މެޗުގެ އުސްއަލިތައް
- ލަނޑުޖަހާނެ ގިނަ ފުރުސަތުތަކެއް ތަނަވަސްކުރީ އިޓަލީން.
- އިޓަލީގެ ބެލޮއްޓީ ފޮނުވާލި ހަމަލާ ދިޔައީ ގޯލާ އަމާޒުނުވެ ބޭރަށް.
- ކިއޭސާ ފޮނުވާލި ހަމަލާ، ގޯލު ކުރިމަތިން ވޭލްސްގެ ޑިފެންޑަރު އަމްޕަޑޫ ވަނީ ދިފާއުކޮށްފައި.
- ވޭލްސްއަށް ލިބުނު އެންމެ ރަނގަޅު ފުރުސަތަކީ ކޯނަރެއްގެ ތެރެއިން ގަންޓާއަށް ލިބުނު ފުރުސަތު. އޭނާ ބޮލުން ފޮނުވާލި ހަމަލާ ދިޔައީ ގޯލުގެ ހުރަސް ދަނޑިމަތިން ބޭރަށް.
- އިޓަލީން ލީޑު ހޯދީ ފުރަތަމަ ހާފު ނިމެން ހަ މިނެޓަށް ވެފައި ވަނިކޮށް. އެ ލަނޑު ކާމިޔާބުކޮށްދިނީ ޕެސީނާ.
- ދެވަނަ ހާފުގައި ވެސް އިޓަލީ ފެނުނީ ނުރައްކާކޮށް، ވޭލްސް އިން ރަނގަޅަށް ޑިފެންސް ކުރި.
- ހިލޭ ޖެހުމަކުން އިޓަލީގެ ބެނަޑާސްކީ ފޮނުވާލި ހަމަލާ އަމާޒުވީ ގޯލުގެ އަރިމަތީ ދަނޑިއަށް.
- ބެލޮއްޓީ ފޮނުވާލި ހަމަލާ، ވޭލްސްގެ ކީޕަރު ވޯޑް ވަނީ މަތަކޮށްފައި.
- ދެވަނަ ހާފުގައި ވޭލްސްއަށް ލިބުނު އެންމެ ރަނގަޅު ފުރުސަތަކީ ބޭލްއަށް ލިބުނު ފުރުސަތެއް. އޭނާ ފޮނުވާލި ވޮލީ ދިޔައީ އިޓަލީ ގޯލުގެ ހުރަސް ދަނޑި މަތިން ބޭރަށް.
- މެޗު ނިމެނިކޮށް ބެލޮއްޓީ ފޮނުވާލި ބާރު ހަމަލާ، ވޭލްސްގެ ކީޕަރު ވޯޑް ވަނީ މަތަކޮށްފައި.
މި ނަތީޖާއާއެކު ވޭލްސްއަށް ވަނީ ގްރޫޕުގެ ދެވަނަ ޓީމުގެ ގޮތުގައި ގަދަ 16ގެ ޖާގައެއް ކަށަވަރުވެފައި. ސްވިޒަލެންޑާ ޕޮއިންޓްގެ ގޮތުން އެއްވަރުވެފައި އޮތް ނަމަވެސް، ވޭލްސްއަށް ދެވަނަ ލިބެނީ ގޯލުގެ ތަފާތުން.
މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ 1-0ގެ ނަތީޖާއަކުން އިޓަލީ ކުރީގައި އޮވެގެން.
މެޗުގެ ދެވަނަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި.
'88 - އިޓަލީއަށް ފުރުސަތެއް. ޕެނަލްޓީ އޭރިއާ ބޭރުން ލިބުނު ބޯޅައިން ބެލޮއްޓީ ފޮނުވާލި ބާރު ހަމަލާ، ވޭލްސްގެ ކީޕަރު ވޯޑް ވަނީ މަތަކޮށްފައި.
އިޓަލީން އިތުރު ލަނޑެއް ޖެހިޔަ ނުދިނުމަށް ވޭލްސް އިން އަންނަނީ ވަރުގަދައަށް ޑިފެންސް ކުރަމުން.
'76 - ވޭލްސްއަށް ރަނގަޅު ފުރުސަތެއް. ރޮޑޮން ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ، ބޭލް ފޮނުވާލި ވޮލީ ދިޔައީ އިޓަލީ ގޯލުގެ ހުރަސް ދަނޑި މަތިން ބޭރަށް.
'68 - އިޓަލީއަށް ފުރުސަތެއް. ޖޯޖީނިއޯ ދިން ބޯޅައަކުން ޕެނަލްޓީ އޭރިއާ ތެރެއިން އެމަސަން ފޮނުވާލި ބާރު ހަމަލާ، ވޭލްސްގެ މިޑްފީލްޑަރު ރަމްސީ ވަނީ ބްލޮކްކޮށްފައި.
'65 - އިޓަލީއަށް ރަނގަޅު ފުރުސަތެއް. ކިއޭސާ ދިން ބޯޅައަކުން ޕެނަލްޓީ އޭރިއާ ތެރެއިން ބެލޮއްޓީ ފޮނުވާލި ހަމަލާ، ވޭލްސްގެ ކީޕަރު ވޯޑް ވަނީ މަތަކޮށްފައި.
'55 - ބެނަޑާސްކީއަށް ކުރި ނުރައްކާތެރި ފައުލަކާ ގުޅިގެން ވޭލްސް ޑިފެންޑަރު އަމްޕަޑޫއަށް ރަތް ކާޑެއް.
'54 - ވޭލްސްއަށް ފުރުސަތެއް. އަޗާބީއަށް ހެދުނު ގޯހަކުން ރަމްސީއަށް ބޯޅަ ލިބުނު ނަމަވެސް، ޕެނަލްޓީ އޭރިއާ ތެރެއިން ބޯޅަ ޖައްސާނެ ވޭލްސްގެ އިތުރު ކުޅުންތެރިއެއް ނެތް. އިޓަލީގެ ޑިފެންޑަރުން ވަނީ އެ ބޯޅަ ދިފާއުކޮށްފައި.
'53 - އިޓަލީގެ ނުރައްކާތެރި ހަމަލާއެއް. ހިލޭ ޖެހުމަކުން ބެނަޑާސްކީ ފޮނުވާލި ހަމަލާ އަމާޒުވީ ގޯލުގެ އަރިމަތީ ދަނޑިއަށް.
މެޗުގެ ދެވަނަ ހާފުގެ ކުޅުން ފަށައިފި.
ފުރަތަމަ ހާފުގެ އުސްއަލިތައް
- ލަނޑުޖަހާނެ ގިނަ ފުރުސަތުތަކެއް ތަނަވަސްކުރީ އިޓަލީން
- އިޓަލީގެ ބެލޮއްޓީ ފޮނުވާލި ހަމަލާ ދިޔައީ ގޯލާ އަމާޒުނުވެ ބޭރަށް
- ކިއޭސާ ފޮނުވާލި ހަމަލާ، ގޯލު ކުރިމަތިން ވޭލްސްގެ ޑިފެންޑަރު އަމްޕަޑޫ ވަނީ ދިފާއުކޮށްފައި
- ވޭލްސްއަށް ލިބުނު އެންމެ ރަނގަޅު ފުރުސަތަކީ ކޯނަރެއްގެ ތެރެއިން ގަންޓާއަށް ލިބުނު ފުރުސަތު. އޭނާ ބޮލުން ފޮނުވާލި ހަމަލާ ދިޔައީ ގޯލުގެ ހުރަސް ދަނޑިމަތިން ބޭރަށް.
- އިޓަލީން ލީޑު ހޯދީ ފުރަތަމަ ހާފު ނިމެން ހަ މިނެޓަށް ވެފައި ވަނިކޮށް. އެ ލަނޑު ކާމިޔާބުކޮށްދިނީ ޕެސީނާ.
މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0ގެ ނަތީޖާއަކުން އިޓަލީ ކުރީގައި އޮވެގެން.
'39 - އިޓަލީން ލީޑު ހޯދައިފި. ހިލޭ ޖެހުމަކުން ވެރާޓީ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން އިޓަލީއަށް އެ ލަނޑު ކާމިޔާބުކޮށްދިނީ ޕެސީނާ.
'28 - އިޓަލީއަށް ހުސް ފުރުސަތެއް. ބަސްޓޯނީ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ކިއޭސާ ފޮނުވާލި ހަމަލާ، ގޯލު ކުރިމަތިން ވޭލްސްގެ ޑިފެންޑަރު އަމްޕަޑޫ ވަނީ ދިފާއުކޮށްފައި.
'27 - ވޭލްސްއަށް ފުރުސަތެއް. ޖޭމްސް ނަގައިދިން ހުރަހަކުން ޕެނަލްޓީ އޭރިއާ ތެރެއިން ގަންޓާ ބޮލުން ފޮނުވާލި ހަމަލާ ދިޔައީ އިޓަލީ ގޯލުގެ ހުރަސް ދަނޑި މަތިން ބޭރަށް.
24' އިޓަލީއަށް ފުރުސަތެއް. ބެނަޑާސްކީ ދިން ބޯޅައަކުން ޕެނަލްޓީ އޭރިއާ ތެރެއިން ބެލޮއްޓީ ފޮނުވާލި ހަމަލާ ދިޔައީ ގޯލާ އަމާޒުނުވެ ބޭރަށް.
23' ވޭލްސްއަށް ރަނގަޅު ފުރުސަތެއް. ޖޯ އެލަން ދިން ބޯޅަ، ޕެނަލްޓީ އެރިއާ ތެރެއިން ރަމްސީ ނުރައްކާކުރުމުގެ ކުރިން އިޓަލީގެ ޑިފެންޑަރުން ވަނީ ދިފާއުކޮށްފައި.
'14 - އިޓަލީގެ ހަމަލާއެއް. އެމަސަން ދުރުން ފޮނުވާލި ހަމަލާ އަމާޒުވީ ވޭލްސްގެ ކީޕަރު ވޯޑްއާ ދިމާއަށް.
'12 - ބަސްޓޯނީ ދިން ބޯޅަ، ވޭލްސްގެ ޕެނަލްޓީ އޭރިއާ ތެރެއިން ބެލޮއްޓީއަށް ލިބޭ ގޮތެއް ނުވި.
ގަދަ 16ގެ ޖާގައެއް ހޯދުމަށް މި މެޗަކީ ވޭލްސްއަށް ވަރަށް މުހިންމު މެޗެއް. އަދި އިޓަލީއަށް ގްރޫޕުގެ އެއްވަނަ ކަށަވަރުކުރުމަށް މި މެޗު މުހިންމު.
މެޗުގެ ފުރަތަމަ ފަސް މިނެޓުގެ ތެރެ ދެ ޓީމުން ކުރެ އެއްވެސް ޓީމަކަށް ލަނޑުޖަހާނެ ފުރުސަތެއް ތަނަވަސް ކުރެވިފައެއް ނުވޭ.
މެޗުގެ ކުޅުން ފަށައިފި.
ޔޫރޯ 2020 ގެ ގްރޫޕް އޭގައި އިޓަލީއާއި ވޭލްސް ވާދަކުރާ މެޗުގެ ލައިވް ބްލޮގަށް "ވަން" ގެ ކިޔުންތެރިންނަށް މަރުހަބާ!
މިރޭގެ މެޗަށް ނުކުންނައިރު އިޓަލީ އޮތީ ގަދަ 16 ޔަގީން ކޮށްފައި. މިރޭ ބަލިނުވެއްޖެ ނަމަ އިޓަލީއަށް ގްރޫޕް އެއްވަނަ ޔަގީންވާނެ. ވޭލްސްއަށް ގަދަ 16 ޔަގީން ކުރުމަށް އޮތް އެންމެ ފަސޭހަ ގޮތަކީ މޮޅުވުން. އޭރުން ގްރޫޕް އެއްވަނައިގައި ގަދަ 16 އަށް ދެވޭނެ. ވޭލްސްއިން އިޓަލީއާ އެއްވަރުކޮށްގެންވެސް ޔަގީން ދެ ޖާގައިގައި ގަދަ 16 އަށް ދެވޭނެ. އެކަމަކު އެއީ ސްވިޒަލޭންޑަށް ތުރުކީ ބަލި ނުކުރެވިއްޖެ ނަމަ. ވޭލްސް ބަލިވެ، ސްވިޒަލޭންޑް މޮޅުވެއްޖެ ނަމަ، ސްވިޒަލޭންޑަށް ގަދަ 16 ޔަގީން ކުރެވޭނެ. ސްވިޒަލޭންޑާއި ތުރުކީ ވާދަކުރާ މެޗުވެސް މިގަޑީގައި ކުރިއަށްދާނެ.
މެޗު އޮންނާނީ އިޓަލީގެ ރޯމްގައި.
ދެޓީމުން މިހާތަނަށް ޔޫރޯގައި ކުޅުނު މެޗުތަކަށް ނަޒަރެއް
- ރޯމްގައި ކުޅުނު ފުރަތަމަ މެޗުގައި އިޓަލީ ތުރުކީ ކައިރިން މޮޅުވީ 3-0 އިން
- ގޯލްތައް ޖެހީ އިމޯބިލޭއާއި އިންސީނިއާ، އަނެއް ގޯލަކީ ތުރުކީ ޑިފެންޑަރު މެރިހް ޑެމިރަލް އަތުން ބައިކޮޅަށް ވަން ގޯލެއް
- ދެވަނަ މެޗުވެސް އިޓަލީ ކުޅުނީ ހޯމްގައި
- އެ މެޗުގައި ސްވިޒަލޭންޑް ބަލިކުރީވެސް 3-0 އިން
- މިހާތަނަށް މުބާރާތުގައި އިޓަލީ ކޮޅަށް ގޯލެއް ނުވަދޭ
- ވޭލްސް ފުރަތަމަ ސްވިޒަލޭންޑާ ދެކޮޅަށް ކުޅުނު މެޗު ނިމުނީ 1-1 އިން އެއްވަރުވެގެން
- އެ މެޗުގައި ވޭލްސްއަށް ގޯލް ޖަހައިދިނީ ކާޑިފް ސިޓީގެ ފޯވަޑް މޫރު
- ދެވަނައަކަށް ކުޅުނު މެޗުގައި ތުރުކީ ބަލިކުރީ 2-0 އިން
- މެޗުގައި ގޯލްތައް ޖަހައިދިނީ ރެމްސީއާއި ކޯނޯ ރޮބާޓްސް
- މެޗުގައި ވޭލްސް ކެޕްޓަން މޮޅަށް ކުޅުނު
ވަރުގަދަ ބެލްޖިއަމުން ފުރުސަތުތައް ބޭކާރުކޮށްލައި, ސްލޮވާކިއާގެ އަތްދަށުވެއްޖެ
ދިރާގުން ޔޫރޯ އާއި އީދަށް ހާއްސަ އޮފާތަކެއް
ތުރުކީން އިޓަލީ އާއެކު 2032ގެ ޔޫރޯ ބާއްވަން ބިޑުކުރާތީ 2028ގެ ޔޫރޯ ޔޫކޭއާއި އަޔަލޭންޑްގައި
ވޯލްޑް ކަޕަށްފަހުވެސް ހުއްޓާނުލާނަން، ޔޫރޯ 2024 ގައިވެސް ކުޅެން ބޭނުން: ރޮނާލްޑޯ
ގެވެށި އަނިޔާގެ މައްސަލައެއް ތެރޭގައި ހުރި ގިގްސް، ވޭލްސްގެ ކޯޗުކަން ރަސްމީކޮށް ދޫކޮށްލައިފި
