ޔޫރޯ: ޔޫކްރެއިން 2-1 ނޯތު މެސަޑޯނިއާ

މެޗުގެ އުސްއަލިތައް

މެޗުގެ ފުރިހަމަ ވަގުތުގެ ކުޅުން ނިންމާލައިފި. މެޗު ނިމިގެންދިޔައީ 2-1ގެ ނަތީޖާއަކުން ޔޫކްރޭން ކުރީގައި އޮވެގެން.

ދެވަނަ ހާފުގެ އިތުރު ވަގުތުގެ ގޮތުގައި ހަތަރު މިނެޓުގެ ކުޅުން ދައްކައިފި.

83' މެލިނޯވްސްކީގެ ޕެނެލްޓީ ނޯތު މެސަޑޯނިއާގެ ގޯލްކީޕަރު ޑިމިޓްރިއޭވްސްކީ ވަނީ ހުޝިޔާރުކަމާއެކު މަތަކޮށްފައި.

ވީއޭއާރް ބަލައި ނޯތު މެސަޑޯނިއާގެ އަލިއޯސްކޯ އަތުގައި ޖެހުނު ކަމަށް ބަލައި ރެފްރީ ވަނީ ޔޫކްރެއިނަށް ޕެނެލްޓީއެއް ދީފައި.

80' ވީއޭއާރްގެ އެހީގައި ރެފްރީ ޕެނެލްޓީ ޗެކް ކުރުމަށް ސްކްރީން ކައިރިއަށް ގޮސްފި. ނޯތު މެސަޑޯނިއާ އޭރިއާ ތެރެއިން ޑިފެންޑަރަކު އަތުގައި ޖެހުނުތޯ ރެފްރީ ދަނީ ބަލަމުން.

'74 - ޔޫކްރޭނަށް ހުސް ފުރުސަތެއް. މަލިނޯވްސްކީ ދިން ބޯޅައަކުން ޕެނަލްޓީ އޭރިއާ ތެރޭ ހުސްކޮށް ހުރެ ސިގަންކޯވް ފޮނުވާލި ހަމަލާ، ނޯތު މެސަޑޯނިއާގެ ގޯލާ އަމާޒުވެފައެއް ނުވޭ.

މެޗުގައި ޔާމަލެންކޯ ޖެހި ގޯލަކީ ގައުމީ ޖާޒީގައި އޭނާ ޖެހި 42 ވަނަ ގޯލު. އެ ގޯލާއެކު ގައުމީ ޓީމަށް އެންމެ ގިނަ ގޯލު ޖަހާފައިވާ ޓީމުގެ ކޯޗު ޝެވްޗެންކޯގެ ރެކޯޑާ ހަމަކުރަން ޔާމަލެންކޯއަށް ބޭނުންވަނީ އެންމެ ހަ ގޯލު.

'68 - ނޯތު މެސަޑޯނިއާގެ ހަމަލާއެއް. ޕެނަލްޓީ އޭރިއާ ބޭރުން ޓްރަޖްކޮވްސްކީ ފޮނުވާލި ހަމަލާ، ޔޫކްރޭން ކީޕަރު ބުޝްޗާން ވަނީ މަތަކޮށްފައި.

'65 - ޔޫކްރޭނަށް ފުރުސަތެއް. ކަރަވައޭވް ދިން ބޯޅައަކުން ޕެނަލްޓީ އޭރިއާ ތެރެއިން މަލިނޯވްސްކީ ފޮނުވާލި ހަމަލާ، ނޯތު މެސަޑޯނިއާގެ ކީޕަރު ޑިމިޓްރިއޭވްސްކީ ވަނީ މަތަކޮށްފައި.

ބަދަލުތަކާއެކު މި ހާފުގައި ނޯތު މެސަޑޯނިއާ އިން އަންނަނީ ރަނގަޅު ކުޅުމެއް ދައްކަމުން.

'57 - ނޯތު މެސަޑޯނިއާ އިން ލަނޑެއް ކާމިޔާބުކޮށް، ފަރަގު ކުޑަކޮށްފި. އަލިއޮސްކީ ފޮނުވާލި ޕެނަލްޓީ، ޔޫކްރޭން ކީޕަރު ބުޝްޗާން މަތަކުރި ނަމަވެސް، އޭނާ ވަނީ ރީބައުންސް ބޯޅަ ގޯލުގެ ތެރެއަށް ފޮނުވާލާފައި.

'55 - ނޯތު މެސަޑޯނިއާއަށް ޕެނަލްޓީއެއް. ޕެނަލްޓީ އޭރިއާ ބޭރުން ޓްރަޖްކޮވްސްކީ ފޮނުވާލި ހަމަލާ، ޔޫކްރޭން ކީޕަރު ބުޝްޗާން ހުޝިޔާރުކަމާއެކު މަތަކުރި ނަމަވެސް، ރީބައުންސް ބޯޅަ ހޯދުމަށް ޕެނަލްޓީ އޭރިއާ ތެރެއިން ޕަންޑޭވްއަށް ކަރަވައޭވް ކުރި ފައުލާ ގުޅިގެން ނޯތު މެސަޑޯނިއާއަށް ވަނީ ޕެނަލްޓީއެއް ލިބިފައި.

'51 - ޔޫކްރޭންގެ ނުރައްކާތެރި ހަމަލާއެއް. މަލިނޮވީސްކީ ފޮނުވާލި ހިލޭ ޖެހުން، ނޯތު މެސަޑޯނިއާގެ ކީޕަރު ޑިމިޓްރިއޭވްސްކީ ވަނީ މަތަކޮށްފައި.

'47 - ނޯތު މެސަޑޯނިއާއަށް ފުރުސަތެއް. ޕަންޑޭވް ދިން ބޯޅައަކުން ޕެނަލްޓީ އޭރިއާ ތެރެއިން އަޑެމީ ފޮނުވާލި ހަމަލާ، ޔޫކްރޭންގެ ކީޕަރު ބުޝްޗާން ވަނީ ހުޝިޔާރުކަމާއެކު މަތަކޮށްފައި.

މެޗުގެ ދެވަނަ ހާފުގެ ކުޅުން ފަށައިފި.

ފުރަތަމަ ހާފުގެ އުސްއަލިތައް

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 2-0ގެ ނަތީޖާއަކުން ޔޫކްރޭން ކުރީގައި އޮވެގެން.

'43 - ޕެނަލްޓީ އޭރިއާ ތެރެއަށް ޑައިވް ކުރުމުން ޔޫކްރޭނުގެ ޝަޕަރެންކޯއަށް ރީނދޫ ކާޑެއް.

'40 - ޔޫކްރޭނަށް ފުރުސަތެއް. ޒިންޗެންކޯ ދިން ބޯޅައަކުން ޕެނަލްޓީ އޭރިއާ ތެރެއިން ކަރަވައޭވް ފޮނުވާލި ހަމަލާ، ނޯތު މެސެޑޯނިއާގެ ކީޕަރު ޑިމިޓްރިއޭވްސްކީ ވަނީ މަތަކޮށްފައި.

'39 - ޕެނަލްޓީ އޭރިއާ ތެރެއިން ޕަންޑޭވް، ޔޫކްރޭންގެ ކީޕަރު ބުޝްޗާންގެ ބޯމަތިން ގޯލުގެ ތެރެއަށް ބޯޅަ ފޮނުވާލި ނަމަވެސް، ބޯޅަ ލިބުނުއިރު އޭނާ އޮފްސައިޑު މަގާމެއްގައި ހުރުމުން ރެފްރީ ވަނީ ގޯލެއް ނޫން ކަމަށް ނިންމާފައި.

'34 - ޔޫކްރޭނުން ލީޑު ފުޅާކޮށްފި. ޔަމަލެންކޯ ދިން ބޯޅައަކުން ޕެނަލްޓީ އޭރިއާ ތެރެއިން ފޮނުވާލި ހަމަލާއަކުން ޔޫކްރޭނަށް އެ ލަނޑު ކާމިޔާބުކޮށްދިނީ ޔަރެމްޗުކް.

29' ޔޫކްރެއިން ލީޑު ނަގައިފި. ކޯނަރަކުން ހުރަސްވި ބޯޅަ ގޯލަށް ވައްދާލީ ޔާމަލެންކޯ. ޕެނަލްޓީ އޭރިއާ ތެރެއިން ބޯޅަ ލިބުނު އިރު، އޭނާ ހުރީ ވަރަށް ހުސްކޮށް.

27' ޔޫކްރެއިންއަށް ފަހި ފުރުސަތއް. ޔާމަލެންކޯ ހުސްކޮށް އޮވެ ފޮނުވާލި ހަމަލާ، ކުރިއަށް ޖެހި ދިފާއުކުރީ ނޯތު މެސަޑޯނިއާގެ ގޯލްކީޕަރު.

21' ޔާމަލެންކޯ އަރިމަތިން ވަދެ ޖެހި ހަމަލާ ނޯތު މެސަޑޯނިއޯ ޑިފެންޑަރު ބްލޮކް ކުރުމުން ގޯލާ ދިމާލަށް ދިޔައީ މަޑުމަޑުން.

'17 - ނޯތު މެސަޑޯނިއާއަށް ފުރުސަތެއް. ނިކޮލޯވް ދިން ބޯޅައަކުން ޕެނަލްޓީ އޭރިއާ ތެރެއިން އެލްމާސް ފޮނުވާލި ހަމަލާ ދިޔައީ ޔޫކްރޭން ގޯލުގެ އަރިމަތީ ދަނޑި ކައިރިން ބޭރަށް.

'15 - ނޯތު މެސަޑޯނިއާގެ ހަމަލާއެއް. ޕެނަލްޓީ އޭރިއާ ބޭރުން ބާރްދީ ފޮނުވާލި ބާރު ހަމަލާ، އޭރިއާ ތެރެއިން ޔޫކްރޭނުގެ ޑިފެންޑަރެއް ގައިގައި ޖެހި ވަނީ ބްލޮކްވެފައި.

'11 - ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު ޔަރެމްޗުކް ނުރައްކާކުރުމުގެ ކުރިން ނޯތު މެސަޑޯނިއާގެ ޑިފެންޑަރު ރިސްޓޮވްސްކީ ޓެކަލްކޮށް ދިފާއުކޮށްފި.

'8 - ޔޫކްރޭނަށް ފުރުސަތެއް. ޒިންޗެންކޯ ދިން ބޯޅައަކުން ޕެނަލްޓީ އޭރިއާ ބޭރުން މަލިނޯވްސްކީ ފޮނުވާލި ހަމަލާ، ނޯތު މެސަޑޯނިއާގެ ކީޕަރު ޑިމިޓްރިއެވްސްކީ ވަނީ މަތަކޮށްފައި.

'3 - އަލިއޮސްކީ ދިން ބޯޅަ، ޕެނަލްޓީ އޭރިއާ ތެރެއިން އަލްމާސްއަށް ލިބުމުގެ ކުރިން ޔޫކްރޭނުގެ ކީޕަރު ބުޝްޗާން ހޯދައިފި.

މެޗުގެ ކުޅުން ފަށައިފި. ކިކްއޯފް ކުރީ ނޯތު މެސަޑޯނިއާ އިން.