ޔޫރޯ: ފިންލޭންޑް 1-0 ޑެންމާކު

މެޗުގެ އުސްއަލިތައް:

މެޗު ނިމިއްޖެ. ފިންލެންޑުން މެޗު ކާމިޔާބުކުރީ 1-0 ގެ ނަތީޖާއަކުން.

މެޗުގެ އިތުރު ވަގުތަށް ހަތަރު މިނެޓް ދައްކައިފި.

86' ޕައުލްސަންއަށް ރަނުގެ ފުރުސަތެއް. އޭރިއާ ތެރެއަށް ނަގައިދިން ބޯޅަ އޭނާއަށް ލިބުނު ނަމަވެސް ފޮނުވާލުމުގެ ކުރިން ޑިފެންޑަރު ވަނީ ބޭރުކޮށްލާފައި.

ޑެންމާކުން ދަނީ ގޯލަކަށް ބުރަކޮށް މަސައްކަތް ކުރަމުން. އެހެންނަމަވެސް އަދިވެސް ފިންލޭންޑްގެ ޑިފެންސިވް ފާރު ފޫއަޅުވާލެވޭ ގޮތެއް ނުވޭ.

78' ޑެންމާކުގެ ހަމަލާއެއް. އަރިމަތިން ބްރައިޓްވެއިތު އަރިމަތިން އަރައި ފޮނުވާލި ހަމަލާ ސީދާ ގޯލްކީޕަރު އަތަށް.

73' ހޮއިބިއާ ޖެހި ޕެނަލްޓީ ފިންލޭންޑް ކީޕަރު ޖޮރޮނެން ވަނީ މަތަކޮށްފައި.

72' ޑެންމާކަށް ޕެނެލްޓީއެއް. ފިންލޭންޑް ޑިފެންޑަރު އަރަޖޫރީ ޕައުލްސަންއަށް ކުރި ފައުލަކަށް ރެފްރީ ވަނީ ޕެނެލްޓީ ދީފައި.

69' ޑެންމާކުގެ ދުރު ހަމަލާއެއް. ހޮއިބިއާ އޭރިއާ ބޭރުން ފޮނުވާލި ހަމަލާ މިފަހަރުވެސް ދިޔައީ މަތިން.

އެއީ ފިންލޭންޑްގެ ފުރަތަމަ ހަމަލާ، ކައުންޓާގައި ކުރިއަށް އަރައި ގޯލަށް ފުރުސަތު ފަހި ކޮށްދިނީ ޖެރޭ އުރޮނެން.

60' ފިންލޭންޑް ލީޑު ނަގައިފި. އެ ގޯލު ޖަހައިދިނީ ޖޮއެލް ޕޮޖަންޕާލޯ.

ޑެންމާކުން ދަނީ ގޯލަކަށް ބުރަކޮށް މަސައްކަތް ކުރަމުން. ފިންލޭންޑުން ވަރަށް ބޮޑަށް ޑިފެންސަށް ސަމާލުކަންދީ ކުޅެމުންދާތީ ޑެންމާކަށް ވަނީ ގޯލެއް ޖެހުމަށް އުނދަގޫވެފައި.

ޑެންމާކުގެ ނުރައްކާތެރި ހަމަލާއެއް. ޑެނިއަލް ވަސް އޭރިއާ ބޭރުން ފޮނުވާލި ހަމަލާ ދިޔައީ މަތިން ބޭރަށް.

ދެވަނަ ހާފްގެ ކުޅުން ފަށައިފި. ހާފްޓައިމް ކުރުކުރީ މެޑިކަލް އެމަޖެންސީގެ ސަބަބުން.

ފުރަތަމަ ހާފުގެ އުސްއަލިތައް:

މެޗުގެ ފުރަތަމަ ހާފުގެ ބާކީ ހަތަރު މިނެޓުގެ ކުޅުމަށްފަހު، ހާފު ނިންމާލައިފި. ފުރަތަމަ ހާފު ނިމުނު އިރު، ދެ ޓީމުންކުރެ އެއްވެސް ޓީމަކަށް ގޯލެއް ޖެހިފައެއް ނުވޭ.

މެޗުގެ ބާކީ ބައި ރާއްޖޭ ގަޑިން މިރޭ 11:30 ގައި ފެށުމަށް ޔޫއެފާ އިން ނިންމައިފި.

ފުރަތަމަ ފުރިހަމަ ކުރާނީ މެޗު މެދުކަނޑާލި އިރު، ބާކީ އޮތް ފުރަތަމަ ހާފުގެ ހަތަރު މިނެޓުގެ ކުޅުން.

ޔޫއެފާ އިން ދެންމެ ނެރުނު ބަޔާނެއްގައި ބުނީ މި މެޑިކަލް އިމަޖެންސީއާ ގުޅިގެން ދެ ޓީމާއި މެޗު އޮފިޝަލުންނާ މަޝްވަރާކޮށް މިރޭ އިތުރު މައުލޫމާތު ފޯރުކޮށްދޭނެ ކަމަށް.

މިހާރު އެރިކްސަން ސްޓޭޑިއަމްއާ ކައިރި ހޮސްޕިޓަލަކަށް ގެންގޮސްފައިވާ ކަމަށާއި އޭނާގެ ހާލު މިހާރު ސްޓޭބަލް ކަމަށް ޔޫއެފާ އިން މައުލޫމާތުދޭ.

އެ މެޗުގެ ބާކީ ބައި ފުރިހަމަ ކުރާނެ ވަގުތެއް އަދި ޔޫއެފާ އިން އިއުލާންކޮށްފައެއް ނުވޭ.

އިތުރު ފަރުވާއަށް އެރިކްސަން ދަނޑުން ބާލައި، ދެ ޓީމުގެ ކުޅުންތެރިން ވެސް ވަނީ ދަނޑުން ފާބާފައި.

އެރިކްސަނަށް ފަރުވާދެމުން އަންނަ އިރު، ދެ ޓީމުގެ ކުޅުންތެރިންނާއި އޮފިޝަލުން އަދި ސަޕޯޓަރުންގެ މޫނުމަތިން ވެސް ފެންނަނީ މާޔޫސްކަން.

އަދިވެސް ޑެންމާކުގެ މެޑިކަލް ޓީމުން ދަނީ ދަނޑުމަތީ އެރިކްސަނަށް ފަރުވާދެމުން.

އެރިކްސަން ދަނޑުމައްޗަށް ވެއްޓުމުން އޭނާއަށް ފަރުވާދޭން ފަށައިފި. މި އަނިޔާގެ ސަބަބުން އޭނާއަށް ނޭވާލާން އުނދަގޫތަކެއް ވަނީ ކުރިމަތިވެފައި. މި އަނިޔާގެ ސަބަބުން އޭނާ ބަދަލުކުރާނެ ކަމަށް ބެލެވޭ.

މިއީ ފިންލޭންޑްގެ ފުރަތަމަ ބޮޑު މުބާރާތް. ފުރަތަމަ މެޗު ކުޅެން ޖެހުނީ ޑެންމާކުގެ ހޯމް ދަނޑުގައި. އެތައް ހާސް ޑެންމާކް ސަޕޯޓަރުންނެއް ކުރިމަތީގައި ކުޅެން ޖެހުމުން އުނދަގޫތަކެއް ކުރިމަތިވާނެ. ޑެންމާކަކީ ބޮޑެތި މުބާރާތްތަކުގެ ތަޖުރިބާހުރި، އަބަދުވެސް ވަރުގަދަކޮށް ފެންނަ ޓީމެއް. ޑެންމާކުން ފެންނަނީ ފުލުފުލުގައި އެޓޭކްކޮށް ގޯލަކާ ދިމާލަށް މިސްރާބު ހުރިތަން.

ޑެންމާކުން ފެންނަނީ ވަރަށް ބޮޑަށް ކުރިއަށް ޖެހި، އެޓޭކު ކުރުމަށް މަސައްކަތްކުރާ ތަން. ނަމަވެސް ފިންލެންޑުގެ ޑިފެންސިވް ކުޅުމުގެ ސަބަބުން ޑެންމާކަށް ވަނީ އުނދަގޫތަކަކާ ކުރިމަތިލާން ޖެހިފައި. މި މެޗުގައި ފިންލެންޑުގެ އެންމެ މުހިންމު ކުޅުންތެރިއެއްގެ ގޮތުގައި ފެންނަނީ ކީޕަރު ހްރަޑެޓްސްކީ. އޭނާގެ ފަރާތުން މުހިންމު ސޭވްތަކެއް ފެނިގެންދޭ.

ފިންލެންޑުގެ ކީޕަރު ހްރަޑެޓްސްކީ ވަރަށް ބުރަކޮށް ފެނުނު ނަމަވެސް، އޭނާގެ ފަރާތުން މޮޅު ކުޅުމެއް ފެނިގެންދޭ.

'19 - ޑެންމާކުގެ އިތުރު ހަމަލާއެއް. ބްރެތުވެއިޓް ދިން ބޯޅައަކުން ގޯލުގެ ތިރީ ކަނަކަށް އަމާޒުކޮށް އެރިކްސަން ފޮނުވާލި ހަމަލާ، ފިންލެންޑްގެ ކީޕަރު ހްރަޑެޓްސްކީ ވަނީ މަތަކޮށްފައި.

'15 - ޑެންމާކަށް އިތުރު ފުރުސަތެއް. މައޭލީ ނަގައިދިން ހުރަހަކުން ޕެނަަލްޓީ އޭރިއާ ތެރޭ ހުރެ ހޮއިބިއާގް ބޮލުން ފޮނުވާލި ހަމަލާ، ފިންލެންޑުގެ ކީޕަރު ހްރަޑެޓްސްކީ ވަނީ މަތަކޮށްފައި.

'7 - ޑެންމާކަށް ފުރުސަތެއް. ވިންޑް ފޮނުވާލި ހަމަލާ، ފިންލެންޑްގެ ކީޕަރު ހްރަޑެޓްސްކީ ވަނީ މަތަކޮށްފައި.

މެޗުގެ ކުޅުން ފަށައިފި.