކީޕަރު ބެޗްމަން ވަނީ މަތަކޮށްފައި.

'14 - އިޓަލީއަށް ފުރުސަތެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު އިންސީނިއާ ފޮނުވާލި ހަމަލާ، އޮސްޓްރިއާގެ ކީޕަރު ބެޗްމަން ވަނީ މަތަކޮށްފައި.

11' އިޓަލީގެ ހަމަލާއެއް. ޕެނަލްޓީ އޭރިއާ ތެރެއިން ސްޕިނަޒޯލާ ފޮނުވާލި ހަމަލާ، އޮސްޓްރިއާގެ ގޯލާ އަމާޒުވެފައެއް ނުވޭ.

މެޗުގެ ފުރަތަމަ ދިހަ މިނެޓުގެ ތެރޭ ރަނގަޅަށް ކުޅެމުންދިޔައީ އޮސްޓްރިއާ އިން. އިޓަލީއަށް ވަނީ ރަނގަޅަށް ބޯޅަ ހިފަހައްޓައިގެން ކުޅުމަށް އުނދަގޫތަކެއް ކުރިމަތިވެފައި.

ގްރޫޕު ސްޓޭޖުގައި ކުޅުނު ފަހު މެޗުގައި އިޓަލީ ކެޕްޓަން ކިއޭލީނީއަށް އަނިޔާވުމުގެ ސަބަބުން އޭނާ މި މެޗުގައި ނުފެންނާނެ. އޭނާގެ ބަދަލުގައި ކެޕްޓަނެއްގެ ދައުރު އަދާކުރަމުންދަނީ ބޮނޫޗީ.

'2 - ބަރެއްލާއަށް ކުރި ފައުލަކާ ގުޅިގެން އާނޯޓޮވިޗަށް ރީނދޫ ކާޑެއް.

'1 - ބައުމްގާޓްނާ ދިން ބޯޅަ، ޕެނަލްޓީ އޭރިއާ ތެރެއިން ނުރައްކާވުމުގެ ކުރިން އިޓަލީގެ ޑިފެންޑަރުން ދިފާއުކޮށްފި.

މެޗުގެ ކުޅުން ފަށައިފި. ކިކްއޯފް ކުރީ އޮސްޓްރިއާ އިން.