ނިހާން ތިނަދޫ ދެކުނު ދާއިރާއަށް، އަސްއަދު ގަލޮޅު ދެކުނު ދާއިރާއަށް
ޕީޕީއެމްގެ ޓިކެޓުގައި ރައްޔިތުންގެ މަޖިލީހުގެ އިންތިހާބުގައި އަހްމަދު ނިހާން ހުސައިން މަނިކު ތިނަދޫ ދެކުނު ދާއިރާއަށް ކުރިމަތިލައްވާ އިރު، ގަލޮޅު ދެކުނު ދާއިރާއަށް އަހްމަދު އަސްއަދު ކުރިމަތިލެއްވުމަށް ނިންމަވައިފިއެވެ.
މިހާރު ވެސް މަޖިލީހުގައި ޕީޕީއެމްގެ މެމްބަރުންގެ ގޮތުގައި ހިމެނިވަޑައިގަންނަވާ 24 މެމްބަރަކަށް ޕްރައިމަރީއަކާ ނުލައި އެ ޕާޓީން ވަނީ ޓިކެޓު ދީފައެވެ. އެ މެމްބަރުން ވާދަކުރައްވާނެ ދާއިރާތައް ވެސް ޕީޕީއެމް އިން ރޭ ވަނީ އިއުލާންކޮށްފައެވެ.
އެ 24 މެމްބަރުންގެ ތެރެއިން ދެ މެންބަރަކު ފިޔަވާ ދެން ހިމެނިވަޑައިގަންނަވާ މެމްބަރުން ވާދަކުރައްވާނީ މިހާރު ވެސް އެ މެމްބަރުން ތަމްސީލުކުރައްވާ ދާއިރާތަކަށެވެ. އޭގެ ތެރެއިން މިހާރު ވިލިމާލެ ދާއިރާގެ މެންބަރެއްގެ ގޮތުގައި ހުންނެވި ނިހާން ވާދަކުރައްވާނީ ތިނަދޫ ދެކުނު ދާއިރާއަށެވެ. އަދި ދާންދޫ ދާއިރާގެ މެންބަރުގެ ގޮތުގައި ހުންނެވި އަސްއަދު ވާދަކުރައްވާނީ ގަލޮޅު ދެކުނު ދާއިރާއަށެވެ.
ކުރިއަށް އޮތް މަޖިލީހުގެ އިންތިހާބުގައި ނިހާން ވާދަކުރައްވާނެ ތިނަދޫ ދެކުނު ދާއިރާގެ މެންބަރުގެ ގޮތުގައި މިހާރު ހުންނެވީ އަބްދުﷲ އަހްމަދު (އަބުޅޯ)އެވެ. އޭނާ ވަނީ ދާދި ފަހުން ޖުމްހޫރީ ޕާޓީއާ ގުޅިވަޑައިގެންފައެވެ.
އަސްއަދު ވާދަކުރައްވާ ގަލޮޅު ދެކުނު ދާއިރާގެ ގޮނޑި މިހާރު ވަނީ ހުސްވެފައެވެ. އެ ގޮނޑި ހުސްވެފައިވަނީ ގަލޮޅު ދެކުނު ދާއިރާގެ މެންބަރުގެ ގޮތުގައި ކުރިން ހުންނެވި އަހްމަދު މަހުލޫފު، ޔޫތު މިނިސްޓަރުގެ މަގާމާ ހަވާލުވެވަޑައިގަތުމަށް އިސްތިއުފާ ދެއްވުމާ ގުޅިގެންނެވެ.
ޕީޕީއެމްގެ ޓިކެޓް ކަށަވަރުވި މެންބަރުން:
- ކެލާ ދާއިރާ – އަލީ އާރިފް
- ހޯރަފުށީ ދާއިރާ – މުހައްމަދު އިސްމާއީލް
- ބާރަށު ދާއިރާ – އިބްރާހިމް ޝުޖާއު
- ފުނަދޫ ދާއިރާ – އަލީ ސަލީމް
- މިލަންދޫ ދާއިރާ – ހަސަން މުފީދު އަބްދުލް ގާދިރު
- ވެލިދޫ ދާއިރާ – އަބްދުﷲ ޔާމީން
- އިނގުރައިދޫ ދާއިރާ – އިބްރާހިމް ފަލާހް
- ދުވާފަރު ދާއިރާ – މުހައްމަދު އަލީ
- އޭދަފުށި ދާއިރާ – އަހްމަދު ސަލީމް
- ނައިފަރު ދާއިރާ – އަހްމަދު ޝިޔާމް
- ކ. ގުރައިދޫ ދާއިރާ – އިބްރާހިމް ރިޒާ
- މަހިބަދޫ ދާއިރާ – އަހްމަދު ޠާރިގު
- ނިލަންދޫ ދާއިރާ – ޑރ. އަބްދުﷲ ޚަލީލް
- ފޮނަދޫ ދާއިރާ – އަބްދުލް ރަހީމް އަބްދުﷲ
- ގެމަނަފުށީ ދާއިރާ – ޖަމީލް އުސްމާން
- ގައްދޫ ދާއިރާ – އަހްމަދު ރަޝީދު
- މަޑަވެލި ދާއިރާ – މުއާޒް މުހައްމަދު ރަޝީދު
- ތިނަދޫ ދެކުނު ދާއިރާ – އަހްމަދު ނިހާން ހުސައިން މަނިކު
- ފުވައްމުލަކު ދެކުނު ދާއިރާ – އަބްދުﷲ މަސީހު މުހައްމަދު
- ހުޅުދޫ ދާއިރާ – މުހައްމަދު ޝާހިދު
- ފޭދޫ ދާއިރާ – އިބްރާހިމް ދީދީ
- މާފަންނު ދެކުނު ދާއިރާ – އަބްދުﷲ ރިފާއު
- މާފަންނު މެދު ދާއިރާ – އަސްމާ ރަޝީދު
- ގަލޮޅު ދެކުނު ދާއިރާ – އަހްމަދު އަސްއަދު
ރާޝިދުގެ ކެމްޕެއިނަށް ރައީސް ކޮމަންޑުއަށް ވަޑައިގަންނަވަނީ
ސިންގަޕޫރުގެ އާންމު އިންތިހާބު އެގައުމުގެ ވެރިކަން ކުރާ ޕާޓީން ކާމިޔާބު ކޮށްފި
ލަންކާގެ އާންމު އިންތިހާބު އޮގަސްޓް ފަސްވަނަ ދުވަހު ބާއްވަނީ
އިންތިހާބުތައް އެއްކޮށް ބޭއްވުން މުހިންމު، އޭރުން ތަރައްގީގެ މަސައްކަތްތައް ހަލުވިވާނެ: ރައީސް
