ޔޫރޯ: ސްވިޒަލޭންޑް 3-1 ތުރުކީ

މެޗުގެ އުސްއަލިތައް

މެޗުގެ ކުޅުން ނިންމާލައިފި. ސްވިޒަލޭންޑް މޮޅުވީ 3-1 އިން.

މެޗުގެ އިތުރު ވަގުތަށް ތިން މިނެޓް.

83' ބުރަކް ޔިލްމާޒް އަނެއްކާވެސް ހުސް ފުރުސަތެއް ބޭކާރު ކޮށްލައިފި. އޭރިއާ ތެރޭގައި ހުހަށް ހުރެ ބޮލުން ޖެހި ބޯޅަ ގޯލާ އަމާޒެއް ނުވި. އޭނާ ފެންނަނީ ގިނަ ފުރުސަތުތަކެއް ބޭކާރު ކުރާތަން.

81' އެމްބޯލޯގެ ހަމަލާއެއް. އެ ހަމަލާ ތުރުކީގެ ސޮޔުންޗީ ވަނީ ބްލޮކް ކޮށްލާފައި.

މިއީ ޔޫރޯ މުބާރާތެއްގައި ސްވިޒަލޭންޑުން ހަތަރު ގޯލު ޖެހި ފުރަތަމަ ފަހަރު. އަދި އޮތް ގޮތުން ޔަގީން ޖާގައިގައި ގަދަ 16 އަށް ދާން ސްވިޒަލޭންޑަށް އިތުރު ދެ ގޯލު ޖަހަން ޖެހޭ.

ޒުބާ ތަނަވަސް ކޮށްދިން ފުރުސަތުގައި ޝަގިީރީ ފޮނުވާލި ބޯޅަ އަމާޒުކޮށްލީ މަތީ ދާގަނޑަށް. އަނެއްކާވެސް ޝަގީރީގެ ހިތްގައިމު ގޯލެއް.

68' ސްވިޒަލޭންޑުން ގޯލް ޖަހައި، އަނެއްކާވެސް ލީޑު ފުޅާކޮށްފި. އަނެއްކާވެސް ޝަގީރީގެ ގޯލެއް.

އެ ގޯލަކީ ޔޫރޯ 2020 ގައި ތުރުކީން ޖެހި ފުރަތަމަ ގޯލު.

62 ތުރުކީން ގޯލު ޖަހައި ފަރަގު ކުޑަކޮށް. ގޯލު ޖަހައިދިނީ އިރްފާން ކާން ކައްވޭސީ.

ރޯމްގައި ކުޅެމުންދާ މި ގްރޫޕްގެ އަނެއް މެޗުގައި ވޭލްސް ޑިފެންޑަރު އަމްޕަޑޫއަށް ރަތް ކާޑެއް ދައްކައިފި. މިހާރު ވޭލްސް ކުޅެމުން ދަނީ ކުޅުންތެރިޔަކު މަދުކޮށް. ސްވިޒަލޭންޑަށް އިތުރު ހިތްވަރަކަށް ވާނެ.

57' ޝަގީރީއަށް އިތުރު ފުރުސަތެއް. މިފަހަރު ގޯލާ އަމާޒެއް ނުވި.

50' ތުރުކީއަށް ފުރުސަތެއް. އުންޑާ ނަގައިދިން ބޯޅަ އޭރިއާ ތެރޭގައި ހުރި ބުރަކް ޔިލްމާޒް ފޮނުވާލި ނަމަވެސް ގޯލަށް އަމާޒެއް ނުވި.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

މެޗުގެ ފުރަތަަމަ ހާފްގެ ކުޅުން ނިންމާލައިފި. 2-0 ގެ ނަތީޖާއަކުން ކުރީގައި އޮތީ ސްވިޒަލޭންޑް.

44' ތުރުކީގެ އިތުރު ހަމަލާއެއް. މުލްދޫރުގެ ހަމަލާ މިފަހަރުވެސް މަތަކުރީ ސޮމާ.

ވޭލްސްއާއި އިޓަލީ ކުޅޭ މެޗުގައި އިޓަލީން ލީޑު ނެގުމާއެކު ސްވިޒަލޭންޑް މިހާރު ތިންވަނައިގައި އޮތީ ފައިދާ ގޯލެއްގެ ތަފާތުން.

38' ސްވިޒަލޭންޑްގެ ހަމަލާއެއް. އެމްބޯލޯ ފޮނުވާލި ބޯޅަ ދިޔައީ ގޯލް ކުރިމަތިން ހުރަސް ވެގެން.

33' ސްވިޒަލޭންޑް ކީޕަރު ސޮމާގެ އިތުރު ސޭވްއެއް. ތުރުކީގެ މުލްދޫރް ދުރުން ފޮނުވާލި ހަމަލާ ގޯލްގެ ތިރީ ކަނާ ދިމާލަށް ދިޔަ ނަމަވެސް ސޮމާ ވަނީ މަތަކޮށްފައި.

ސެފަރޮވިޗް ޖެހި ބޯޅައެއްގެ ރީބައުންސްގައި ލިބުނު ފުރުސަތު ޒޫބާ ތަނަވަސްކޮށްލީ ޝަގީރީއަށް. އޭނާ ބޯޅަ ކޮންޓްރޯލް ކޮށްލާފައި ޖެހި ބޯޅަ ކާވް ކޮށްލީ ގޯލްގެ ކަނަށް. ހިތްގައިމު ގޯލެއް.

26' ސްވިޒަލޭންޑުން ލީޑު ފުޅާކޮށްފި. އެ ގޯލް ޖެހީ ޝަގީރީ.

21' ސްވިޒަލޭންޑްގެ ޒޫބާއަށް އިތުރު ފުރުސަތެއް. އެނބުރިލާފައި ފޮނުވާލި ބޯޅަ ދިޔައީ ގޯލްގެ އަރިމަތިން ބޭރަށް.

16' ތުރުކީގެ ނުރައްކާތެރި ހަމަލާއެއް. މުލްދޫރްގެ ބާރު ހަމަލާ ގޯލުގެ ކަނަށް އަމާޒުވާން ދިޔަ ނަމަވެސް ކީޕަރު ސޮމާ ވަނީ ހުޝިޔާރު ކަމާއެކު މަތަކޮށްފައި.

އެންމެފަހުން ތުރުކީން ޔޫރޯ މުބާރާތުގައި ކުޅުނު ހަ މެޗުގެ ތެރެއިން ފަސް މެޗުން ވަނީ ބަލިވެފައި. އެ ފަސް ބަލިވެސް ވީ ތުރުކީއަށް ގޯލެއް ނުޖެހި. ގަދަ 16 ގެ ކުޑަވެސް އުންމީދަކަށް މި މެޗު އަނބުރާލަން ތުރުކީއަށް މަޖުބޫރު

ސްވިޒަލެންޑްގެ އެޓޭކް ފެންނަނީ ވަރުގަދަކޮށް.

އެ ގޯލަކީ ޒޫބާ އަރިމަތިން ޕާސްކޮށްލި ބޯޅައަކުން ސަފެރޮވިޗް ޖެހި ގޯލެއް. އޭރިއާ ރޮނގުމަތިން ކަހަލަ ގޮތަކަށް ސަފެރޮވިޗް ތިރިތިރިން ފޮނުވާލި ހަމަލާ އަމާޒުކޮށްލީ ގޯލުގެ ތިރީ ކަނަށް.

5' ތުރުކީގެ ނުރައްކާތަކަށްފަހު ސްވިޒަލޭންޑްގެ ފުރަތަމަ ހަމަލާފައި ލީޑު ނަގައިފި. ގޯލް ޖަހައިދިނީ ސަފެރޮވިޗް.

4' ތުރުކީގެ އިތުރު ހަމަލާއެއް. ކާން އައިހާން ގޯލަށް ފޮނުވާލި ހަމަލާ މަތަކުރީ ސްވިޒަލޭންޑް ގޯލްކީޕަރު ސޮމާ.

3' ތުރުކީއަށް ފުރުސަތެއް. ހަކާން ޗަލަނޯލޫގެ ކޯނަރުން ތޫފަން ފޮނުވާލި ހަމަލާ ގޯލާ އަމާޒެއް ނުވި.

ދެޓީމަށްވެސް އުންމީދު އޮތީ މެޗުން މޮޅުވެގެން. އެހެންކަމުން މެޗު ފޯރިގަދަ ވާނެ ކަމަށް ބެލެވޭ.

މެޗުގެ ކުޅުން ފަށައިފި.