މިއަހަރުގެ ފުރަތަމަ ފަސް ދުވަހު ދައުލަތުން ހަރަދުކޮށްފައިވަނނީ 4،013.1 ރުފިޔާ ކަމަށް ފިނޭންސް މިނިސްޓްރީން ހާމަކޮށްފި އެވެ.
ފިނޭންސް މިނިސްޓްރީން ހަފްތާއަކު ނެރޭ މާލީ ރިޕޯޓުގައި ބުނެފައިވަނީ މިއަހަރުގެ ފުރަތަމަ ހަފްތާގައި އެންމެ ގިނައިން ހަރަދުކޮށްފައިވަނީ ހޯމް މިނިސްޓްރީން ކަމަށެވެ.
ފުރަތަމަ ފަސް ދުވަހު ހޯމް މިނިސްޓްރީން ވަނީ 2،600.1 ރުފިޔާ ހޭދަ ކޮށްފައެވެ. އަދި ހެލްތު މިނިސްޓްރީން އެންމެ ގިނައިން ދެވަނައަށް ހަރަދުކޮށްފައިވާއިރު އެ މިނިސްޓްރީން ވަނީ 1،243 ރުފިޔާ ހޭދަކޮށްފައެވެ. އަދި އެއަށްފަހު ޓެކްސް އެޕީލް ޓްރައިބިއުނަލުން 95 ރުފިޔާ ހޭދަކުރިއިރު މޯލްޑިވްސް އިންލެންޑް ރެވެނިއު އޮތޯރިޓީން ވަނީ 75 ރުފިޔާ ހޭދަކޮށްފައެވެ.
މިއަހަރުގެ ފުރަތަމަ ފަސް ދުވަހުގެ މާލީ ބަޔާން އާންމުކޮށްފައިވާއިރު އޭގެތެރެއިން ތިން ދުވަހަކީ ސަރުކާރު ބަންދު ތިން ދުވަހެވެ.
ދައުލަތުގެ ހަތަރު މުއައްސަސާއަކުން މި އަހަރުގެ ފުރަތަމަ ފަސް ދުވަހު ހޭދަކޮށްފައިވާއިރު އެ ހަތަރު މުއައްސަސާ އަށް ކަނޑައަޅާފައިވާ ބަޖެޓު ތިރީގައި އެވަނީއެވެ.
ހޯމް މިނިސްޓްރީ : 52,083,337 ރުފިޔާ
ހެލްތު މިނިސްޓްރީ : 1,741,793,867 ރުފިޔާ
ޓެކްސް އެޕީލް ޓްރައިބިއުނަލް : 4,692,480 ރުފިޔާ
މޯލްޑިވްސް އިންލެންޑް ރެވެނިއު އޮތޯރިޓީ : 82,792,002 ރުފިޔާ
ރޯދަ 28، އެސްޓީއޯ ރޯދަ ބާޒާރު: ދިވެހި ކަރާ މަދުވެ އަގު އުފުލިއްޖެ
ޖެނުއަރީ މަހުން ފެށިގެން މިހާތަނަށް 150 މިލިއަން ޑޮލަރު ބޭންކުތަކަށް މާރުކޮށްފި: ރައީސް
ޓީއެމްއޭ ގަންނަން ބްލެކްސްޓޯނުން 200 މިލިއަން ޑޮލަރުގެ ލޯނެއް ނަގަނީ
އެލައިޑުގެ އިފްތާރު ޕެކް ބެހުން މިސްކިތްތަކުގައި ކުރިއަށްދަނީ
