ޔޫރޯ: ބެލްޖިއަމް 2-1 ޑެންމާކް

މެޗުގެ އުސްއަލިތައް

'90 - ޑެންމާކަށް އިތުރު ފުރުސަތެއް. ޕެނަލްޓީ އޭރިއާ ބޭރުން ޖެންސެން ފޮނުވާލި ބާރު ހަމަލާ، ބެލްޖިއަމް ގޯލާ އަމާޒުވެފައެއް ނުވޭ.

'87 - ޑެންމާކް ފޯވަޑް ބްރެތުވެއިޓްގެ ހަމަލާއެއް ބެލްޖިއަމް ގޯލުގެ ހުރަސްދަނޑިއަށް. އޭނާ އެ ހަމަލާ ފޮނުވާލީ އޮލްސަން ނަގައިދިން ހުރަހަކުން ޕެނަލްޓީ އޭރިއާ ތެރޭ ހުރެ ބޮލުން.

'76 - ޑެންމާކަށް އިތުރު ފުރުސަތެއް. ޕެނަލްޓީ އޭރިއާ ތެރެއަށް ވަނުމަށްފަހު ބްރެތުވެއިޓް ފޮނުވާލި ހަމަލާ، ބެލްޖިއަމް ޑިފެންޑަރު އަލްޑަވެރާލްޑް ޓެކަލްކޮށް ވަނީ ދިފާއުކޮށްފައި.

'74 - ޑެންމާކަށް ފުރުސަތެއް. ކޯނެލިއަސް ދިން ބޯޅައަކުން ޕެނަލްޓީ އޭރިއާ ތެރެއިން ބްރެތުވެއިޓް ފޮނުވާލި ހަމަލާ، ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި.

'70 - ބެލްޖިއަމުން ލީޑު ހޯދައިފި. ހަޒާޑް ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ބެލްޖިއަމަށް އެ ލަނޑު ކާމިޔާބުކޮށްދިނީ ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން ނުކުތް ކެވިން ޑި ބްރޭނާ.

'68 - ޑެންމާކުގެ ހަމަލާއެއް. ޕެނަލްޓީ އޭރިއާ ބޭރުން މައޭލާ ފޮނުވާލި ހަމަލާ، ބެލްޖިއަމްގެ ކީޕަރު ކޯޓުވާ ވަނީ މަތަކޮށްފައި.

'54 - ބެލްޖިއަމުން ނަތީޖާ ހަމަހަމަކޮށްފި. ޑި ބްރޭނާ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ބެލްޖިއަމަށް އެ ލަނޑު ކާމިޔާބުކޮށްދިނީ ތޯގަން ހަޒާޑް. ޑެންމާކްގެ ޕެނަލްޓީ އޭރިއާ ތެރެއިން ބޯޅަ ލިބުނު އިރު، ހަޒާޑް ހުރީ ވަރަށް ހުސްކޮށް.

'49 - ބެލްޖިއަމަށް ފުރުސަތެއް. ޓިއެލެމަންސް ނަގައިދިން ހުރަހަކުން ޕެނަލްޓީ އޭރިއާ ތެރެއިން މުނިއޭ ބޮލުން ފޮނުވާލި ހަމަލާ، ޑެންމާކުގެ ގޯލާ އަމާޒުވެފައެއް ނުވޭ.

މެޗުގެ ދެވަނަ ހާފުގެ ކުޅުން ފަށައިފި. ބެލްޖިއަމުން ވަނީ ބަދަލެއް ގެނެސްފައި. މާޓެންސްގެ ބަދަލުގައި ކުޅެން ނުކުތީ އެޓީމުގެ ތަރި ކެވިން ޑިބްރޭނާ.

މެޗުގެ ދެވަނަ ހާފުގެ ކުޅުން ފަށައިފި. ބެލްޖިއަމުން ވަނީ ބަދަލެއް ގެނެސްފައި. މާޓެންސްގެ ބަދަލުގައި ކުޅެން ނުކުތީ އެޓީމުގެ ތަރި ކެވިން ޑިބްރޭނާ.

ފުރަތަމަ ހާފުގެ އުސްއަލިތައް

ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 1-0ގެ ނަތީޖާއަކުން ޑެންމާކް ކުރީގައި އޮވެގެން.

ޑެންމާކުން މިރޭގެ މެޗުގައި ލީޑު ނެގީ އެއް މިނެޓާއި 39 މިނެޓް ތެރޭގައި. ޕައުލްސަން ޖެހި އެ ގޯލަކީ ޔޫރޯ ތާރީހުގައި ދެވަނައަށް އެންމެ އަވަސް ގޯލު. ޔޫރޯގެ އެންމެ އަވަސް ގޯލް 2004 ވަނަ އަހަރު މުބާރާތުގައި ޖެހީ ރަޝިއާގެ ޑިމިޓްރީ ކިރިޗެންކޯ. އެއީ ގްރީސް ކޮޅަށް ޖެހި ގޯލެއް.

'35 - ޑެންމާކަށް ފުރުސަތެއް. ޕެނަލްޓީ އޭރިއާ ތެރެއިން ޑެމްސްގާޑް ފޮނުވާލި ހަމަލާ ދިޔައީ ބެލްޖިއަމް ގޯލުގެ އަރިމަތީ ދަނޑި ކައިރިން ބޭރަށް.

މެޗުގެ 30 މިނެޓުގެ ކުޅުން ނިމިގެންދިޔަ އިރު، ބެލްޖިއަމަށް ލަނޑުޖަހާނެ ރަނގަޅު ފުރުސަތެއް ތަނަވަސްކުރެވިފައެއް ނުވޭ.

'16 - ޑެންމާކަށް އިތުރު ފުރުސަތެއް. މައޭލާ ނަގައިދިން ހުރަހަކުން ޕެނަލްޓީ އޭރިއާ ތެރެއިން ބްރެތުވެއިޓް ބޮލުން ފޮނުވާލި ހަމަލާ، މިފަހަރުވެސް ބެލްޖިއަމް ގޯލާ އަމާޒުވެފައެއް ނުވޭ.

'13 - ޑެންމާކުގެ ހަމަލާއެއް. ޕޮލްސަން ދިން ބޯޅައަކުން ޕެނަލްޓީ އޭރިއާ ތެރެއިން ޑެމްސްގާޑް ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

ޑެންމާކުގެ ތަރި ކްރިސްއަން އެރިކްސަންގެ ހަނދާން އާކުރުމަށް ވަގުތުކޮޅަކަށް ކުޅުން މެދުކަނޑާލުމަށްފަހު އަލުން ފަށައިފި.

'6 - ޑެންމާކަށް އިތުރު ފުރުސަތެއް. މައޭލީ ނަގައިދިން ހުރަހަކުން ޕެނަލްޓީ އޭރިއާ ތެރެއިން ޑެނިއަލް ވާސް ބޮލުން ފޮނުވާލި ހަމަލާ، ބެލްޖިއަމްގެ ގޯލާ އަމާޒުވެފައެއް ނުވޭ.

'5 - ޑެންމާކަށް ދެ ފުރުސަތެއް. ޕެނަލްޓީ އޭރިއާ ތެރެއިން މަައޭލީ ފޮނުވާލި ހަމަލާ ބެލްޖިއަމްގެ ކީޕަރު ކޯޓުވާ މަތަކުރި އިރު، ބްރެތުވެއިޓްއަށް ފޮނުވާލި ހަމަލާ ގޯލާ އަމާޒުވެފައެއް ނުވޭ.

'2 - ޑެންމާކުން ލީޑު ހޯދައިފި. ހޮއިބިއާ ދިން ބޯޅައަކުން ބެލްޖިއަމްގެ ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޑެންމާކަށް އެ ލަނޑު ކާމިޔާބުކޮށްދިނީ ޕޮލްސަން.

މެޗުގެ ކުޅުން ފަށައިފި.

ބެލްޖިއަމްގެ ފަރާތުން ކެޕްޓަން ވާޓޮންގެން، ޑެންމާކުގެ ކެޕްޓަން ކެޔާއަށް ބެލްޖިއަމް ކުޅުންތެރިން ސޮއިކޮށްފައިވާ ކްރިސްޓިއަން އެރިކްސަންގެ ޖާޒީއެއް ހަދިޔާކޮށްފި.

މެޗުގެ ކުރިން ދަނޑުމަތިން ޑެންމާކް ޕްލޭމޭކަރު އެރިކްސަންގެ ނަންބަރު ޖެހި ޖާޒީ ދައްކާލައިފި.